पाँचथरकी एक्ली महिला वडाध्यक्षको कामसँग जेष्ठ नागरिक मख्ख

प्रकाशित मिति :2017-10-11 17:21:59

-महिला खबर-

पाँचथर । सामाजिक सुरक्षाभत्ता घरघरमै पाउन थालेपछि जिल्लाको फिदिम नगरपालिका वडा नम्बर–१० चिलिङदेनकी जेष्ठ नागरिक लक्ष्मी बुढाथोकी मक्ख छिन् ।

यो भन्दा पहिले सामाजिक सुरक्षा भत्ता लिनकै लागि उनी ८ सय रुपैँया बस भाडा तिरेर सदरमुकाम फिदिम पुग्थीन् । तर घरमै वडा अध्यक्षले नै सामाजिक सुरक्षा भत्ता बाँड्न थालेपछि उनी खुसी भएकी हुन् ।

उनले भनिन्– ‘हामी धेरै खुसी छाैँ । सामाजिक सुरक्षा भत्ता लिनकै लागि सदरमुकाम पुग्नुपर्ने बाध्यता हटेको छ ।’ पैसा, समय र उमेरले साथ नदिदा नदिदै पनि भत्ता लिनकै लागि सदरमुकाम पुग्नुपर्ने बाध्यता हटेपछि आफूहरु खुसी भएको उनले बताइन् ।

उनी जस्तै सोही ठाउँका अर्का जेष्ठ नागरिक शर्ण मगरान्ती पनि वडाध्यक्ष सहितको टोली नै घरदैलोमै सामाजिक सुरक्षा भत्ता वितरण गर्न आएपछि खुसी छन् । निर्वाचित जनप्रतिनीधिहरु साँच्चिकै जनताको सेवक भएको उनले बताए ।

जिल्लाकै एक्ली महिला वडाध्यक्ष बिना थाम्सुहाङले सामाजिक सुरक्षा भत्ता घरदलोमै पुगेर बाँड्न थालेपछि जेष्ठ नागरिक, एकल महिला र अपाङ्गता भएका व्यक्तिहरु खुसी भएका हुन् । चुनाव प्रचार प्रसारको क्रममा जनतासँग व्यक्त गरेका बाँचा पुरा गर्न आफू लागि परेको उनले बताइन् ।

उनले भनिन्– ‘नगरपालिकाकाले सामाजिक सुरक्षा भत्ता बैँकिङ प्रणालीबाट वितरण गर्ने नीति लिएको थियो तर चुनाव अभियानको क्रममा जनतासँग राखेका बाँचा पुरा गर्न मैले घरघरमै सामाजिक सुरक्षाभत्ता बाँडे । प्रतिवद्धता त पुरा गर्नै प¥यो । गरिनँ भने जनताले के भन्छन् ?’

सो वडामा सामाजिक सुरक्षा भत्ता पाउने जेष्ठ नागरिक, एकल महिला र अपाङ्गता भएकाहरु व्यक्ति २ सय ९० जना छन् । चालु आर्थिक वर्ष २०७४-०७५ मा सो वडामा सामाजिक सुरक्षा भत्ताका लागि १७ लाख रुपैयाँ बजेट विनियोजन गरिएको छ । पाँच वर्षसम्म वडाका सामाजिक सुरक्षा प्राप्त गर्नेहरुको घरदैलोमा पुगेर भत्ता वितरण गर्ने वडाध्यक्ष थाम्सुहाङको प्रतिवद्धता छ ।

साविकको याङ्नाम गाउँ विकास समितिको वडा नं. १ देखि ५ नं. वडासम्मका वडाहरुलाई मिलाएर फिदिम नगरपालिकाको १० न. वडा बनाइएको हो ।

गत १४ असारमा भएको स्थानीय तह निर्वाचनमा माओवादी केन्द्रका उम्मेदवार मणि थाम्सुहाङलाई झिनो मतान्तरले पराजित गर्दै वडाध्यक्षमा थाम्सुहाङ विजयी भएकी थिइन् । जिल्लाको ८ स्थानीय तहको ६० वडामा उनी मात्रै एक्ली महिला वडाध्यक्ष हुन् ।

    Comment Here!

Related NEWS
मुख्य खबर

बालअधिकार हननका घटना बढ्दै, बालिका बढी पीडित

–सन्दिप विक– नेपालले बालअधिकार सम्बन्धी महासन्धि र यसका दुईवटा ऐच्छिक सन्धि पत्रहरूमा निशर्त अनुमोदन गरेर बालअधिकार

विद्यालयमा छात्रामाथि कस्तो दुव्र्यवहार हुन्छ ?

–महिला खबर– शिक्षा विभागले बनाएको कार्यविधि अनुसार प्रत्येक विद्यालयले गुनासो सुन्ने अधिकारी तोक्नुपर्ने, उजुरी पेटिका राख्नुपर्ने

नवलपरासीका छोरीहरुलाई यसरी ढाडस दिइन्, रेखा थापाले (भिडियोसहित)

–सीता शर्मा– ‘तपाइहरु आफ्नो नामबाट बाच्नुस् । आफ्नो पहिचानका साथ बाच्नुस्’ कार्यक्रममा सहभागी किशोरीहरुलाई ढाडस दिदै

बालिका बलात्कार गरि हत्या गर्नेलाई जन्म कैद

–महिला खबर– ललितपुर । बालिकालाई बलात्कार गरि हत्या गर्ने दुई जनालाई जिल्ला अदालत बैतडीले जन्मकैदको

जवरजस्ती विवाह गर्न खोज्ने युवा तीन वर्ष पछि पक्राउ

–महिला खबर– अपहरण तथा शरीर बन्धक घटनामा संलग्न खत्री निर्दोष रहेको र मुद्दा दर्ता गराउन नहुने

Read more
ताजा अपडेट
© 2015.All rights reserved by mahilakhabar.com
%d bloggers like this: