साउदीमा आठ वर्षदेखि बन्धक नेपाली युवतीको उद्धार

प्रकाशित मिति :2017-07-11 11:00:15

-कान्तिपुर दैनिकबाट साभार-

 साउदी अरबको तावुकबाट भक्त हमालले झापाका विशाल श्रेष्ठलाई एउटा नम्बर उपलब्ध गराउँदै भने, ‘यो नम्बर भारतीयले बोक्छ । एक नेपाली चेलीलाई ८ वर्षदेखि बन्धक बनाएर राखेको खबर छ । उद्धार गर्नुपर्‍यो ।’

श्रेष्ठले धेरैपटक फोन गर्दा पनि नउठेपछि सन्देश पठाए । आधा घण्टामै सम्पर्क भयो । नम्बर भारतीय युवतीको रहेछ । ‘हामी एउटा आमाछोरीको घरमा काम गर्छौं,’ ती युवतीले आफ्नो भाषामा भनिन्, ‘उन ९नेपाली युवती० लाई बाहिर कसैसँग सम्पर्क गर्न दिइएको छैन । कहिलेकाहीं मालिक्नीकी आमाको घर जाँदा मैले मात्र भेट्छु ।’

ती युवतीले नेपाली युवतीलाई खुसुक्क आफ्नो मोबाइल दिइन् । ८ वर्षदेखि बन्धक रहेकी ती युवती थिइन्– पाल्पा दोभान–२ की ३९ वर्षीया कमला दर्लामी मगर । दर्लामीलाई श्रम शोषण र बन्धक बनाएर राखेको खबर ती युवतीले भारतमा रहेका आफ्ना दाजुलाई सुनाएकी थिइन् । उनका दाजुले नेपालमा सम्पर्क गरेर परिवारलाई सूचना दिए । साउदी गएदेखि सम्र्पकविहीन मगर जीवितै रहेको खबर पाएलगत्तै परिवारले साउदीमै रहेका छिमेकी भैरवसिंह सुनारलाई बुझ्न लगाए । उनी तावुकमा ड्राइभरको काम गर्थे । ती युवतीको नम्बर उनैले हमाललाई उपलब्ध गराएका थिए ।

कमलाले पहिलोपटक श्रेष्ठसँग फोनमा निकै मधुरो स्वरमा कुरा गरिन् । आफू त्यो घरबाट भागेर आउन नसक्ने बताइन् । साउदी मालिकरपरिवारले थाहा पाउँछन् भनेर डराइरहेकी कमलासँग लामो कुरा हुन सकेन । त्यसपछि भने घरबाट भगाएर दूतावाससम्म लैजाने योजना बनाए श्रेष्ठले । कमला बस्ने किबाबाट रियादस्थित नेपाली दूताबास करिब एक सय ६० किमि टाढा थियो । श्रेष्ठ आफैंले गाडीमा हालेर लैजान सक्ने अवस्था थिएन । बाटोमा प्रहरीले पक्रिहाले सीधै जेल जानुपर्ने खतरा थियो ।

श्रेष्ठ अलग्गै सिमबाट समस्यामा परेका नेपालीलाई उद्धार गर्ने कार्यमा नेपाली दूतावाससँग समन्वय गर्थे । त्यसैबाट कमलाको विषयमा दूतावासलाई जानकारी गराए । कमलालाई ल्याउन घरसम्मै गाडी पठाउन दूतावास तयार भयो ।

कमला बसेको घरको ‘लोकेसन’ भारतीय युवतीले दिइन् । कमलालाई घरअगाडि आइपुग्ने समय दिएर तयार भएर बस्न लगाए । किबा निकै पुरानो गाउँ थियो । गाडीको आवातजावत कम हुन्थ्यो । कमलाको घरअगाडि दूतावासको गाडी पुग्यो । श्रेष्ठले अलि टाढै गाडी रोके । कमला घरबाट निस्केर दूतावासको गाडी चढ्नै लाग्दा साउदी नागरिकको गाडी आएर छेकिहाल्यो । उनीहरू केरकार गर्न थाले । श्रेष्ठ त्यो देख्नेबित्तिकै भागिहाले । साउदी नागरिकले प्रहरीलाई खबर गरिदिए । प्रहरीले दूतावासको गाडी र कर्मचारीलाई नियन्त्रणमा लियो । साउदी अरबमा घरेलु कामदारलाई मालिकको सहमतिबिना लैजान नपाउने नियम छ ।

प्रहरीले दुई दिनसम्म गाडी नियन्त्रणमा राख्यो । दूतावासका कर्मचारीले नेपालीलाई बन्धक बनाएर राखेको भन्दै स्वदेश पठाइदिन प्रहरीसमक्ष अनुरोध गरे । कमलालाई स्वदेश पठाइदिन मालिक तयार भए । ‘कसरी साउदीमा जीवन कटाएँ । त्यसको लेखाजोखा छैन,’ कमलाले भनिन्, ‘देश फर्किन पाएँ । नयाँ जिन्दगी पाएको छु । यसैमा खुसी लागेको छ ।’

    Comment Here!

Related NEWS
मुख्य खबर

सर्वोच्चद्वारा नाङ्गा बाबालाई रोक नलगाउनुको कारण माग

–महिला खबर– काठमाडौं । सर्वोच्च अदातलले पशुपति क्षेत्रमा शिवरात्रि लगायत अन्य पर्वमा नाङ्गा बाबा र

१० युवती विमानस्थलबाट पक्राउ

–महिला खबर– काठमाडौ । त्रिभुवन अन्तर्राष्ट्रिय विमानस्थलबाट नक्कली भीसा प्रयोग गरी कुवेत जान लागेका १०

कम्युनिष्टलाई छोइ छिटो गर्ने समयमा कम्युनिष्ट बनाउदै हिँड्ने माया बनिन् मन्त्री

–महिला खबर– कम्युनिष्ट सिद्धान्तमा विश्वास गर्ने व्यक्ति मान्छेको पनि मासु खान्छन्, जात, धर्म केही मान्दैनन् भन्दै

बलात्कारको आरोपमा पक्राउ

–महिला खबर– काठमाडौं । उदयपुर कटारी नगरपालिका घर भई हाल काठमाडौं कागेश्वरी मनोहरा नगरपालिका–८ शिवचौक

बेपत्ता बालक मृत अवस्थामा फेला

–महिला खवर– कपिलवस्तु । कपिलवस्तुको मायादेवी गाउँपालिका–४, पिपराका वडा अध्यक्ष फत्ते मोहम्मदका ७ वर्षका छोरा

Read more
ताजा अपडेट
© 2015.All rights reserved by mahilakhabar.com
%d bloggers like this: