पत्रकार महासंघको अध्यक्षमा आचार्य विजयी, सचिव सहित ६ पदमा महिला

प्रकाशित मिति :2017-08-22 12:20:33

पत्रकार महासंघको ४७ सदस्यीय केन्द्रीय समिति र ३ सदस्यीय लेखा समितिको निर्वाचनबाट केन्द्रीय कार्यसमितिमा ५ जना महिला अर्थात् १० प्रतिशत र १ जना लेखा समितिमा निर्वाचित भएका हुन् ।

महिला खबर

काठमाडौं । नेपाल पत्रकार महासंघको २५ औं अधिवेशनबाट गोविन्द आचार्यको अध्यक्षमा निर्वाचित हुनुभएको छ । आचार्यले निकटतम प्रतिद्वन्द्वी तीर्थ कोइरालालाई १ सय ५ मतको अन्तरले हराउनुभएको हो ।

आचार्यले ७३२ मत प्राप्त गर्नुभयो भने कोइराले ६२७ मत प्राप्त गर्नुभएको हो । यसैगरी खुला उपाध्यक्षमा विपुल पोखरेल, समावेशी उपाध्यक्षमा दिलिप थापामगर विजयी भएका छन् । महासचिवमा रमेश विष्ट विजयी हुनुभयो ।

त्यसैगरी सचिवमा खुलातर्फ रामप्रसाद दाहाल र महिलातर्फ लक्ष्मी पुन विजयी हुनुभएको छ । पुन सञ्चारिका समूहको सदस्य पनि हुनुहुन्छ । आदिवासी जनजाती सचिवमा उदय जीएम, मधेशीबाट शीलतप्रसाद महतो, दलितबाट रेमबहादुर विश्वकर्मा, एशोसियट सचिवमा प्रकाश थापा विजयी भएका छन् ।

कोषाध्यक्ष पदमा राजेश मिश्र निर्वाचित भए । यस्तै लेखा समिति संयोजक रोशन पुरी, सदस्यहरुमा मीरा राजभण्डरी र भुपेन्द्र आचार्य विजयी भएका हुन् ।

सदस्यहरुतर्फ भने महिलाको आरक्षण सिटमा ३ जना र दलिततर्फ एक जना महिला निर्वाचित भएका छन् ।

निर्वाचित हुने महिलामा सृजना अर्याल, श्वेता सिन्हा र जानुका बराल छन् । अर्याल सञ्चारिका समूह चितवन शाखाको अध्यक्ष हुनुहुन्छ । महिला आरक्षण सिटमा ७ जना महिलाले सदस्यको लागि उम्मेदवारी दिएका थिए । त्यसैगरी दलित तर्फबाट सदस्यमा मधु शाही निर्वाचित हुनुभएको छ । उहाँ सञ्चारिका समूहको सदस्य पनि हुनुहुन्छ । पत्रकार महासंघको निर्वाचनमा १७ जना महिला चुनावी प्रतिस्पर्धामा थिए ।

लक्ष्मी पुन                        सृजना अर्याल             जानुका बराल                  श्वेता सिन्हा               मधु शाही           मीरा  राजभण्डरी

पत्रकार महासंघको केन्द्रीय सदस्यमा ४७ जनाको कार्यसमिति र ३ सदस्यीय लेखा समितिको चयनको लागि निर्वाचन भएको हो । जसबाट कार्यसमितिमा ५ जना महिला अर्थात् १० प्रतिशत र १ जना लेखा समितिमा निर्वाचित भएका हुन् । ६ वटा प्रदेश सहित अन्य पदमा भने निर्वाचित हुने सबै पुरुष छन् ।

आइतबारदेखि सुरु भएको पत्रकार महासंघको महाधिवेशनमा सोमबार मतदान भएको थियो । भने सोमबार बेलुकीदेखि नै सुरु भएको मतगणनाको नतिजा मंगलबार बिहान आएको हो ।

    Comment Here!

Related NEWS
मुख्य खबर

इन्सेक भन्छः राज्य पक्षबाटै ८६ महिला पीडित

–महिला खबर– काठमाडौं । पूर्व प्रधान न्यायाधीश सुशीला कार्कीले पछिल्लो समय बलात्कारका घटनामा मिलापत्र हुने गरेको

बलात्कारको घटना मिलापत्र गर्नेलाई के हुन्छ कारवाही ?

–महिला खबर– ललितपुर । बालिका बलात्कारको घटना मिलाउन खोज्ने वडा अध्यक्षलाई बलात्कारको मतियारको रुपमा मुद्दा चलाउन

प्रदेशसभाः महिलालाई ‘उप’ मै सिमित

–महिला खबर– सभामुख वा उपसभामुख मध्ये एक पदमा अनिवार्य महिला राख्नु पर्ने संवैधानिक व्यवस्था यदि नभएको

आफ्नै साथीलाई बलात्कार गर्ने तीन आरोपी पक्राउ

पीडित किशोरीका आफन्तले दाबी गरेअनुसार उनीहरूले बलात्कार पछि हत्याको प्रयास गरे । यद्यपि ती मध्ये

संरक्षणमा रहेकी चेलीको विवाह

–महिला खबर– सिपमूलक व्यवसाय पश्चात व्यवसाय संचालन गरिरहेकी चेली शिलाको विवाहका केटा पक्षसँग चेली नेपालले अभिभावकका

Read more
ताजा अपडेट
© 2015.All rights reserved by mahilakhabar.com
%d bloggers like this: