ताजा समाचार
  • नागरिकता सम्बन्धी समस्याबारे वृहत राष्ट्रिय सम्मेलन हुने
  • दिल्लीमा महिला यात्रुकालागि छुट्टै ट्याक्सी सेवा
  • भोट हैन बोटमा ध्यानः निर्वाचन नजिकिदै गर्दा राजनीतिक दल र उम्मेदवार मत माग्न व्यस्त छन् तर दोलखाका ग्रामीण महिलाहरू भने आफ्नो बारेमा फलेको कोदो टिप्न व्यस्त देखिन्छन् । तस्विरः सर्मिला बुढाथोकी-दोलखा
  • बालिकालाई करणी गर्ने किशोर पक्राउ
  • मानसिक असन्तुलनः पुनर्स्थापना र पहिचानकै समस्या
  • जित्नकै लागि मेरो उम्मेदवारीः महालक्ष्मी उपाध्याय
  • रेडियोमा बोल्ने रहरले अभियन्ता बनिन् मच्छे
  • चुनावी विभेद र विकृति
  • जुम्लामा महिला मत निर्णायक
  • अब इटहरीमै इजलास र न्याय सम्पादन
  • हरेक मतदान स्थलमा दुई प्रहरी महिला
  • प्रविधि अभावमा अब सुत्केरी र गर्भवतीले मर्नु नपर्ने
  • बलात्कारीलाई कारबाहीको माग गर्दै विरोध, एक युवा पक्राउ
  • दुर्गमका गर्भवतीको पीडा, हेलिकोप्टर भए ज्यान जोगिन सक्छ
  • अन्तर्राष्ट्रिय प्रतिस्पर्धामा नेपाली चेली पूनम घिमिरे, सबैले सक्दो भोट गरौ (लिंकसहित)

    चौतारा लैङ्गिक हिंसा मुक्त बन्ने

    प्रकाशित मिति :2017-07-16 13:56:03

    विदुर आचार्य

    सिन्धुपाल्चोक । सदरमुकाम चौतारा साँगाचोकगढी नगरपालिकालाई लैगिक हिंसा मुक्त बनाउने नीति पारित भएको छ । नगरपालिकाको पहिलो नगर सभामा लैगिक हिंसा, छुवाछुत, भेदभाव, बोक्सी आरोप, दाईजो प्रथा अन्त्य गर्ने लक्ष्य नीति तथा कार्यक्रममा पारित भएको हो ।

    विशेष बजेट समेत व्यवस्था गरिएको सो कार्यक्रम टोल टोलमा साझा सञ्जाल निर्माण गरि सचेतनाबाट सुरु गर्ने उल्लेख गरिएको छ । नीति, कार्यक्रम तथा बजेट प्रस्तुत गर्दै नगरपालिकाका उपप्रमुख जानुका पराजुलीले लंैगिक समानता कायम गरि हिंसा मुक्त नगर बनाउन प्रभावकारी संयन्त्र निर्माण गरिने उल्लेख गर्नुभयो ।

    ‘हरेक समाजमा साझा सञ्जाल निर्माण गरिनेछ’, नगरसभाको नीतिमा उल्लेख गरिएको छ–‘यो महिला, दलित, जनजाती, अपाङ्गता भएका र पिछडिएका समुदायको साझा हुनेछ र यसलाई सशक्त रुपमा रहन बजेट व्यवस्था गरिनेछ ।’

    सामाजिक अध्ययन, अनुसन्धान गरि पिछडिएका र न्यून आय भएकाहरुको सहज जीवनयापको विकल्प पहिल्याई कार्यान्वयन गरिने कार्यक्रम प्रस्तुत भएको छ । ‘भान्छासँगै घरायसी कामको चापले महिलालाई घरभित्रै सीमित गराएको मात्र छैन भान्छाको धुँवाले स्वास्थ्यमा प्रतिकुल असर समेत गरेकोले धुँवारहित भान्सा हरेक घरमा कायम गरिने छ ।’ नीतिमा उल्लेख छ ।

    समयमै जन्मदर्ता, विद्यालय भर्ना, छोरीको बैक खाता सञ्चालन सँगै सम्पत्तीमा स्वमित्व कायम गर्न र रोजगार तथा स्वरोजगार बन्न समेत प्रोत्साहन गरिने गहिरो नीति सार्वजनिक गरिएको छ । जोखिममा रहेका गर्भवती र सुत्केरी महिलाको स्वास्थ्य सुविधामा विशेष जोड दिने, दलित र विपन्न महिलाको समुह निर्माण र आयआर्जनका कार्यक्रम संञ्चालन गर्ने, पीडित तथा उच्च जोखिममा रहेका महिला बालबालिकालाई पुनःस्थापना गृह संञ्चालनमा ल्याउने योजना नगरपालिकाको छ ।

    बालश्रम मुक्त नगर निर्माण गरि विद्यालय वाहिर रहेका सवै बालबालिका विद्यालय पुरयाउने कार्यक्रम आर्थिक वर्षको पहिलो महिनामै सुरु गर्ने कार्यक्रममा भनिएको छ । आर्थिक वर्षको पहिलो छ महिनामा नगरपालिकालाई बालमैत्री नगरपालिका घोषणा गर्ने लक्ष्य तथा बजेट प्रस्तुत गरिएको छ ।

      Comment Here!

    Related NEWS
    मुख्य खबर

    नागरिकता सम्बन्धी समस्याबारे वृहत राष्ट्रिय सम्मेलन हुने

    –महिला खबर– सरकारी कार्यालयको विवरणमा तीनपुस्ते विवरण भर्दा संस्थाको पहलमा प्राप्त नागरिकतामा बाबु, बाजेको नामथर हु्न्न

    बालिकालाई करणी गर्ने किशोर पक्राउ

    -महिला खबर- पाँचथर । गत कात्तिक १६ गते स्थानीय ७ वर्षीया बालिकालाई जवरजस्ती करणी गरेको

    मानसिक असन्तुलनः पुनर्स्थापना र पहिचानकै समस्या

    -जमुना वर्षा शर्मा- ‘सामान्य अवस्थामा आइसकेकालाई पनि समाज र आफन्तले समेत सामान्य व्यवहार गरिदिन्नन् । ‘पागल’

    जित्नकै लागि मेरो उम्मेदवारीः महालक्ष्मी उपाध्याय

    मंसिर २१ गते हुन प्रतिनिधिसभा सदस्यको चुनावमा नेपाली काँग्रेसकी नेता महालक्ष्मी उपाध्याय(डिना)ले मकवानपुर क्षेत्र नम्बर

    Read more
    ताजा अपडेट
    %d bloggers like this: