ताजा समाचार
  • शिक्षक महिलाले धानेको नमूना विद्यालय
  • हिंसापीडित महिलालाई रेडियो कार्यक्रमले दिलायो न्याय
  • भोट माग्न महिला सक्रियता 
  • महिलालाई आत्म सुरक्षा तालिम
  • एक्स–रे गर्दा यौन दुव्र्यवहार गर्ने स्वास्थ्यकर्मी प्रहरी हिरासतमा
  • ठुला दलबाट ४३ जना महिला चुनावी मैदानमा (नामसहित)
  • राष्ट्रपतिलाई युएई भ्रमणको निम्तो
  • मतगणना स्थलमा महिला मात्रै प्रतिनिधि
  • प्रत्यक्ष चुनावमा हेपिएका महिला
  • समान ज्याला प्राप्त गर्ने अधिकारलाई कार्यान्वयनमा ल्याउन सर्वोच्चको आदेश
  • अमेरिकी राष्ट्रपतिलाई माझी औँला देखाउँदा महिलाको जागिर गयो
  • कुवेत लैजान लागिएका दुई युवतीको उद्धार
  • ८८ महिलाको स्वतन्त्र उम्मेदवारी
  • सामाजिक क्षेत्रमा अभियान थाल्न सहकारीलाई आग्रह
  • मतदाता रिझाउन ढकिया बोक्दै आरजुले भनिन्, तपाईंहरूको सेवक बन्ने धोको छ

    घरेलु श्रमिक महिलालाई नेपालमै आकर्षक तलब

    प्रकाशित मिति :2017-07-02 10:22:21

    ‘घरेलु श्रमिकको माग बढ्दो’

    खेमा बस्नेत

    काठमाडौं । पार्वती थापा (३५) ले काठमाडौंमै हाउस क्लिनिङ (घरको सरसफाई) गरेर मासिक २० हजार रुपैयासम्म आम्दानी गर्छिन् । उनको डियुटी हो, घरको पूर्ण सरसफाइदेखि फुलबारीमा पानी हाल्ने, गोडमेल गर्ने । उनले दैनिक २ घण्टाको दरले ४ वटा घरमा यस्तै काम गर्छिन् । र प्रत्येक घरबाट औषत ५ हजार रुपैयाँ तलब लिन्छिन् । यो सगै उनले घरमा ३ छोरीहरुको पालनपोषण पनि गर्न भ्याउछिन् ।

    पाल्पा घर भएकी उनी काठमाडौं बनस्थली बस्न थालेको चार वर्ष भैसक्यो । श्रीमान् रोजगारका लागि कतार हिडेपछि उनले यसैगरि ३ छोरीलाई हर्काउदै आएकी छन् ।

    श्रीमानले विदेशबाट मासिक १५ हजार रुपैयाँ पठाएपनि त्यो पैसा घर खर्चमै ठिक्क भएपछि उनी कामको खोजीमा थिइन् । जहाँ इच्छा त्यहाँ उपाय भनेझै उनले नजिकैको घरमा क्लिनरको काम पाइन् । र विस्तारै अरु घरहरुमा पनि काम गर्न थालिन् । ‘अहिले धेरै सजिलो भएको छ, पार्वतीले भनिन्,–एउटाले कमाएकोले घरखर्च धान्ने र अर्काेले कमाएको बचत गर्ने गरेका छौं ।’

    अन्जना पाठक

    पहिले यो काम गर्न उनलाई गाह्रो लाग्थ्यो । यही कामबाट यति राम्रो कमाई होला भन्ने लागेको पनि थिएन । तर अहिले उनलाई गरे नेपालमै हुँदोरहेछ भन्ने परेको छ । ‘काम र कमाई दुवैप्रति सन्तुष्ट छु, उनले भनिन्– मालिक राम्रो भए खाजा नास्ता समेत उनीहरुले नै खुवाउछ ।’

    ४ वर्ष अघि रोजगारीको लागि इजराइल जान काठमाण्डौ छिरेकी ३८ वर्षिया अन्जना पाठक पनि अहिले नेपालमै घरेलु काममा संलग्न छिन् । काठमाण्डौंमै काम पाएपछि उनी विदेश जान रोकिइन् । उनले पनि विभिन्न ठाउँमा पार्टटाइम काम गरेर अहिले मासिक २० हजार रुपैया बढी कमाउछिन् । ‘विदेश गएजत्तिकै कमाई भएपछि किन अरुको देश जानु ।’ पाठकले भनिन् ।

    घरको काम सकेर उनी विहान एक कन्सटेल्सीमा जान्छिन् । त्यहाँको काम सकेर एक जना बुढी आमाको स्याहार सुसारमा गर्छिन् । त्यहाँ ४ घण्टा समय विताएर फेरी घरको काममा फर्किन्छन् ।

    अन्जनाको श्रीमान विदेश गएको ७ वर्षदेखि अतोपत्तो छैन । श्रीमान् बेपत्ता भएदेखि उनी छोरालाई लिएर यसैगरि काठमाडौंमा बस्दै आएकी छन् ।

    अञ्जना पहिले जिल्लाकै एक बोडिङ स्कूलकी शिक्षिका थिइन् । शिक्षकको तलबले नधानेपछि उनले पेशा परिवर्तन गरेकी थिइन् ।

    ‘श्रीमान बेपत्ता हुनुभयो । त्यसपछि सवै जिम्मेवारी मेरो काँधमा आयो । त्यसै म विदेश जानलाई काठमाण्डौ आएकी थिए । तर संजोक नै भन्नुपर्छ, यतै काम पाएपछि यतै बसे’– अन्जनाले भनिन् । उनले सबै कुराको खुसी स्वदेशमै देखेकाले यही काम गर्ने योजना बनाएको बताइन् ।

    ललितपुरको बालकुमारीमा घर भएकी ३७ वर्षिया मिना श्रेष्ठ घरेलु कामदारको रुपमा काम गर्दै आएको १० वर्ष पुरा भयो । यही कामको कमाइबाट उनले घरखर्च र छोराछोरीको पठनपाठन खर्च व्यहोरेकी छिन् ।

    मिना अहिले दुई ठाउँमा काम गर्छिन् । विहानको समय स्थानीय एक विद्यालयमा परिचारिकाको रुपमा २ घण्टा काम गर्छिन् । त्यसपछि लगनखेल स्थित एक घरमा क्लिनरको रुपमा काम गर्छिन् । यही कामबाट उनी मासिक १३ हजार रुपैयाँ कमाउँछिन् ।

    मिनाले सुरुमा विदेश जाने सोच नबनाएकी होइनन् । तर, वैदेशिक रोजगारीमा घरेलु कामदारमा जाने महिलालाई हुने हिंसा, तनाव र यातना सम्झेर नगएको उनी बताउँछिन् ।

    ‘विदेश जानुभन्दा यही केही गर्छु भनेर नेपालमै घरेलु काम खोजेँ । अहिले म सन्तुष्ट छु घरखर्च चलाएर छोराछोरी पढाउन भ्याएकी छु ।’उनले भनिन् ।

    घरेलु कामदारको रुपमा काम गर्दा सुरुमा रोजगारदातासंग सम्झौता गर्ने गरेको उनले बताइन् । सोही अनुसार काम गर्ने र तलब लिने गरेको उनको भनाई छ ।

    ‘कसैले सम्झौता उलंघन गरे छोडेर अर्को ठाउँ पनि जान सकिन्छ । तर, विदेशमा त्यसो गर्न सकिदैन । चित्त बुझे पनि नबुझेपनि बाध्यतामा परिन्छ । त्यसैले मैले विदेश जानुभन्दा यही काम गर्नु ठीक ठाने’ –मिनाले भनिन् । मिनाका छोरी कक्षा १२ र छोरा कक्षा १० मा पढ्छन् ।

    पार्वती, अन्जना र मिनाको परिचय एउटै हो,‘घरेलु श्रमिक’ । उनीहरुको अनुभव छ, स्वदेशमै सम्मानजक व्यवहार पाएका छन् । पछिल्लो समय उनीहरु जस्तै धेरै महिलाहरु नेपालमै घरेलु श्रमिकका रुपमा काम गरिरहेका छन् ।

    स्वतन्त्रता अभियान नेपालकी अध्यक्ष ऋतु भट्ट राईले जिफन्टले २०११ मा गरेको अनुसन्धानले नेपालमा २ लाख घरेलु श्रमिकहरु मध्ये ९० प्रतिशत महिला घरेलु श्रमिकका रुपमा काम गरिरहेका   छन् भने थप २७ प्रतिशत माग रहेकाे बताउनुभयो । जसमध्ये ८५ प्रतिशत आशिंक रुपमा दैनिक वा साप्ताहिक काम गर्ने कामदार खाेजीरहेकाे छन् ।

    उनका अनुसार ७४ प्रतिशत राेजगारदाताले मासिक ५ देखि ७ हजार र १६ प्रतिशत राेजगारदाताले १० हजार रुपैया भन्दा बढी तलब दिन तयार रहेकाे अध्यक्ष राईले भन्नुभयाे । उहाँले नेपालमा पहिलाको तुलनामा अहिले घरेलु श्रमिकलाई गर्ने व्यवहार राम्रो भएको बताउनुभयो ।

    उहाँले सम्झौता गरेर मात्र श्रमिक महिलाले काम थाल्ने गरेको बताउनुभयो । जसमा काम गर्ने समय, तलब, हप्तामा एक दिन बिदा, खाजा नास्ता जस्ता व्यवस्था हुने अध्यक्ष राईले भन्नुभयो ।

    घरेलु श्रमीकहरु सम्बन्धि काम गर्ने एजेन्सीहरुले माग अनुसार घरेलु कामदारको आपूर्ति हुन नसकेको बताउने गरेकाे घरेलु श्रमीक मंचका सचिव गोमा भण्डारीले बताउनुभयाे । उहाँले घरेलु श्रमीक महिलाहरुले नेपालमै पारिवारिक वातावरणमा आर्कषक तलब पाइरहेको बताउनुभयो । बढ्दो शहरीकरणले पनि घरेलु श्रमीकको माग बढेको उहाँ बताउनुहुन्छ । उहाँका अनुसार काठमाडौं उपत्यकामा मात्रै ४० हजार घरेलु श्रमिक छन् ।

      Comment Here!

    Related NEWS
    मुख्य खबर

    शिक्षक महिलाले धानेको नमूना विद्यालय

    –रमेश रावल– कालिकोट । जिल्लामा महिला शिक्षक मात्र रहेको एक विद्यालय नमुना बन्दै गएको छ ।

    हिंसापीडित महिलालाई रेडियो कार्यक्रमले दिलायो न्याय

    मेरो नाम दिपा थापा । घर र माइती संखुवासभा हो । हाल म इटहरीमा बस्छु

    महिलालाई आत्म सुरक्षा तालिम

    नेपालगंज २२ गते । महिलालाई आफ्नो सुरक्षाप्रति सजग र सम्वेदनशील हुन प्रेरित गर्नका लागि नेपालगंजमा

    एक्स–रे गर्दा यौन दुव्र्यवहार गर्ने स्वास्थ्यकर्मी प्रहरी हिरासतमा

    रमला सिंगक\महिला खबर सुनसरी । पाँच दिनदेखि ढाडको समस्या लिएर एक्स–रे गर्न आमाको साथमा स्थानीय

    Read more
    ताजा अपडेट
    %d bloggers like this: