कपिलवस्तुमा ७४ प्रतिशत बालविवाह

प्रकाशित मिति :2017-08-08 12:57:01

-पार्वती पाण्डे-

कपिलवस्तु । जिल्लामा ७४ प्रतिशत भन्दा बढी बालविवाह हुने गरेको तथ्याङ्क सार्वजनिक भएको छ । महिला तथा बालबालिका कार्यालय कपिलबस्तुले २०७३ मा गरिएको सर्वेक्षण अनुसार विवाहित जनसंख्याको ७४ दशमलव ५४ प्रतिशतले २० वर्ष उमेर नपुग्दै विवाह गरेको पाइएको हो । सोही सर्वेक्षण अनुसार सबैभन्दा धेरै बालविवाह १५ देखि १९ वर्ष उमेर समुहमा हुने गरेको छ । जसमा किशोरीको संख्या ९१ हजार ४ सय ६६ र किशोरको संख्या ६५ हजार ९ सय २२ रहेको छ ।

१० देखि १४ वर्ष उमेरमा विवाह हुनेमा किशोरीको संख्या ३५ हजार १ सय ६६ र किशोरको संख्या १४ हजार ४ सय ५ रहेको महिला तथा बालबालिका कार्यालयले जनाएको छ । त्यसैगरि, १० वर्ष भन्दा कम उमेरमा विवाह हुने बालिकाको संख्या ४ हजार ३ सय ८७ र बालकको संख्या एक हजार रहेको छ ।

कार्यालयका अनुुसार ५९.९४ प्रतिशतले १५ देखि १९ वर्ष भित्र, २३.०५ प्रतिशतले १० देखि १४ वर्षको उमेरमा र २.८७ प्रतिशतले १० वर्ष भन्दा कम उमेरमा विवाह गरेका छन् । वालविवाहको मुख्य कारण संस्कार, धार्मिक, सामाजिक बाध्यता, गरिबी, शिक्षाको कमी लगायत रहेको महिला तथा वालवालिका कार्यालयका प्रमुख कमला पौडेलले बताउनुभयो । अहिलेको मूलुकी ऐन अनुसार विवाह गर्ने केटा र केटीको उमेर २० वर्ष पुगेको हुुनुपर्छ । २० वर्ष मुनिको विवाहलाई बालविवाह ठानिनेछ । ऐन अनुसार दश वर्ष नपुगेकी विवाह गरे गराएमा ६ महिनादेखि तीन वर्षसम्म कैद र एक हजार रुपैयाँदेखि दश हजार रुपैयाँसम्म जरिवानाको व्यवस्था छ ।

त्यस्तै दश वर्षदेखि माथि चौध वर्ष नपुगेकी विवाह गरे वा गराएमा तीन महिनादेखि एक वर्षसम्म कैद र पाँच हजार रुपियाँसम्म जरिवाना हुनेछ । चौध वर्ष देखि माथि २० वर्ष नपुगेको महिलाको विवाह गरे गराइएको पाइएमा ६ महिना कैद र दश हजार रुपैयाँसम्म जरिवाना वा दुवै सजाय हुने प्रावधान छ ।

    Comment Here!

Related NEWS
मुख्य खबर

बालअधिकार हननका घटना बढ्दै, बालिका बढी पीडित

–सन्दिप विक– नेपालले बालअधिकार सम्बन्धी महासन्धि र यसका दुईवटा ऐच्छिक सन्धि पत्रहरूमा निशर्त अनुमोदन गरेर बालअधिकार

विद्यालयमा छात्रामाथि कस्तो दुव्र्यवहार हुन्छ ?

–महिला खबर– शिक्षा विभागले बनाएको कार्यविधि अनुसार प्रत्येक विद्यालयले गुनासो सुन्ने अधिकारी तोक्नुपर्ने, उजुरी पेटिका राख्नुपर्ने

नवलपरासीका छोरीहरुलाई यसरी ढाडस दिइन्, रेखा थापाले (भिडियोसहित)

–सीता शर्मा– ‘तपाइहरु आफ्नो नामबाट बाच्नुस् । आफ्नो पहिचानका साथ बाच्नुस्’ कार्यक्रममा सहभागी किशोरीहरुलाई ढाडस दिदै

बालिका बलात्कार गरि हत्या गर्नेलाई जन्म कैद

–महिला खबर– ललितपुर । बालिकालाई बलात्कार गरि हत्या गर्ने दुई जनालाई जिल्ला अदालत बैतडीले जन्मकैदको

जवरजस्ती विवाह गर्न खोज्ने युवा तीन वर्ष पछि पक्राउ

–महिला खबर– अपहरण तथा शरीर बन्धक घटनामा संलग्न खत्री निर्दोष रहेको र मुद्दा दर्ता गराउन नहुने

Read more
ताजा अपडेट
© 2015.All rights reserved by mahilakhabar.com
%d bloggers like this: