योगेश भट्टराईको प्रतिवद्धताः हरेक विद्यालयमा एक वर्षभित्र महिला शौचालय

-महिला खबर- ताप्लेजुङ । प्रत्येक विद्यालयमा महिला शौचालय निर्माणका लागि आफ्नो पार्टीका कार्यकर्तालाई परिचालन गरिने

ताजा समाचार
  • डाक्टरको लापरवाहीले सुत्केरीको मृत्यु भएको भन्दै यसरी उर्लिए जनता
  • गच्छेदारले मतगणनामा धाँधली गरेको भन्दै भगवतीले भनिन्, ‘कानुनी न्याय खोज्छु’
  • नुवाकोटबाट प्रदेशसभामा राधिका तामाङ विजयी
  • भिडिओबाट जीवन बचाउनेहरु
  • उपप्रधान एवम् शिक्षा मन्त्रीलाई हराउँदै पद्मा विजयी
  • यौन दुर्व्यवहारको आरोप अस्वीकार
  • योगेश भट्टराईको प्रतिवद्धताः हरेक विद्यालयमा एक वर्षभित्र महिला शौचालय
  • हेलिकोप्टरबाट उद्दार गरिएकी सुत्केरीको मृत्यु
  • मानसिकताको छाउ गोठ हट्नुपर्नेमा जोड
  • यी हुन्, ‘मर्द’ हराउने हिम्मतदार महिला
  • नर्समाथि सेवाको बदला शोषण
  • बलात्कारका घटनामा आफन्तकै संलग्नता
  • प्रदेश सातमा दुई महिला निर्वाचित, उम्मेदवारी क–कसको थियो ? (हेर्नुहोस् नामसहित)
  • स्याङ्जा २ मा पद्मा कुमारी अर्यालको अग्रता
  • सुत्केरीको हेलिकोप्टरबाट उद्धार

    ‘म हाउस हस्वेन्ड’

    प्रकाशित मिति :2017-09-01 16:03:24

    -खेमा बस्नेत-

    काठमाडौं । ‘सानैमा नै मञ्जुसँग जोडिइसकेको थिएँ । उनी मेरी नहुँदा पनि मेरो श्रीमती उनी नै हुन्थिन् ।’ बाल्यकालदेखि नै आफूमाथि काजीमान गुरुङले हक जमाएको बताउँदा उनकी श्रीमती मञ्जुको उत्तर चाँही यस्तो थियो – ‘उहाँ नभएको भए कुनै लाहुरेसँग विवाह गरेर गृहिणी बन्थें की ?’

    मन्जु गुरुङ र काजीमान गुरुङ वैवाहिक सम्बन्धमा बाँधिएको २७ वर्ष भयो । त्यो पनि हक लागेर गरेको विवाह । गुरुङ समुदायमा फुफुचेला र मामाचेलीमा विवाह गर्ने प्रचलन छ । त्यही हकले उनीहरुको सम्बन्ध पनि स्थापित भएको हो । र, काजीमानले ‘उनी नहुँदा पनि मेरो श्रीमती उनी नै हुन्थिन्’ भन्ने आँट आजपनि गरेका हुन् ।

    मञ्जु गुरुङ अहिले वैदेशिक रोजगारीबाट दुःख पाएर फर्किएका महिलालाई संरक्षण दिने एउटी सहाराको रुपमा स्थापित छिन् । उनका श्रीमान् काजीमान् आफैलाई ‘म हाउस हजबेन्ड’ भन्न रुचाउँछन् । अर्थात् काजिमान घर सम्हाल्छन् मञ्जु बेसहारा महिला सम्हाल्छिन् ।

    जन्मिनाबित्तिकै परिवारले तोकिदिएका नाता (विवाह) मा जोडिदा दुवै जना २० वर्षका थिए । विवाहपछि काजीमान वैदेशिक रोजगारीको लागि जापान गए । त्यतिवेला मञ्जुले घरको जिम्मेवारी सम्हालिन् ।

    जब उनी घर फिरे त्यसपछि एकअर्काको जिम्मेवारी परिवर्तन भयो । काजीमान घर चलाउन थाले र मञ्जु सामाजिक कार्यमा सक्रिय हुन थालिन् ।

    मञ्जु पौरखी नेपालकी अध्यक्ष हुन् । आजकाल उनी वैदेशिक रोजगारीबाट दुःख पाएका महिलाहरुको पुर्नस्थापना लगायतका सामाजिक कार्यमा निकै व्यस्त छिन् । घरको सम्पूर्ण जिम्मेवारी भने काजीमानले सम्हाल्दै आएका छन् ।

    काजीमानका दम्पत्तीको दैनिकी चाँही कसरी सुरु हुने रहेछ ? घर सम्हाल्ने पुरुष र सामाजिक काम गर्ने महिलाका दैनिकी बुझ्न चाँहदा मञ्जुले आफूलाई अल्छी उपमा दिँदै दैनिकी सुनाईन् – म अलि अल्छी छु । अलि ढिलो उठ्छु । उठेपछि समाचार सुन्छु । अफिसको केही काम छ भने गर्छु  । अनि खाना खाएर अफिस निस्कन्छु । त्यसपछि एकैचोटी साँझ घर फर्कन्छु ।

    काजीमानको जाँगर मञ्जुको भन्दा बढि रहेछ । आखिर घर सम्हाल्ने श्रीमान् न परे ! दैनिकी एकै सासमा सुनाए – ‘बिहान ५ः३० मा उठ्छु । छोरा क्याम्पस जाने हुनाले छोरालाई पनिसँगै उठाउँछु । हाम्रो होटल पनि छ । प्रायः ब्रेकफाष्ट होटलमै हुन्छ । होटलमा ब्रेक फाष्ट नभएको दिन म आफै चिया बनाउँछु । त्यसपछि एक्ससाइज (व्यायाम) का लागि जान्छु । घर र होटलको काम गर्छु । अरु दिन खाना होटेलमै हुन्छ । शनिबार भने म आफैले बनाएर खुवाउँछु ।’

    नेपाली समाजमा श्रीमतीले घरधन्दा गर्दिनन् भन्दा अझै पनि जिब्रो टोक्ने मानिस धेरै छन् । सामाजिक परम्परा र कुप्रथाले गाँजेको हाम्रो समाजमा पुरुषले आफूलाई घर सम्हाल्ने रुपमा परिचय दिँदा सहज रुपमा नलिने सोच काजीमानमा पटक्कै रहेनछ ।

    आफ्नो कामको बारेमा सुनाउन काजीमान अझ हौसिए – दश वर्ष जापान बसेर नेपाल फर्किएपछि होटल व्यवसाय सुरु गरेँ । म जतिबेला वैदेशिक रोजगारीका लागि जापानमा थिएँ, मञ्जु नेपालमा गृहणी थिइन् । अहिले म गृहणी भएको छु । उनी बाहिर जान्छिन् । म घरमा बिहानै छोरालाई समयमा उठाउने, नास्ता बनाउने, खाना बनाउने गर्ने गर्नेछु । अहिले गृह व्यवस्थापनको जिम्मेवारी मेरै काँधमा छ । लामो हाँसो सहित.. अहिले म गृहमन्त्री भएको छु ।

    काजीमानको कुराले मञ्जुलाई पनि थोरै उत्साह थपेछ । उनी बोलिन् – अहिलेसम्म घरको काम महिलाले गर्नुपर्छ भन्ने सोच र व्यवहार मैले उहाँमा पाएकी छैन । यदि भएको भए १४ वर्षसम्म म यसरी समाजिक क्षेत्रमा सक्रिय भएर काम गर्न सक्थे होला ?

    काजीमान पनि समर्थन सहित भन्छन् – घरको काम महिलाले गर्ने हो र पुरुषले गर्नु हुँदैन भन्ने सोच गलत हो ।’
    उनी दैनिक घरमा कुचो लगाउने, पोछा लगाउने जस्ता काम आफै गर्छन् । घरको काम गर्दा उनलाई पुरुष हुनुको मपाईंत्वले कहिल्यै छोप्दैन । बरु थप्छन् – मञ्जुलाई सामाजिक जिम्मेवारी बढी छ । त्यसैले घरको कामको बाँडफाँडमा भन्दा नि सबै घर व्यवहार मैले नैै हेर्दै आएको छु ।

    अधिकांश परिवारमा श्रीमान् छोराछोरीको कपडा सम्हालेर राखिदिने बाहिर निस्किने बेला ठिक्क निकालिदिने श्रीमती हुन्छन् । गुरुङ दम्पत्तीको परिवारमा भने फरक छ । मञ्जु भन्छिन्, ‘घरको व्यवहार मात्रै होइन छोरा र मैले कुन ड्रेसअप लगाउँदा राम्रो देखिन्छ जस्ता कुरा सबै उहाँलाई थाहा हुन्छ ।’

    मञ्जुका श्रीमान् काजीमानले उनलाई यति स्वतन्त्र नछोडिदिएको भए सायद उनी गृहिणीमै सीमित हुने थिइन् होला । श्रीमान्को सोचाइ उदार भयो । मञ्जुले सामाजिक क्षेत्रमा उत्रिने आँट राखिन् ।

    काजीमानले थपे – उनी बाहिर निस्किएपछि थाती रहेका काम मैले गर्न थाले । उनको लक्ष्यमा म कहिल्यै बाधक भइन । बालबच्चा हुर्काउनेदेखि घरको सम्पूर्ण जिम्मेवारी मैले नै सम्हालें ।

    अहिले परिवारका सदस्यबाहेक सामाजिक रुपमा काजीमान मञ्जुको नामबाट चिनिन्छन् । केहीले भन्ने पनि गर्छन् – तिमी भन्दा तिम्रो श्रीमतीको नाम अगाडि आउँछ ।’ यहि पहिचानमा गर्व गर्छन् काजीमान । भन्छन्– त्यसैमा मलाई खुशी लाग्छ र गौरव अनुभव हुन्छ ।

    ‘वैवाहिक जीवन भनेको एक–अर्को प्रतिको विश्वास, आस्था, आदर र भरोसा हो । विवाह एक सम्झौता पनि हो । उहाँलाई मन नपर्ने काम मैले गर्नु हुँदैन । यसो गरेमा वैवाहिक जीवन सफल हुन्छ ।’ श्रीमानको कुरा सुनिसकेपछि अलिकति दार्शनिक तरिकाले मञ्जुले धारणा राखिन् ।

    त्यसैमा कजिमानले थपे – विश्वास, एक अर्कालाई आदर गर्ने, केही कुरा एक जनालाई मन परेको छैन भने पनि सम्झौता गर्ने सिक्नुपर्छ । त्यसले गर्दा वैवाहिक जीवन सुखी र सफल हुन्छ ।

      Comment Here!

    Related NEWS
    मुख्य खबर

    डाक्टरको लापरवाहीले सुत्केरीको मृत्यु भएको भन्दै यसरी उर्लिए जनता

    - महिला खबर - कालिकोट । खाँडाचक्र नगरपालिका–१ की चन्द्रा शाहीको डाक्टरहरूको लापरवाहीका कारणले मृत्यु भएको

    गच्छेदारले मतगणनामा धाँधली गरेको भन्दै भगवतीले भनिन्, ‘कानुनी न्याय खोज्छु’

    -महिला खबर- प्रतिनिधिसभा सदस्य उम्मेदवार भगवती चौधरीले नेपाली कांग्रेसका नेता विजयकुमार गच्छेदारले धाँधली गरेर निर्वाचन जितेको

    नुवाकोटबाट प्रदेशसभामा राधिका तामाङ विजयी

    –महिला खबर– काठमाडौं । नुवाकोटको प्रदेशसभा क्षेत्र नं. १ को प्रदेश क मा राधिका तामाङ

    उपप्रधान एवम् शिक्षा मन्त्रीलाई हराउँदै पद्मा विजयी

    -महिला खबर - काठमाडौं । स्याङ्जा क्षेत्र नं २ बाट प्रतिनिधिसभा तर्फ वाम गठबन्धनबाट नेकपा एमालेकी

    योगेश भट्टराईको प्रतिवद्धताः हरेक विद्यालयमा एक वर्षभित्र महिला शौचालय

    -महिला खबर- ताप्लेजुङ । प्रत्येक विद्यालयमा महिला शौचालय निर्माणका लागि आफ्नो पार्टीका कार्यकर्तालाई परिचालन गरिने

    Read more
    ताजा अपडेट
    %d bloggers like this: