ताजा समाचार
  • किनमेल गर्ने श्रीमतीहरुका लागि चीनमा ‘श्रीमान् भण्डार’ कक्ष
  • नेपाली महिलामा मनोसामाजिक समस्या बढी: डा.राणा
  • तीन महिला मृत भेटिए
  • पाँच महिना बित्दा समेत किशोरी हत्या रहस्यमै
  • करौडौं खर्चेर भत्काइएका छाउगोठ फेरि ठडिए
  • पोखरा महानगरमा एकल महिलालाई विशेष सुविधा
  • बालविवाहले निम्त्याएको स्वास्थ्य समस्या
  • विराटनगर महानगरको कार्यपालिकामा ७ जना महिला
  • रोगी बन्दै मनोञ्जनकर्मी
  • ‘छोरा नभएकै कारण श्रीमानकाे टोकसो’
  • अंश र वंशका पेचिला कुरा
  • ‘छाउ बार्न’ धामीकै दबाब
  • कार्यक्रम संचालन, संजाल विकास र मेलमिलाप तालिम शुरु
  • चट्याङ लागेर आमा छोरीको ज्यान गयो
  • ब्लड क्यान्सर पीडित उर्मिलालाई आर्थिक सहयोग

    ‘महिला विरुद्ध हुने सबै प्रकारका हिंसा अन्त्य गर्न हातेमालो गरौँ’: उपराष्ट्रपति पुन

    प्रकाशित मिति :2017-07-17 14:51:23

    स्थानीय तहमा निर्वाचित एकल महिला सम्मानित

    महिला खबर

    काठमाडौँ । उपराष्ट्रपति नन्दबहादुर पुनले महिला विरुद्ध हुने सबै प्रकारका हिंसा अन्त्यका लागि हातेमालो गर्न सधैँ तयार रहेको बताउनुभएको छ । मानवअधिकारका लागि महिला, एकल महिला समूह र एकल महिला सशक्तीकरण र विकासका लागि दक्षिण एसियाली महिला सञ्जालले ‘हामी सक्छौँ’ अभियान अन्तर्गत आज काठमाडौँमा सुरु गरेको दुईदिने अन्तर्राष्ट्रिय सम्मेलनको उद्घाटन गर्दै उपराष्ट्रपति पुनले विद्यामान सामाजिक कुसस्कार र पितृसत्तात्मक सोचका कारण महिलाहरूले धेरै प्रकारका हिंसा सहन बाध्य भएको औल्याउनुभयो ।

    आर्थिक रूपमा कमजोर हुँदा महिलाले  हिंसा सहन बाध्य भैरहेको भन्दै महिलाको आर्थिक सवलीकरणका लागि एकेकृत कार्यक्रम सञ्चालन गर्न पहल गर्ने र यसमा सबै तह तप्काबाट हातेमालो गर्न समेत उहाँले आहवान गर्नुभयो । ‘पितृसत्तात्मक सोच र सामाजिक कुरितिका कारण महिलाहरू विभिन्न किसिमका हिंसा सहन बाध्य छन्, यो सबै प्रकारको विभेद अन्त्य गर्न म सधैँ हातेमालो गर्न तयार छु र सबैलाई आवहान पनि गर्दछु ।’– उपराष्ट्रपति पुनले भन्नुभयो ।

    सविधानमै समानुपातिक प्रतिनिधित्वको व्यवस्था र राजनीतिक जागरणका कारण महिलाहरू जनताको सेवा गर्ने ठाउँ स्थानीय तहमा पुग्न सफल भएको उहाँले बताउनुभयो । महिला, बालबालिका तथा समाज कल्याण मन्त्रालयका सचिव खगराज बरालले संविधानले राज्यका हरेक निकायका ३३ प्रतिशत आरक्षणको व्यवस्था गरेको भन्दै त्यसको कार्यान्वयनका लागि आवश्यक कानुन र नीतिहरू तर्जुमा भइरहेको बताउनुभयो ।

    शान्ति तथा पुनःनिर्माण मन्त्रालयका सचिव गजेन्द्र ठाकुरले महिला अधिकारका क्षेत्रमा सरकार सहकार्य गर्न तयार भएकाले कार्यक्रम सहित सहकार्यमा आउन आग्रह गर्नुभयो । कार्यक्रममा समूहका संस्थापक अध्यक्ष लिली थापालाई भारतको ‘दयावती मोदी स्त्री शक्ति अवार्ड’ प्रदान गरिएको थियो ।

    सम्मेलनमा दक्षिण एसियाका महिलाको मानवअधिकार, गरिबी निवारण, राजनीतिक सशक्तीकरण, शान्ति निर्माण र विकासका कार्यमा एकल महिलाको अर्थपूर्ण सहभागिताका विषयमा छलफल हुने एकल महिला समूहका अध्यक्ष निर्मला शर्मा ढुंगानाले जानकारी दिनुभयो ।

    यस्रैबीच, सम्मेलनको अवसरमा स्थानीय तहमा निर्वाचित एकल महिला जनप्रतिनिधिहरुलाई सम्मान गरिएको छ । निर्वाचित ६० जना मध्ये ४४ जना जनप्रतिनिधि कार्यक्रममा उपस्थित भएका थिए । सम्मानित हुनेहरुमा जुम्लाको चन्दननाथ नगरपालिकाका उपप्रमुख कान्तिका सेजुवाल, काभ्रेको नमोबुद्ध नगरपालिकाका उपप्रमुख रामदेवी तामाङ, बाजुराको जिल्ला समन्वय समितिका सदस्य राधिका सुनार लगायत विभिन्न गाउँपालिकाका उपाध्यक्ष, वडाध्यक्ष र वडासदस्य हुनुहुन्छ । प्रदेश नं २ बाहेक अन्य छ वटा प्रदेशमा स्थानीय तहको निर्वाचन सम्पन्न भइसकेको छ ।

      Comment Here!

    Related NEWS
    मुख्य खबर

    किनमेल गर्ने श्रीमतीहरुका लागि चीनमा ‘श्रीमान् भण्डार’ कक्ष

    एक रिर्पोट अनुुसार चीनमा श्रीमतीहरुलाई किनमेलको लागि प्रोत्साहन गर्न ‘श्रीमान् भण्डार’ इकाईको स्थापना गरिएको छ

    नेपाली महिलामा मनोसामाजिक समस्या बढी: डा.राणा

    -महिला खबर संवाद- महिलाहरु सँधै घरपरिवार, बालबच्चा जस्ता काममै अडिरहेका हुन्छन् । उनीहरुका चाहाना, रहर, पीडाहरु

    पोखरा महानगरमा एकल महिलालाई विशेष सुविधा

    काठमाडौं । पोखरा लेखनाथ महानगरपालिकाले एकल महिलालाई यातायात, स्वास्थ्य र शिक्षा निःशुल्क गर्ने भएको छ

    बालविवाहले निम्त्याएको स्वास्थ्य समस्या

    –सर्मिला बुढाथोकी– दोलखा । मेलुङ गाउँपालिका वडा नम्बर ६ को ७५ वर्षीया रमादेवी चापागाईंको पाठेघरको शल्यक्रिया

    Read more
    ताजा अपडेट
    %d bloggers like this: