नि:शुल्क उपचार सहुलियत लिनेमा महिला कम

प्रकाशित मिति :2017-07-13 12:31:42

महिलामा रोग लुकाउने प्रवृत्ति र सुचनामा पहुँच नहुँदा सेवा लिन सकेनन्

महिला खबर

काठमाडौं । सरकारले जटिल र खर्च बढी लाग्ने ८ रोगका लागि १ लाख रुपैया बराबरको औषधी उपचार सहुलियत दिर्दै आएपनि यो सेवा लिनेमा महिला कम देखिएको छ ।

स्वास्थ्य सेवा विभागका अनुसार सरकारले मुटुरोग, मृगौला रोग, क्यान्सर, पार्किन्सस, अल्जाईमर्स, स्पाईनल ईन्जुरी, हेड ईन्जुरी र सिकलसेल एनिमिया रोग लागि नेपाल वा विदेशमा गई उपचार गराउँदा बढीमा १ (एक) लाख रुपैयासम्म औषधि उपचार वापत आर्थिक सहायता प्रदान गर्दै आएको छ ।

विभाग अन्तर्गत विपन्न नागरिक औषधी उपचार कोष सचिवालयका सिअहेवा अधिकृत प्रकाश घिमिरेले आर्थिक वर्ष २०७२÷७३ मा ३३ हजार ४८८ जना विरामीले यो सेवा लिएका छन् । त्यस्तै चालु आर्थिक वर्षको जेठसम्म मात्र ७१ हजार ७ सय २ जना विरामीले यो सेवा लिएका छन् । जसमध्ये ४० प्रतिशत मात्र महिलाले यो सेवा लिएको घिमिरेले बताउनुभयो ।

‘महिला, पुरुष छुट्याएर तथ्यांक राख्ने गरेका छैनौं तर सेवा लिने मध्ये ४० प्रतिशतको हराहरीमा मात्र महिला छन् ।’ घिमिरेले भन्नुभयो । उहाँले महिलाहरुमा रोग लुकाउने प्रवृत्ति र सुचनामा पहुँच नहँुदा यो सेवाबाट बन्चित हुनुपरेको बताउनुभयो ।
यो सेवाका लागि सरकारले चालु आर्थिक वर्षमा एक अर्ब रकम विनीयोजन गरेकोमा ६० देखी ७० करोड रकम अपुग भएको समेत उहाँले जानकारी दिनुभयो ।

यो रकम विपन्न नागरिक औषधि उपचार कोष निर्देशिका (संशोधित) २०७१ अनुसार सरकारले सुचीकुत गरेका ५७ अस्पतालबाट यो सेवा दिइरहेको विभागले जनाएको छ ।

मृगौला रोगीको हकमा भने सरकारले स्वदेश वा विदेशमा मृगौला प्रत्यारोपण गरेमा अस्पताल मार्फत २ लाख र मृगौला प्रत्यारोपण पश्चात औषधि सेवनका लागि रु १ लाख दिने गरेको छ । सो रकम सरकारी तथा सामुदायिक अस्पतालमा उपचार गराएबापत सेवा निशुल्क प्रदान गर्ने गरिएको छ ।

उपचार सेवा लिन नगरपालिका वा गाउँपालिका र वडाबाट आर्थिक अवस्था कमजोर भएको विपन्नताको सिफारिस, चिकित्सकको सिफारिस, नागरिकताको प्रतिलिपी वा नाबालकको हकमा जन्मदर्ताको प्रतिलिपी सहित निवेदन लेखि जिल्ला स्वास्थ्य कार्यालयमा पेश गर्ने र जिल्लास्तरिय सिफारिस समितिको निर्णयको प्रतिलिपी लिएर सूचिकृत अस्पतालमा उपचार सहुलियतका लागि पेश गर्नुपर्ने हुन्छ । यो प्रकृया धेरै झन्झटिलो हुँदा पनि महिलाहरुलाई सहुलियत सेवा लिन गाह्रो भएको हो ।

    Comment Here!

Related NEWS
मुख्य खबर

सर्वोच्चद्वारा नाङ्गा बाबालाई रोक नलगाउनुको कारण माग

–महिला खबर– काठमाडौं । सर्वोच्च अदातलले पशुपति क्षेत्रमा शिवरात्रि लगायत अन्य पर्वमा नाङ्गा बाबा र

१० युवती विमानस्थलबाट पक्राउ

–महिला खबर– काठमाडौ । त्रिभुवन अन्तर्राष्ट्रिय विमानस्थलबाट नक्कली भीसा प्रयोग गरी कुवेत जान लागेका १०

कम्युनिष्टलाई छोइ छिटो गर्ने समयमा कम्युनिष्ट बनाउदै हिँड्ने माया बनिन् मन्त्री

–महिला खबर– कम्युनिष्ट सिद्धान्तमा विश्वास गर्ने व्यक्ति मान्छेको पनि मासु खान्छन्, जात, धर्म केही मान्दैनन् भन्दै

बलात्कारको आरोपमा पक्राउ

–महिला खबर– काठमाडौं । उदयपुर कटारी नगरपालिका घर भई हाल काठमाडौं कागेश्वरी मनोहरा नगरपालिका–८ शिवचौक

बेपत्ता बालक मृत अवस्थामा फेला

–महिला खवर– कपिलवस्तु । कपिलवस्तुको मायादेवी गाउँपालिका–४, पिपराका वडा अध्यक्ष फत्ते मोहम्मदका ७ वर्षका छोरा

Read more
ताजा अपडेट
© 2015.All rights reserved by mahilakhabar.com
%d bloggers like this: