किशोरीको निशानामा मेयर उपमेयर

प्रकाशित मिति :2017-10-12 16:27:35

–पार्वती पाण्डे

कपिलवस्तु । तिलौराकोट होटलको खचाखच भरिएको हलको अगाडीको दायाँ तर्फबाट एक किशोरीले फ्लोर ओपन हुनासाथ जुरुक्क उठेर भनिन्–‘मेयर तथा उपमेयर साहेबहरु तपाईंहरुले पद पाउनु भएकोछ । काम गर्नुस् । हामी जस्ता किशोरीका लागि उदाहरणीय काम गर्नुस । काम गर्न सक्नु हुन्न भने पद छोड्दिनुस् ।

सायदै कुनैपनि मेयर उपमेयरले सोचेका थिएनन् होला अन्तरकृयाको पहिलो निशानामा आफूहरु पर्छौं भन्ने । ‘विपदमा पर्दा जहिले, किशोरी सशक्तीकरण पहिले’ भन्ने मूल नाराका साथ आयोजित छैटौँ अन्तराष्ट्रिय बालिका दिवसका अवसरमा बाल अधिकारका लागी सरोकारवालासँग तौलिहवामा आयोजित कार्यक्रममा अचानक किशोरीले काम गर्न नसक्ने भए पद छोडिदिनुस् भन्दा कार्यक्रमस्थल सुनसान भयो । सबैका आँखा उनीतिर तेर्सिए ।

शिवराज नगरपालिकाका मेयर नेत्रराज अधिकारीले भने ती किशोरीको प्रशंसा गर्दै मधेसमा जागरण आईसकेको कुरा प्रष्ट भएको प्रतिक्रिया दिए । उनले भने, ‘अब केही हुन्छ भन्न बाध्य हुनु परयो ।’

बुद्धभूमीका मेयर केशव श्रेष्ठले आफुले किशोर किशोरीकालागि नगर सभाबाट गरेका निर्णहरुको फेहरिस्त सुनाए ।

महाराजगंगका मेयर अब्दुल कलामले भने, ‘हामीसंग श्रोत साधनको कुनै कमि छैन । योजना लिएर आउनुस्, हामी गरेर देखाउछौं भन्दै किशोरीहरुको आत्मबल बढाए ।

जिल्ला समन्वय समितीका प्रमुख नारायण खनालले कपिलवस्तुलाई बालबिवाह मुक्त बनाउने, किशोर र किशोरी बीचको शैक्षिक विभेद हटाउने जस्ता चुनौती स्थानीय तहका जनप्रतिनिधीले हटाउनै पर्ने बताए ।

कार्यक्रममा शुद्धोधन गाउँपालिकाका प्रमुख निशार अहमद खाँ, विजयनगर गाउपालिकाका प्रमुख गोपाल बहादुर थापा, मायादेवी गाउपालिकाका उपप्रमुख गिता तिवारी लगायतले अब जिल्लालाई बालमैत्री तथा किशोरी उन्मुख बनाई छाड्ने उद्घोष गरे ।

    Comment Here!

Related NEWS
मुख्य खबर

बालअधिकार हननका घटना बढ्दै, बालिका बढी पीडित

–सन्दिप विक– नेपालले बालअधिकार सम्बन्धी महासन्धि र यसका दुईवटा ऐच्छिक सन्धि पत्रहरूमा निशर्त अनुमोदन गरेर बालअधिकार

विद्यालयमा छात्रामाथि कस्तो दुव्र्यवहार हुन्छ ?

–महिला खबर– शिक्षा विभागले बनाएको कार्यविधि अनुसार प्रत्येक विद्यालयले गुनासो सुन्ने अधिकारी तोक्नुपर्ने, उजुरी पेटिका राख्नुपर्ने

नवलपरासीका छोरीहरुलाई यसरी ढाडस दिइन्, रेखा थापाले (भिडियोसहित)

–सीता शर्मा– ‘तपाइहरु आफ्नो नामबाट बाच्नुस् । आफ्नो पहिचानका साथ बाच्नुस्’ कार्यक्रममा सहभागी किशोरीहरुलाई ढाडस दिदै

बालिका बलात्कार गरि हत्या गर्नेलाई जन्म कैद

–महिला खबर– ललितपुर । बालिकालाई बलात्कार गरि हत्या गर्ने दुई जनालाई जिल्ला अदालत बैतडीले जन्मकैदको

जवरजस्ती विवाह गर्न खोज्ने युवा तीन वर्ष पछि पक्राउ

–महिला खबर– अपहरण तथा शरीर बन्धक घटनामा संलग्न खत्री निर्दोष रहेको र मुद्दा दर्ता गराउन नहुने

Read more
ताजा अपडेट
© 2015.All rights reserved by mahilakhabar.com
%d bloggers like this: