ताजा समाचार
  • तीजलाई महिला शसक्तिकरणको पर्व बनाऔं : शर्मा
  • जिल्लाको एकमात्रै शल्यक्रिया सहितको प्रसुति सेवा बन्द : सुत्केरी हुन आउनेलाई सास्ती
  • समाचार प्रभाव :‘पाँच वर्षको संघर्षपछि विमलाले नागरिकता पाईन्’
  • किन रोकिदैन बालविवाह ?
  • मेरो छोराले जन्मदर्ता किन नपाउने ?
  • कलिला आमाहरू
  • भरतपुरकी मेयर रेणुको पहिलो निर्णयः महिला र ज्येष्ठ नागरिकलाई निःशुल्क बहिरंग सेवा
  • दोषीमाथि कारबाहीको माग राख्दै शव सडकमा राखेर प्रदर्शन
  • काठमाडौंमा दक्षिण एशियाली महिला सम्मेलन शुरु
  • तराईका किशोरी भन्छन् – ‘बाँधेको पशु स्वतन्त्र होला, हामी बन्दी छौं’
  • सुत्केरी बिदा ६ महिना पुर्याउन पहल
  • बाल विवाह एवम् दाइजो विरुद्ध अभियान्त सम्मानित
  • बालिका बलत्कार गर्ने पक्राउ
  • ‘हेय र भेदभाव हटे मात्रै यौन हिंसा उजागर’
  • रोकिएन असुरक्षित गर्भपतन

    ‘मतदाताले हामीलाई मत दिएकोमा गर्व गर्नेछन्’

    प्रकाशित मिति :2017-05-27 10:06:07

    रुकुमको विकट गाउँ भुमे गाउँपालिकामा जन्मनुभएकी प्रेमकुमारी सुनार अहिले मुसीकोट नगरपालिकाको उपमेयर हुनुहुन्छ । विद्यार्थी कालदेखि नै राजनीतिमा लाग्नुभएकी सुनारले उपमेयर पदसम्म आइपुग्दा धेरै सर्घष गर्नुभएको छ । 

    उहाँ लामो समयदेखि माओवादी निकट सामना साँस्कृतिक परिवारमा गायिकाको रुपमा रहनुभयो । दोस्रो खारा, बेनी, अर्घाखाँची, गाम लिस्ने लगायतका फौजी आक्रमणमा भाग लिनुभएकी सुनारले महिला र दलित आन्दोलनमा सशक्त रुपमा भाग लिएर महत्वपूर्ण भुमिका खेल्नुभएको छ । माओवादी केन्द्रबाट उपमेयरमा निर्वाचित ३९ वर्षिय सुनारसँग सन्दिप वि .कले गर्नुभएको कुराकानी ।

    उपमेयरमा निर्वाचित हुनुभएको छ, कस्तो महसुस गर्नुभएको छ ?

    पार्टीले मेरो योगदानको कदर गरेर मलाई उम्मेद्वार बनायो । खुसी लागेको छ । पार्टी संगठनका हिसाबले हामी मजबुँद थियौ, त्यसमा योग्य उम्मेदवार, प्रभावकारी एजेण्डा र व्यवस्थित प्रचारप्रसारले मैले जिते । आम जनताले मलाई अधिकतम मत दिनुभयो । शहिद परिवारले धेरै आशा गर्नुभएको थियो । अहिले सेवा गर्ने मौका पाएको छु । जनताको सेवा गर्ने फरक र नयाँ यात्रा शुरु भएको छ । जनताको मतको अवमूल्यन हुने कुनै काम गर्ने छैनौ, हामी चाहन्छौ हरेक मतदाताले हाम्रो कामबाट हामीलाई मत दिएकोमा गर्व गर्न पाउनेछन् ।

    तपाईको नगरपालिकामा महिला एवम् दलित महिलाहरुमा कस्तो समस्या देख्नुभएको छ ?

    अहिले पनि महिलाहरुले धेरै पिडा सहेर बसिरहनुपरेको अवस्था छ । संविधान र मौलिक हकमा महिलाका अधिकारहरु सुनिश्चित गरिएको छ, तर कार्यान्वयन पक्ष फितलो छ ।
    अझ दलित महिलाको स्थिति नाजुक छ । दलित महिलाहरु सामाजिक रुपमा बढि पिडित छन् । न्यायको पहुँच सम्म उनीहरु पुग्न नसकेको अवस्था छ । अधिकारका लागि झन् बोल्नै नसकेको अवस्था छ । अझैपनि दलित महिलाहरु दलित भएकै कारण बोक्सिको आरोप खेपिरहेको अवस्था छ । कतिको हत्या समेत भएको छ । म पनि दलित भएकै कारण हेपिएको धेरै अनुभवहरु छन् । अब ति समस्याहरु कम गर्न मेरो पहल हुनेछ ।

    दलित महिलाका लागि छुट्टै कार्यक्रम छन् कि ?

    पहिला त पिडित महिलाका लागि न्यायको लागि पहल गर्नेछु । महिलाका लागि न्यायसम्म पुग्ने वातावरण तयार गर्नेछु । महिलाका लागि स्वरोजगारका कार्यक्रमहरु ल्याउनेछु ।

    स्थानिय तह निर्वाचनमा दलित महिलाका लागि आरक्षण कोटाको व्यवस्थाले धेरै दलित महिला स्थानिय सरकारमा आउने अवसर पाए, तर नेतृत्वमा अझै पुगेका छैनन्, अब स्थिति परिवर्तन हुनेमा कतिको आशा गर्नुभएको छ ?

    अहिले स्थानीय तहको निर्वाचनमा दलित महिलाको सिट सुरक्षित गरेको छ । त्यसमा हामी धेरै खुसी छौ । यसले दलित महिला समेत सरकारमा आएको अवस्था छ । दलित महिलाको संख्यात्मक हिसावले हामी खुसी भएका छौँ  ।
    यो भन्दा पहिला दलित भन्नाले पुरुष दलित महिला मात्र आउने अवस्था थियो । तर संविधानले त्यो अवस्थालाई समेत हटाएको छ । दलित महिला सरकारमा आउँदा धेरै परिवर्तनको आश गरेको छु । अब हरेक तहमा उनीहरुले दलित महिलाका विषयमा कुरा राख्नेछन् । दलित महिलाका विषयमा आवाज उठाउनेछन् ।

    तपाईले जनतासामु गरेका प्रतिवद्धता कसरी अगाडि बढाउनुहुन्छ ?

    नगरसभापछि विकास निर्माणका काम पास हुनेछ । जुन मेरो एजेण्डा छ, नगरपालिकालाई आर्थिक समृद्धि बनाउने त्यसलाई पूरा गर्नेछु । नगरपालिकामा गुरुयोजना बनाउने सोचमा छु । युवायुवतीहरुमा रहेको बेरोजगारी समस्या छ त्यसलाई हटाउने प्रयत्न गर्नेछु । कृषि, पर्यटन क्षेत्र र जलस्रोतमा लगानीको पकेट क्षेत्रका रुपमा विकास गर्नेछु । महिलाहरुका निम्ती सिपमुलक कार्यक्रम ल्याएर नगरलाई १० वर्षभित्र बेराजगार मुक्त नगर बनाउने छु । अहिले सहिद तथा वेपत्ता परिवारले म बाट धेरै आश गर्नुभएको छु । उहाँहरुका निम्ती विशेष कार्यक्रम ल्याउने छु । सडक, यातयातमा सुधार ल्याउनेछु ।

    तपाईको राजनीतिक यात्रा ?

    म विद्यार्थी जीवनदेखि (वि.स२०४९) नै राजनीतिमा सक्रिय छु । गाउँ इकाई कमिटी लगायत कलाकार जनसाँस्कृतिक परिवारमा समेत लामो समय आवद्ध भए । वाइसिएल, कलाकार र विभिन्न संगठनमा लागेर धेरै भूमिका निर्वाह गरिसकेको छु । १७ वर्षको हुँदा सेनाले घर बस्न नदिएपछि जनयुक्तमा जान बाध्य भए । माओवादी निकट केन्द्रीय साँस्कृतिक परिवार सामाना साँस्कृतिक परिवारमा बर्षौसम्म बिताए । त्यसपछि कहिले संगठन त कहिले फौजी कमाण्ड सम्हालेर काम गरे । वि.स २०४९ सालदेखि निरन्तर राजनीतिमा लागि रहेको छु ।

      Comment Here!

    Related NEWS
    मुख्य खबर

    तीजलाई महिला शसक्तिकरणको पर्व बनाऔं : शर्मा

    -सृजना अर्याल- तीज पर्वका पुरातन मान्यताहरुको जरो वर्तमानमा खोज्न जरुरी भएको भन्दै कार्यक्रमका प्रमुख अतिथी शर्माले

    समाचार प्रभाव :‘पाँच वर्षको संघर्षपछि विमलाले नागरिकता पाईन्’

    -महिला खबर- नागरिकता बनेपछि गरिखाने बाटो खुलेको विमला बताउँछिन् । ‘जे गर्दा पनि नागरिकता चाहिने रहेछ

    किन रोकिदैन बालविवाह ?

    –सन्दिप विक– पछिल्लो समय सूचना प्रविधिको बढ्दो प्रयोगले समेत बालविवाह हुने गरेको पाइन्छ । चितीकै संगिता

    दोषीमाथि कारबाहीको माग राख्दै शव सडकमा राखेर प्रदर्शन

    महिला खबर काठमाडौं । रौतहट गरुडामा निर्माणका लागि खनिएको खाल्डोमा जमेको पानीमा डुबेर शनिबार चार

    तराईका किशोरी भन्छन् – ‘बाँधेको पशु स्वतन्त्र होला, हामी बन्दी छौं’

    -यमुना खनाल- तराईका सीमित परिवारका महिलाहरुले मात्र स्वतन्त्र रुपमा आफ्नो क्षमता अगाडि बढाउन पाएका छन् ।

    Read more
    ताजा अपडेट
    %d bloggers like this: