कसरी बचाउँ उर्मिलालाई ?

प्रकाशित मिति :2017-07-11 13:27:17

महिला खबर

काठमाडौं । २१ वर्षिया ब्लड क्यान्सर पीडित उर्मिला भुजेल काठमाडौंको सिभिल सर्भिस अस्पतालमा उपचारको क्रममा छिन् । सोही अस्पतालको वेड नम्बर २३५, बाट उनले आफ्नो जीवनरक्षाको याचना गरिरहेकी छन् ।

दोलखा झुले २ की उर्मिलाले एक महिना अघि मात्रै आफूलाई घातक रोग ब्लड क्यान्सर भएको थाहा पाएकी थिइन् । त्यो पनि पहिलो सन्तानको रुपमा छोरा जन्मेको केही दिनमा ।

आर्थिक स्थिति कमजोर भएकी उनले आफूलाई बचाउन अपील गरेकी छन् । ‘मेरो बाँच्ने ठूलो इच्छा छ । मलाई बचाइदिनुहोस्’– अस्पताल पुगेकोे महिला खबरको टिमसंग उनले याचना गरिन् ।

माइतीघर लमजुङको तार्कुघाट भएकी उर्मिलाको २ वर्षअघि दोलखा, झुलेका राजु भुजेलसंग प्रेम विवाह भएको थियो ।

उर्मिलाले चितवनको सप्तगण्डकी बहुमुखी क्याम्पस र राजु नेपाल कर्मेस क्याम्पस काठमाडौबाट व्यवस्थापन संकायमा ब्याचलर गरेका छन् । विवाहपछि उनीहरु गाँउ फर्केका थिए ।

तीन महिना अघि उर्मिलाले छोरा उज्वललाई जन्म दिइन् । दम्पतीले नयाँ सदस्यको रुपमा छोरा पाएको सुखी साट्न नपाउँदै उर्मीलाको स्वास्थ्यमा समस्या देखिन थाल्यो । सामान्य काँटिएको ठाउँबाट पनि रगत बगिराख्ने, दाँतको गिजाबाट रगत बग्ने जस्तो समस्या देखियो ।

यो समस्या देखिएपछि वीर अस्पताल पुगे । वीरमा उपचार नहुने भएपछि सिभिल अस्पताल गए । सिभिलमा स्वास्थ्य परीक्षण पछि ब्लड क्यान्सर देखियो । उनको परिवार छाँगाबाट खसेजस्तै भयो ।

‘ब्लड क्यान्सर भएको रिपोर्ट आएपछि त हाम्रो होस ठेगान नै उडेको छ’ अस्पतालमा रहेका श्रीमान राजुले भने । दुई दिनपछि अस्पतालले भर्ना लियो । उर्मिलालाई अहिले किमो चढाइरहेको छ । उनी पहिला भन्दा बढी नै थलिदै जान थालेकी छन् । उनले दुई चार शब्द बाहेक केही बोल्न सक्दिनन् । उर्मीलालाई डाक्टर विषेश पौडेलेले हेरिरहेको राजुले बताए ।
अस्पताल भर्ना भएको महिनादिनमा ३ लाख ५० हजार रुपैयाँ भन्दा बढी खर्च भैसकेको राजु बताउँछन् । अझै २४ लाख रुपैँयासम्म लाग्न सक्ने डाक्टरले बताएको

राजुले बताए । सरकारले दिएको १ लाख रुपैया औषधी किन्नमै सकियो । औषधी मात्र दिनमा ३-४ हजार रुपैँया खर्च लाग्ने राजुले बताए । कृषि गरेर जीवन निर्वाह गरिरहेका राजुलाई उर्मिलाको जीवन कसरी बचाउने ठूलो चिन्ता छ । ‘सर–सापट गरी ल्याएको पैसा सकियो, अब कसरी खर्च धान्ने हो संकट छ ।’ राजेले भने ।
उता उर्मिलालाई स्वास्थ्य समस्या देखिएपछि ३ महिने छोरासँग छुटिएर बस्नुपर्दाको पिडा छ । आमाको दुध खुवाउन नमिल्ने भएपछि उज्जवललाई घरमा हजुरआमासंग छोडिएको छ ।

उर्मिलालाई रोगको असर र छोरोका चिन्ताले झन-झन थलिदै गएकी छन् । उनले आफू र आफ्नो नवजात शिशुको जीवन रक्षाको लागि सहयोगी दातासंग आग्रह गरेकी छन् ।

सिभिल अस्पतालका रगत रोग तथा बोनम्यारो प्रत्यारोपण विशेषज्ञ डा. विशेष पौडेलले उर्मिलालाई औषधी चलाईसकेको बताए । औषधीले छोएको खण्डमा एक सय जनामा ७० देखी ८० जनालाई यो रोग निको हुने डा‍. पौडेलले बताए ।

उर्मिलाको जीवनरक्षाका लागि अहिले राजुका साथीहरुले काठमाडौंका विभिन्न स्थानमा सहयोग संकलन अभियान समेत चलाइरहेका छन् ।

    Comment Here!

Related NEWS
मुख्य खबर

सर्वोच्चद्वारा नाङ्गा बाबालाई रोक नलगाउनुको कारण माग

–महिला खबर– काठमाडौं । सर्वोच्च अदातलले पशुपति क्षेत्रमा शिवरात्रि लगायत अन्य पर्वमा नाङ्गा बाबा र

१० युवती विमानस्थलबाट पक्राउ

–महिला खबर– काठमाडौ । त्रिभुवन अन्तर्राष्ट्रिय विमानस्थलबाट नक्कली भीसा प्रयोग गरी कुवेत जान लागेका १०

कम्युनिष्टलाई छोइ छिटो गर्ने समयमा कम्युनिष्ट बनाउदै हिँड्ने माया बनिन् मन्त्री

–महिला खबर– कम्युनिष्ट सिद्धान्तमा विश्वास गर्ने व्यक्ति मान्छेको पनि मासु खान्छन्, जात, धर्म केही मान्दैनन् भन्दै

बलात्कारको आरोपमा पक्राउ

–महिला खबर– काठमाडौं । उदयपुर कटारी नगरपालिका घर भई हाल काठमाडौं कागेश्वरी मनोहरा नगरपालिका–८ शिवचौक

बेपत्ता बालक मृत अवस्थामा फेला

–महिला खवर– कपिलवस्तु । कपिलवस्तुको मायादेवी गाउँपालिका–४, पिपराका वडा अध्यक्ष फत्ते मोहम्मदका ७ वर्षका छोरा

Read more
ताजा अपडेट
© 2015.All rights reserved by mahilakhabar.com
%d bloggers like this: