ताजा समाचार
  • धनकी देवी लक्ष्मी र समृद्धिविहीन नेपाली महिला
  • कपि कलमका लागि बालिकाको टीका व्यापार
  • बलात्कार आरोपी पक्राउ
  • महिला खबरको सम्पादकमा लोग्शरी
  • मन्त्रिपरिषद्को जिम्मेवारी हेरफेरमा आशा र गोमा विना विभागीय मन्त्री
  • रहिनन् भष्ट्राचार सार्वजनिक गर्ने पत्रकार कारुआना गालिजिया
  • माटोको ढिस्कोमा पुरिएर महिलाको ज्यान गयो
  • वर्षामै खानेपानी अभाव : दिनभर खेतबारी, रातभर पँधेरो
  • डेढ वर्षको छोरा बोकेर जागिर खोज्‍दै सहीद पत्‍नी सोनी
  • Samakon Web Series Episode 2
  • यसकारण रह्यो अधिकार प्राथमिकतामा महिला अधिकार
  • महिला हिंसाको प्रमूख कारण घरेलु मदिरा नष्ट
  • रोकिएन बलात्कार, एक वर्षमा एक हजार महिला बलात्कृत
  • अनुहार हेरेर डिपे्रसन भएको कुरा ठहर गर्न सकिन्न है !

    ४५ वर्षकी हजुरआमा चार कक्षामा भर्ना

    प्रकाशित मिति :2017-10-09 14:58:26

    अप्रिल अधिकारी

    रामेछाप । कक्षा ४ मा पढ्ने विद्यार्थीको उमेर कति होला ? भन्दा सबैले अनुमान गर्छन्, सरदर ९\१० बर्ष । तर, जिल्लाको मन्थली नगरपालिका–८ जखनीटारकी ४५ बर्षकी हर्कमाया माझी चार कक्षामा भर्ना भएकी छिन् । दुइ छोरा र दुइ छोरीकी आमा उनी गाउँकै बिद्याश्रम आधारभुत विद्यालयमा चार कक्षामा भर्ना भएर पढ्न थालेकी हुन् ।

    ‘साधारणतया पढ्ने उमेरमा पढन सकिएन । पढ्नका लागि कसैले प्रेरित पनि गरेनन् । तर, अहिले पढाइको महत्व बुझेपछि स्कुल भर्ना भएँ’ माझी समुदायकी हर्कमायाले भनिन्, ‘चुलोदेखि बाहिरसम्म शिक्षाको अनिवार्यता महसुस भयो । अनि पढ्न सुरु गरेँ ।

    सामाजिक कामदेखि लिएर राजनैतिक काममा समेत क्रियाशील हर्कमाया थुप्रै पटक तालिम, सभा र औपचारिक कार्यक्रममा समेत सहभागि भइसकेकी छिन् । ‘सबैले लेखपढ् गरेको देख्दा आफुमा पढाइ लेखाइ कमजोर भएको महसुस भएपछि पढ्न उत्साहित बनेँ,’ उनले भनिन्, ‘जे गर्दा पनि पढाइ लेखाइकै कुरा हुन्छन् । नपढीकन कामै रहेनछ ।’ जसरी पनि पढ्छु भन्ने अठोट गरेर विद्यालय जान थालेको उनले बताइन् ।

    हर्कमायाकी कान्छी छोरी पनि यति बेला कक्षा १२ मा अध्ययन गर्दैछिन् । तर, आफूलाई ४ कक्षामा भर्ना हुँदा कुनै अड नलागेको हर्कमायाले बताइन् । आफ्नो कक्षामा गाउँकै नाताले नाति नातिनी पर्नेहरु पढिरहेको तर, आफूलाइ सँगै बसेर पढ्न कुनै संकोच नलागेको उनले बताइन् ।

    ‘सुरु सुरुमा “बुढेसकालमा पढ्न जान थालि” भनेर गाउँलेहरुले खिल्लि समेत उडाए’ हर्कमायाले सम्झिन्, ‘त्यसपछि पढ्ने रहर झन् तिखारियो । खिल्ली उडाउनेका अगाडि पढेरै छोड्छु भन्ने हिम्मत आयो ।’ उनी अहिले नियमित स्कुल जाने गरेको बताउँछिन् ।

    पढेर जागिर खाने र कुनै ठूलै उपाधि पाउछु भन्ने छैन । तर सामाजिक तथा राजनीतिक हरेक काममा अनपढ हुँदा झेलेको पीडाले ढिलै भएपनि पढ्न प्रेरित गरेको उनले प्रष्ट्याइन् ।

    हर्कमायालाई पढ्नका लागि श्रीमानले समेत सहयोग गरेका छन् । पढ्न चाहन्छौ भने पढ न त भनेर श्रीमानले नै बिद्यालयमा लगेर भर्ना गरिदिएको हर्कमायाले सुनाइन् । ‘तिम्रो जे इच्छा छ गर । म साथमा छु भनेर बचन दिनुभयो’ उनले थपिन्, ‘श्रीमानको आड भरोसा पाएपछि झन् सजिलो भयो ।

    हर्कमायाका श्रीमान केही समय अघि गाडी दुर्घटनामा परी अपांग छन । तर, पनि उनी ठेक्का पट्टाको काम गर्दै आएका छन् । उनको पढाइका लागि बुहारीहरुले समेत साथ दिएका छन् । आफु भन्दा पढेको बुहारीहरुले घर धानेका छन् । स्कुल बाहेकको खाली समयमा भने बुहारीहरुलाइ घरको काममा आफुले सघाउने गरेको उनले बताइन् । उमेर गयो । अब केही गर्न सकिन्न भन्नेहरुका लागि यतिबेला हर्कमाया जिल्लाभर उदाहरण र प्रेरणाको स्रोत बनिरहेकी छिन् ।

    व्यवहार र अनुभवले पढाइलाई ठुलो ठान्दै विद्याको भोको बनेर हर्कमाया विद्यालय भर्ना भएको विद्यालयका प्रधानाध्यापक रसोक कुमार श्रेष्ठले बताए ।

    सुरुमा सानो कक्षामा भर्ना हुन आएकी हर्कमायालाई सिकाइको स्तर र अनुपात नमिले पनि माथिल्लो कक्षामा राखेर पढाएको श्रेष्ठले बताए ।

    प्रौढ कक्षा पढेर आएकोले हर्कमायालाई माथिल्लो कक्षामा राख्न सकिएको र अलिकति मेहनत गरे २/३ बर्षमा ८ कक्षामा पुग्न सक्ने सम्भावना रहेको प्रधानाध्यापक श्रेष्ठले बताए ।

    हर्कमायालाई कसरी अघि बढाउन सहयोग गर्ने ? भन्नेमा विद्यालयले सोचिरहेको पनि श्रेष्ठले बताए ।

      Comment Here!

    Related NEWS
    मुख्य खबर

    धनकी देवी लक्ष्मी र समृद्धिविहीन नेपाली महिला

    धनकी देवीको रुपमा माता लक्ष्मीलाई मान्ने गरिन्छ जो महिला हुन । लक्ष्मीको धुमधाम पूजा गरिरहँदा

    कपि कलमका लागि बालिकाको टीका व्यापार

    -सर्मिला बुढाथोकी- दोलखा । भारत स्थायी घर भै भीमेश्वर नगरपालिका वडा नम्बर ५ विरुवा बस्दै

    बलात्कार आरोपी पक्राउ

    -महिला खबर- काठमाडौं । युवती बलात्कार गरेको आरोपमा भोजपुर थिदिङ्खाका एक व्यक्ति पक्राउ परेका छन्

    महिला खबरको सम्पादकमा लोग्शरी

    काठमाडौं । महिलासम्बन्धी डिजीटल पत्रिका महिला खबरको सम्पादकमा लोग्शरी कुँवर नियुक्त भएकी छिन् । कुँवर

    मन्त्रिपरिषद्को जिम्मेवारी हेरफेरमा आशा र गोमा विना विभागीय मन्त्री

    -महिला खबर- प्रधानमन्त्री शेरबहादुर देउवाले मन्त्री परिषद्को जिम्मेवारी हेरफेर गरी नेकपा माओवादी केन्द्रबाट मन्त्री बनेका

    Read more
    ताजा अपडेट
    %d bloggers like this: