सिफारिसमा समेत परेनन् महिला

प्रकाशित मिति :2017-10-11 15:26:38

-रुजु खतिवडा- 

पाँचथर । आगामी मंसीर १० गते हुने संघीय प्रतिनिधिसभा र प्रदेश सभा निर्वाचनका लागि दलहरु गरेको प्रत्यक्ष उम्मेदवार सिफारिसमा एक जना महिला समेत परेका छैनन् ।

तीन ठुला दल कांग्रेस, एमाले र माओवादी केन्द्र लगायतका दलहरुले उम्मेदवार सिफारिस गरेर प्रदेश कमिटिमा पठाइसकेका छन् ।

पाँचथरको संघीय प्रतिनिधिसभाको एक र प्रदेश सभाको दुई सिटका लागि प्रत्यक्ष तर्फ तीन ठुला दलदेखि साना दलहरुले गरेको सिफारिसमा एक जना महिलाको नाम समेत सिफारिसमा परेको छैन ।

पाँचथरमा सबै पार्टीले प्रत्यक्ष तर्फ पुरुषको नाममात्र सिफारिस गरेका छन् भने समानुपातिक तर्फमात्र महिलाको नाम सिफारिसमा परेको छ ।

नेपाली कांग्रेस पाँचथरले पुरुष आकांक्षीहरुको नाम केन्द्रमा सिफारिस गरेको छ । नेकपा (एमाले) पाँचथरले संघीय प्रतिनिधिसभा सदस्यका उम्मेदवारको नाममा सहमति जुटाएको छ भने प्रदेश सभा सदस्य पदका आकांक्षीहरुको नाम प्रदेश कमिटीमा पठाएको छ ।

नेकपा (माओवादी केन्द्र)ले प्रत्यक्ष तर्फका तीनै जना उम्मेद्वार सर्वसहमत छनौट गरेको छ । संघीय समाजवादी फोरम, राष्ट्रिय प्रजातन्त्र पार्टी, नयाँ शक्ति पार्टी, संघीय लिम्बुवान मञ्च लगायत दलहरुले पनि जिल्ला स्तरमै उम्मेद्वारको नाम टुङ्ग्याएका छन् । तर, कुनैपनि पार्टीले संघ र प्रदेशको प्रत्यक्ष उम्मेदवारमा महिलाको नाम सिफारिस गरेका छैनन् ।

प्रत्यक्ष तर्फ सिफारिसमा समेत नपरेका महिलाहरुले समानुपातिकमा टिकट पाउँने सम्भावना कम भएको महिला नेताहरुले बताएका छन् ।

पहिलेदेखि पार्टीहरुमा पुरुषको हावि भएकाले महिलाहरुले प्रत्यक्षमा निर्वाचन लड्न क्षमता हुँदाहुँदै पनि स्थान पाउने सम्भावना नरहेको महिला अधिकारकर्मी विमला ढकालले बताइन् ।

    Comment Here!

Related NEWS
मुख्य खबर

बालअधिकार हननका घटना बढ्दै, बालिका बढी पीडित

–सन्दिप विक– नेपालले बालअधिकार सम्बन्धी महासन्धि र यसका दुईवटा ऐच्छिक सन्धि पत्रहरूमा निशर्त अनुमोदन गरेर बालअधिकार

विद्यालयमा छात्रामाथि कस्तो दुव्र्यवहार हुन्छ ?

–महिला खबर– शिक्षा विभागले बनाएको कार्यविधि अनुसार प्रत्येक विद्यालयले गुनासो सुन्ने अधिकारी तोक्नुपर्ने, उजुरी पेटिका राख्नुपर्ने

नवलपरासीका छोरीहरुलाई यसरी ढाडस दिइन्, रेखा थापाले (भिडियोसहित)

–सीता शर्मा– ‘तपाइहरु आफ्नो नामबाट बाच्नुस् । आफ्नो पहिचानका साथ बाच्नुस्’ कार्यक्रममा सहभागी किशोरीहरुलाई ढाडस दिदै

बालिका बलात्कार गरि हत्या गर्नेलाई जन्म कैद

–महिला खबर– ललितपुर । बालिकालाई बलात्कार गरि हत्या गर्ने दुई जनालाई जिल्ला अदालत बैतडीले जन्मकैदको

जवरजस्ती विवाह गर्न खोज्ने युवा तीन वर्ष पछि पक्राउ

–महिला खबर– अपहरण तथा शरीर बन्धक घटनामा संलग्न खत्री निर्दोष रहेको र मुद्दा दर्ता गराउन नहुने

Read more
ताजा अपडेट
© 2015.All rights reserved by mahilakhabar.com
%d bloggers like this: