महानगरका कार्यपालिकामा २० प्रतिशत पनि महिला पुगेनन्

प्रकाशित मिति :2017-07-17 15:39:29

खेमा बस्नेत

काठमाडौं । स्थानीय तहको निर्वाचनपछि गठित महानगरका कार्यपालिकामा महिलाको सहभागिता २० प्रतिशत पनि पुगेको छैन । वडा तहमा ४० प्रतिशत महिला सहभागिता भएपनि स्थानीय कार्यपालिकामा भने महिलाको संख्या २० प्रतिशत पनि नपुगेको हो ।

निर्वाचनको १५ दिनभित्र नगर तथा गाउँ कार्यपालिका गठन गर्नुपर्ने संवैधानिक प्रावधान अनुरुप देशका मुख्य महानगरपालिका काठमाडौं, ललितपुर र पोखरा लेखनाथको नगरकार्यपालिका गठन भइसकेको छ ।

तिमध्ये सबैभन्दा बढि काठमाडौं महानगरपालिकाको कार्यपालिकामा १९ प्रतिशत महिला सहभागि छन् । भने सबैभन्दा कम ललितपुर महानगरको कार्यपालिकामा १५ प्रतिशत मात्रै महिला छन् । भने पोखरामा करिब १९ प्रतिशत महिला छन् ।

स्थानीय स्रोत साधनको वितरण, बजेट विनियोजनको मुख्य भूमिका नगर कार्यपालिकासँग रहेको हुन्छ । तर, स्थानीय तहको ‘मन्त्रीमण्डल’ मानिने कार्यपालिकामा तीन महानगरमध्ये एउटामा पनि २० प्रतिशत  महिलाको सहभागिता पुग्न सकेन ।

प्रत्येक नगर कार्यपालिका नगरको प्रमुखको अध्यक्षतामा गठन हुन्छ । संविधानको धारा २१६ अनुसार उपप्रमुख र सो नगर भित्रका वडा अध्यक्ष स्वतः सदस्य रहन्छन् । नगरसभाका सदस्यहरु मध्येबाट पाँच जना महिला र दलित वा अल्पसंख्यक समुदायबाट नगरसभामा निर्वाचित भएका तीन जना सदस्य स्वतः नगर कार्यपालिकाकोे सदस्य हुने संवैधानिक व्यवस्था छ ।

सोही व्यवस्था अनुसार गठित नगर कार्यपालिकामा पोखरा र काठमाडौं महानगरपालिकाले दलित वा अल्पसंख्यक समुदायबाट एक जना दलित महिला चुनेको छ । ललितपुर महानगरले भने दलित वा अल्पसंख्यक समूदायबाट महिलाको सहभागिता गराएन ।

काठमाडौं महानगरपालिकामा ४२ सदस्यीय नगर कार्यपालिका गठन भएको छ । जसमा महिला ८ जना रहका छन् । काठमाडौंमा नगरप्रमुख र उपप्रमुख, ३२ वडाका वडा अध्यक्ष, पाँच जना महिला सदस्य र दलित वा अल्पसंख्यक ३ जना गरी ४२ जना गरी नगर कार्यपालिको गठन भएको हो ।

काठमाडौंको नगर कार्यपालिकामा सहभागी हुने महिलामा उपप्रमुख हरिप्रभा खड्गी, वडा नम्बर १४ का वडा अध्यक्ष शोभा सापकोटा र पाँच जना महिला सदस्य र दलित वा अल्पसंख्यक समुदायबाट एक जना दलित महिला सदस्य गरी आठ जना रहेका काठमाडौं महानगरपालिकाका प्रवक्ता ज्ञानेन्द्र कार्कीले जानकारी दिनुभयो ।
ललितपुर महानगरको नगर प्रमुखको अध्यक्षतामा ३९ सदस्य नगर कार्यपालिकामा गठन भएको छ । जसमा नगरप्रमुख र उपप्रमुख, २९ वडाका वडा अध्यक्ष र पाँच जना महिला सदस्य र दलित वा अल्पसंख्याक ३ जना गरी ३९ जना कार्यपालिका सदस्य छन् । जसमा महिलाको संख्या ६ जनामात्रै रहेको ललितपुर महानगरका प्रवक्ता राजु महर्जनले जानकारी दिनुभयो ।

त्यसैगरी, पोखरा लेखनाथ महानगरपालिकामा ४३ सदस्यीय नगर कार्यपालिका गठन भएको छ । नगर प्रमुखको अध्यक्षतामा उपप्रमुख, ३३ वटै वडाका वडा अध्यक्ष, पाँच जना महिला सदस्य र दलित वा अल्पसंख्याक ३ जना गरी ४३ जना गरी नगर कार्यपालिकाको गठन भएको छ ।

पोखरा नगरको नगरकार्यपालिकामा पाँच जना महिला सहित र दलित वा अल्पसंख्याकबाट एक जना दलित महिला गरि ८ जना महिला चुनिएका छन् । कार्यपालिकामा मनभुजा विश्वकर्मा दलित कोटाबाट सदस्यमा चुनिएका कार्यकारी अधिकृत दिर्घनारायण पौडेलले बताउनुभयो ।

उहाँले उपप्रमुख मन्जुदेवी गुरुङ, वडा नम्बर १ की वडा अध्यक्ष सारादा कुमारी पराजुली सहित आठ जना महिला कार्यपालिकामा चुनिएका जानकारी दिनुभयो ।
पहिलो र दोस्रो चरणमा निर्वाचन पाँच मध्ये भरतपुर महानगरपालिकाको निर्वाचन परिणाम आएको छैन ।

विराटनगर महानगरपालिकाको भने नगर कार्यपालिका गठनको क्रममा रहेको महानगरकी उपमेयर इन्दिरा कार्कीले जानकारी दिनुभयो ।

    Comment Here!

Related NEWS
मुख्य खबर

सर्वोच्चद्वारा नाङ्गा बाबालाई रोक नलगाउनुको कारण माग

–महिला खबर– काठमाडौं । सर्वोच्च अदातलले पशुपति क्षेत्रमा शिवरात्रि लगायत अन्य पर्वमा नाङ्गा बाबा र

१० युवती विमानस्थलबाट पक्राउ

–महिला खबर– काठमाडौ । त्रिभुवन अन्तर्राष्ट्रिय विमानस्थलबाट नक्कली भीसा प्रयोग गरी कुवेत जान लागेका १०

कम्युनिष्टलाई छोइ छिटो गर्ने समयमा कम्युनिष्ट बनाउदै हिँड्ने माया बनिन् मन्त्री

–महिला खबर– कम्युनिष्ट सिद्धान्तमा विश्वास गर्ने व्यक्ति मान्छेको पनि मासु खान्छन्, जात, धर्म केही मान्दैनन् भन्दै

बलात्कारको आरोपमा पक्राउ

–महिला खबर– काठमाडौं । उदयपुर कटारी नगरपालिका घर भई हाल काठमाडौं कागेश्वरी मनोहरा नगरपालिका–८ शिवचौक

बेपत्ता बालक मृत अवस्थामा फेला

–महिला खवर– कपिलवस्तु । कपिलवस्तुको मायादेवी गाउँपालिका–४, पिपराका वडा अध्यक्ष फत्ते मोहम्मदका ७ वर्षका छोरा

Read more
ताजा अपडेट
© 2015.All rights reserved by mahilakhabar.com
%d bloggers like this: