ताजा समाचार
  • रुकुमकी पहिलो छापामार महिला भन्छिन् ‘चुनाव जित्ने पक्का होे’
  • बोक्सी प्रथा विरुद्धको चलचित्र ‘अग्नीदहन’
  • नागरिकता सम्बन्धी समस्याबारे वृहत राष्ट्रिय सम्मेलन हुने
  • दिल्लीमा महिला यात्रुकालागि छुट्टै ट्याक्सी सेवा
  • भोट हैन बोटमा ध्यानः निर्वाचन नजिकिदै गर्दा राजनीतिक दल र उम्मेदवार मत माग्न व्यस्त छन् तर दोलखाका ग्रामीण महिलाहरू भने आफ्नो बारेमा फलेको कोदो टिप्न व्यस्त देखिन्छन् । तस्विरः सर्मिला बुढाथोकी-दोलखा
  • बालिकालाई करणी गर्ने किशोर पक्राउ
  • मानसिक असन्तुलनः पुनर्स्थापना र पहिचानकै समस्या
  • जित्नकै लागि मेरो उम्मेदवारीः महालक्ष्मी उपाध्याय
  • रेडियोमा बोल्ने रहरले अभियन्ता बनिन् मच्छे
  • चुनावी विभेद र विकृति
  • जुम्लामा महिला मत निर्णायक
  • अब इटहरीमै इजलास र न्याय सम्पादन
  • हरेक मतदान स्थलमा दुई प्रहरी महिला
  • प्रविधि अभावमा अब सुत्केरी र गर्भवतीले मर्नु नपर्ने
  • बलात्कारीलाई कारबाहीको माग गर्दै विरोध, एक युवा पक्राउ

    तीन वर्षीया कलाकार विदेहा

    प्रकाशित मिति :2016-10-05 15:00:06

    अञ्जली रम्तेल

    3
    काठमार्डौं । विदेहा रञ्जन उमेरले त भर्खर तीन वर्षकी हुन्, तर उनको प्रतिभाले अहिले नै उनी भविष्यकी कुशल कलाकार हुनसक्छिन् भनेर पहिचान दिइसकेको छ ।

    केहीदिन अघि बबरमहलस्थित नेपाल कला परिषद्मा उनले बनाएका चित्रकला प्रदर्शनीको आयोजना गरियो । प्रदर्शनी हेर्न आउने जो कोही उनको प्रतिभा देखेर आश्चर्य मानिरहेका थिए ।

    ‘सिर्जनाको बिहानी’ शीर्षक दिइएको उक्त एकल चित्रकला प्रदर्शनीमा उनी नौ महिना हुँदादेखि कोर्न थालेका चित्रकला राखिएका थिए । लेखक तथा कलाकार समेत रहेका बाबु पल्लव रञ्जनले भने–‘उनले साधारण तरिकाले बनाएका चित्रप्रति सुरुमा खासै वास्ता गरिएन, तर जब उनी बाहिर कतै गएर आउने बित्तिकै चित्र कोर्न थालिन अनि उनको चित्र लेखनमा हामीले पनि चासो दिन थाल्यौँ ।’

    उनलाई चित्र बनाउन आवश्यक सम्पूर्ण सामग्री पेन्सिल, कलर, मार्करको व्यवस्था आमाबाबुले मिलाइदिएपछि उनी बिहानै ६ बजे उठेर चित्र कोर्न थालिहाल्थिन् । उनकी आमा भगवतीले भनिन्–‘हामी बिहान सुतिरहेका हुन्छौँ, तर उनी बिहानै उठेर चित्र कोर्न बस्छिन् । उनलाई के बनाएको भनेर सोध्यो भने सबै भन्छिन् र कस्तो लाग्यो भनेर हामीलाई नै सोध्छिन् ।’

    4

    आफ्नो तेस्रो जन्मदिन मनाउने क्रममा तीन दिनअघि उनका बाबु पल्लवले उपहारस्वरुप उनले बनाएका चित्रहरूको प्रदर्शनी गरिदिए । विदेहाले आफू गएको ठाउँमा राम्ररी विश्लेषण गर्ने र पछि घरमा आएर त्यसैलाई कागजमा उतार्ने गरेको आमा भगवतीले भनिन् ।

    बाबु पल्लवले भने–‘बच्चालाई कहिल्यै पनि के चित्र बनाउने भनेर सिकाउने हैन, चित्र कोर्न आवश्यक पेन्सिल, कलर, मार्कर दिएर छाडिदिने हो । सिकाउन थाल्यो भने हामीले बनाएको चित्र नै नक्कल गर्ने मात्र हुन्छ । उनीहरूको सिर्जना निस्कन पाउँदैन ।’

    विदेहाको चित्रमा विभिन्न जनावर, व्यङ्ग्यचित्रका पात्र, पुतली, परिवारका सदस्य, हाँस, कुखुरा, मादल, बाँसुरी, मःमजस्ता चित्र देख्न सकिन्छ । कसैको जन्मदिनमा गएका बेला त्यहाँ देखेको केक, मैनबत्ती, वरपरका मान्छेलाई समेत उनले आफ्नो चित्रमा राखिहाल्छिन् ।
    प्रदर्शनीमा ८० चित्रकला समावेश थिए । प्रदर्शनीले बाल मनमस्तिष्कभित्रको झलकमात्र नदिई शिशु विकास, कौशलता परिवर्तन, बौद्धिकता, सिर्जनशीलता, शारीरिक र रचनात्मक क्षमता अभिवृद्धिसम्बन्धी चेतनालाई देखाउने कोसिस गरेको छ ।

    tt

    त्यतिमात्र हैन उनी फोटोग्राफीमा समेत रुचि राख्छिन् । उनका बाबु पल्लवले दिएको आइफोनबाट उनले आफूलाई मन लागेको ठाउँ, मान्छे, घरपालुवा जनावरको समेत तस्बिर खिचेर राखेकी छन् । बाबु पल्लवले त्यसको पनि प्रदर्शनी गर्ने तयारी गरेको जानकारी दिए ।

    आफ्नै आमाबाबुले खोलेको विद्यालयमा विदेहाले मादल, बाँसुरी बजाउन समेत सिकिसकेकी छिन् । उनले नेपाली र अँग्रेजी २० वटा गीत कण्ठस्त सुनाउन सक्ने आमा भगवतीले बताइन् ।

      Comment Here!

    Related NEWS
    मुख्य खबर

    रुकुमकी पहिलो छापामार महिला भन्छिन् ‘चुनाव जित्ने पक्का होे’

    –महिला खबर– काठमाडौं । मंसिर १० गते हुने पहिलो चरणको निर्वाचनमा प्रतिनिधिसभाका लागि बामगठबन्धनबाट उम्मेदवारी पाउने

    बोक्सी प्रथा विरुद्धको चलचित्र ‘अग्नीदहन’

    महिला खबर काठमाडौं । बोक्सी प्रथा उन्मुलन गर्ने उद्देश्यले निर्माण भएको चलचित्र ‘अग्नीदहन’ अभियानको रुपमा

    नागरिकता सम्बन्धी समस्याबारे वृहत राष्ट्रिय सम्मेलन हुने

    –महिला खबर– सरकारी कार्यालयको विवरणमा तीनपुस्ते विवरण भर्दा संस्थाको पहलमा प्राप्त नागरिकतामा बाबु, बाजेको नामथर हु्न्न

    बालिकालाई करणी गर्ने किशोर पक्राउ

    -महिला खबर- पाँचथर । गत कात्तिक १६ गते स्थानीय ७ वर्षीया बालिकालाई जवरजस्ती करणी गरेको

    Read more
    ताजा अपडेट
    %d bloggers like this: