गृहमन्त्रीको पहलमा कुवेतमा बेचिएकी बिमलाको उद्धार

प्रकाशित मिति :2017-08-08 12:08:52

-महिला खबर-

काठमाडौं । चार महिना अघि कुवेतमा बेचिएकी पाँचथरकी बिमला न्यौपानेको गृहमन्त्री जनार्दन शर्माको पहलमा उद्धार भएको छ ।शर्मा गृहमन्त्री भए लगातै गहृ मंन्त्रालयमा स्थापना गरिएको गुनासो व्यवस्थापन कक्षमा बिमलाका श्रीमान नवीन शर्माले साउन १२ गते उजुरी दिएका थिए । उजुरीपछि बिमलाको उद्धार प्रक्रिया सुरु भएको थियो ।

उजुरी हालेको एक हप्ता अर्थात साउन १९ गते बिमलालाई उद्धार गरी काठमाडौं ल्याइएको थियो । काठमाडौ आएपछि बिमलाले साउन २० गते गृह मन्त्रालय पुगेर मन्त्री शर्मासँग भेट गरेकी छन् । २०७३ चैत्रमा जोर्डन जान झापाबाट अन्तर्वार्ता दिन काठमाडौं हिडेकी बिमलालाई दलालले भारतको सिलगुढी बागडुरा एयरपोर्टबाट दिल्ली हुँदै कुवेत पु¥याएको श्रीमान नविनले बताए ।

नविनका अनुसार बिमलालाई खान समेत नदिएर भोकै काम गर्न बाध्य पारिएको थियो । घरमा फोन गर्दा फोन समेत फुटाईदिएको नविनले बताए । ‘उनलाई खान समेत नदिएर कुटपिट भएको रैछ । फोन समेत फुटाइदिएकाले २ महिना उनी सम्पर्क विहिन थिइन् । सोही ठाउँमा काम गर्ने एक जना बहिनीको सहयोगमा उनी पिडामा छिन् भन्ने थाहा पाएपछि उजुरी हालेको हो ।’ नविनले भने ।

शुरुमा जिल्ला प्रहरी कार्यालयले उजुरी लिन नमानेपछि उनी सिधै गृह मंन्त्रालयमा पुगेका थिए । ‘प्रहरीले उजुरी लिनै मानेन । त्यसैले सिधै गृह मंन्त्रालय पुगेर उजुरी गरे ।’ नविनले भने ।नविनले श्रीमतीलाई कुवेत पु¥याउन भक्तबहादुर बिष्ट, सहदेव गिरि र कुवेतमै रहेकी दलाल मुना मगरको हात रहेको बताएका छन् ।

    Comment Here!

Related NEWS
मुख्य खबर

बालअधिकार हननका घटना बढ्दै, बालिका बढी पीडित

–सन्दिप विक– नेपालले बालअधिकार सम्बन्धी महासन्धि र यसका दुईवटा ऐच्छिक सन्धि पत्रहरूमा निशर्त अनुमोदन गरेर बालअधिकार

विद्यालयमा छात्रामाथि कस्तो दुव्र्यवहार हुन्छ ?

–महिला खबर– शिक्षा विभागले बनाएको कार्यविधि अनुसार प्रत्येक विद्यालयले गुनासो सुन्ने अधिकारी तोक्नुपर्ने, उजुरी पेटिका राख्नुपर्ने

नवलपरासीका छोरीहरुलाई यसरी ढाडस दिइन्, रेखा थापाले (भिडियोसहित)

–सीता शर्मा– ‘तपाइहरु आफ्नो नामबाट बाच्नुस् । आफ्नो पहिचानका साथ बाच्नुस्’ कार्यक्रममा सहभागी किशोरीहरुलाई ढाडस दिदै

बालिका बलात्कार गरि हत्या गर्नेलाई जन्म कैद

–महिला खबर– ललितपुर । बालिकालाई बलात्कार गरि हत्या गर्ने दुई जनालाई जिल्ला अदालत बैतडीले जन्मकैदको

जवरजस्ती विवाह गर्न खोज्ने युवा तीन वर्ष पछि पक्राउ

–महिला खबर– अपहरण तथा शरीर बन्धक घटनामा संलग्न खत्री निर्दोष रहेको र मुद्दा दर्ता गराउन नहुने

Read more
ताजा अपडेट
© 2015.All rights reserved by mahilakhabar.com
%d bloggers like this: