बाहुनीलाई नि मन्त्र पढ्न आउँछ ?

प्रकाशित मिति :2017-07-16 12:35:09

खेमा बस्नेत

काठमाडौं । ६२ वर्षकी कमलादेवी पोखरेल पशुपती मन्दिरको गेट अगाडी नियमित आउने गरेकी छन् । यो क्रम १२ वर्षदेखि जारि छ । उनको अगाडी रातो टिका, केशरी, अछेता राखिएको हुन्छ । दर्शनार्थीलाई आर्शिवाद दिदै टिका लगाईदिने उनको दैनिकी हो ।

काठमाडौंको महाराजगन्जमा बस्दै आएकी कमलादेवि श्रीमानसंगै हरेक विहान ६ बजे पशुपती पुग्छिन् । १२ वर्ष अघि श्रीमानले एउटा मृगौला छोरालाई दिएपछि उनी कम्जोर भएकाले कमलादेवि श्रीमानलाई सघाउन पशुपति आउन थालेकी हुन् ।

सुरुका दिनमा यो काम उनलाई अप्ठ्यारो लाग्थ्यो । अहिले सहज लाग्छ । उनी भन्छिन्–‘महिलाले खासै नगर्ने काम भएकाले सुरुका दिनमा अप्ठ्यारो लाग्थ्यो, अहिले बानी हुदै गयो ।’

उनलाई बाहुनले जस्तै मन्त्र पढ्न र पुजापाठको सवै कर्म आउँछ । तर केही दर्शनार्थीले महिलाले पनि पण्डितजस्तै मन्त्र पढ्न काहाँ आउँछ र ? भनेर हेप्ने गरेको उनले अनुभव बताइन् । कतिले टिका लगाउनु अघि तपाई बाहुन नै होनि भनेर सोध्ने गर्छन् । तर पुरुषलाई शंकाको त्यो घेराले कहिल्यै नहेर्ने गरेको उनको अनुभव छ ।

‘बाहुन हो भनेर सोध्छन्, म हो भन्छु, अनि मात्र टिका लगाउँछन् । तर यहाँ धेरै पुरुष पण्डितहरु हुनुहुन्छ, उहाँहरुलाई कहिले पनि बाहुन हो की नाई भनेर सोधेको मैले सुनेकी छैन’ कमलादेवीले भनिन् ।

काठमाडौं कपनकी ६० वर्षिया ढकामाया बाग्ले पनि १ बर्षदेखि पशुपतिकाे गेट अगाडी बसेर पण्डित्याईँ काम गदै अाउनुभएकाे छ ।  ओखलढुंगाको घर भुकम्पले भत्काएपछि २ बर्षअघि ४ सन्तान सहित काठमाडौं आएकी ढकामाया श्रीमानसंगै पशुपतिमा पण्डित्याईँको काम गर्छिन् ।

तर संगै बसेको श्रीमानले कहिल्यै उत्तर दिनुनपर्ने प्रश्न, ‘तपाई बाहुन नै हुन् नि’ भन्ने प्रश्नको उत्तर ढकामायाले सधै दिनुपर्छ ।

‘टिका लगाउनु पहिला तपाई बाहुन हो भनेर सोध्छन् । म हो भन्ने संकेतमा टाउको हल्लाउछु । तर मेरो बुढोले त्यो उत्तर कहिल्यै दिनुपर्दैन ।’ ‘आमाको हातबाट टिका लगाउन पाइयो भनेर खुशी हुनेहरु पनि धेरै छन्’, उनले थपिन् ।

    Comment Here!

Related NEWS
मुख्य खबर

नेपाली महिलामा मनोसामाजिक समस्या बढी: डा.राणा

-महिला खबर संवाद- महिलाहरु सँधै घरपरिवार, बालबच्चा जस्ता काममै अडिरहेका हुन्छन् । उनीहरुका चाहाना, रहर, पीडाहरु

पोखरा महानगरमा एकल महिलालाई विशेष सुविधा

काठमाडौं । पोखरा लेखनाथ महानगरपालिकाले एकल महिलालाई यातायात, स्वास्थ्य र शिक्षा निःशुल्क गर्ने भएको छ

बालविवाहले निम्त्याएको स्वास्थ्य समस्या

–सर्मिला बुढाथोकी– दोलखा । मेलुङ गाउँपालिका वडा नम्बर ६ को ७५ वर्षीया रमादेवी चापागाईंको पाठेघरको शल्यक्रिया

विराटनगर महानगरको कार्यपालिकामा ७ जना महिला

-महिला खबर- दोस्रो चरणको स्थानीय तहको निर्वाचनको अन्तिम परिणाम आएपछि विराटनगर महानगरपालिकमा २९ सदस्यीय नगर कार्यपालिकामा

Read more
%d bloggers like this: