एक महिनामा ७८ जना महिलाहरू माथि हिंसा

प्रकाशित मिति :2017-10-12 17:24:30

महिला खबर
काठमाडौं । गएको सेप्टेम्बर महिनामा नेपालमा ७८ जना महिलाहरूमाथि विभिन्न किसिमले हिंसा भएको प्रतिवेदन सार्वजनिक भएको छ । जसमध्ये २१ जना १८ वर्ष मुनिका बालिकाहरू रहेका छन् । विभिन्न राष्ट्रिय पत्रपत्रिकाहरूमा प्रकाशित महिला हिंसा सम्बन्धित घटनाहरू र ओरेक नेपालले अभिलेखिकरण गरेका घटनाका आधारमा प्रतिवेदन सार्वजनिक भएको हो ।

हिंसा प्रभावित बालिकाहरू मध्ये ५८ प्रतिशत बालिकामाथि यौन हिंसा, २१ प्रतिशत मानसिक हिंसा, १३ प्रतिशत शारीरिक हिंसा र ८ प्रतिशत बेचविखनको प्रयासबाट हिंसा भएको पाइएको छ ।

यसैगरी, ओरेक नेपालको अभिलेखिकरणका आधारमा गएको छ महिना (मार्च देखि अगष्ट) मा पाँच सय ९२ जना हिंसा प्रभावितहरूमध्ये एक सय २२ जना १८ बर्ष मुनिका बालिकाहरू विभिन्न किसिमका हिंंसाबाट प्रभावित भएको पाईएको छ ।

हिंसा प्रभावित बालिकाहरू मध्ये ६४ प्रतिशत यौन हिंसाबाट प्रभावित छन् भने, १७ प्रतिशत मानसिक हिंसा, १३ प्रतिशत शारीरिक हिंसा, २ प्रतिशत हत्या, २ प्रतिशत बालविवाह, १ प्रतिशत बेपत्ता पारिएको र १ प्रतिशतको एसिड आक्रमणको कारणले हिंसा भएको पाइएको छ ।

घटनामा संलग्न पीडकहरूमध्ये ५३ प्रतिशत छिमेकी, १३ प्रतिशत परिवारका सदस्य र १८ प्रतिशत अपरिचित व्यक्तिहरू रहेका छन् । यसले के देखाउँछ भने बालिकाहरू घर भित्र होस् या बाहिर जुन सुकै ठाउँमा पनि असुरक्षित छन् ।

यसै गरी सेप्टेम्बर महिनामा मात्रै अभिलेखीकरण भएका जम्मा ७८ वटा महिला हिंसाका घटनाहरू मध्ये ३४ महिलाहरू शारीरिक हिंसा, ९ जना महिलाहरू बहुविवाह र ४ धम्कीको कारणले मानसिक हिंसा सहन बाध्य भएका छन् ।

यसैगरी १७ जनामाथि बलात्कार र ३ जनामाथि बलात्कारको प्रयास भएको छ । यस्तै ३ महिलालाई यौन दुव्र्यवहार भएको घटना दर्ता भएको छ । यसै सेप्टेम्बरमा मात्रै ४ महिलाहरूको हत्या भएको छ भने २ जनामाथि बेचविखनको प्रयास र २ जनालाई बोक्सीको आरोप तथा दाइजोको कारणले माहिलाहरूमाथि शारीरिक हिंसा भएको पाइएको छ ।

उच्च बालविवाह हुने देशहरूमध्ये एशिया मै नेपाल तेस्रो स्थानमा रहेको छ । नेपालमा ३७ प्रतिशत बालिकाहरूको १८ वर्ष मुनिको उमेरमा विवाह हुने गरेको छ भने १० प्रतिशत बालिकाहरूको १५ वर्ष मुनि विवाह हुने गरेको छ ।

महान्याधीवक्ताको कार्यालयद्वारा प्रकाशित वार्षिक प्रतिवेदन २०७१ का अनुसार मानव बेचिबिखनबाट प्रभावितहरूमध्ये २४ प्रतिशत १६ वर्ष मुनिका, ४१ प्रतिशत ६ देखि १८ वर्ष उमेर समुहका र २४ प्रतिशत १८ वर्ष माथिका रहेका छन् ।

    Comment Here!

Related NEWS
मुख्य खबर

इन्सेक भन्छः राज्य पक्षबाटै ८६ महिला पीडित

–महिला खबर– काठमाडौं । पूर्व प्रधान न्यायाधीश सुशीला कार्कीले पछिल्लो समय बलात्कारका घटनामा मिलापत्र हुने गरेको

बलात्कारको घटना मिलापत्र गर्नेलाई के हुन्छ कारवाही ?

–महिला खबर– ललितपुर । बालिका बलात्कारको घटना मिलाउन खोज्ने वडा अध्यक्षलाई बलात्कारको मतियारको रुपमा मुद्दा चलाउन

प्रदेशसभाः महिलालाई ‘उप’ मै सिमित

–महिला खबर– सभामुख वा उपसभामुख मध्ये एक पदमा अनिवार्य महिला राख्नु पर्ने संवैधानिक व्यवस्था यदि नभएको

आफ्नै साथीलाई बलात्कार गर्ने तीन आरोपी पक्राउ

पीडित किशोरीका आफन्तले दाबी गरेअनुसार उनीहरूले बलात्कार पछि हत्याको प्रयास गरे । यद्यपि ती मध्ये

संरक्षणमा रहेकी चेलीको विवाह

–महिला खबर– सिपमूलक व्यवसाय पश्चात व्यवसाय संचालन गरिरहेकी चेली शिलाको विवाहका केटा पक्षसँग चेली नेपालले अभिभावकका

Read more
ताजा अपडेट
© 2015.All rights reserved by mahilakhabar.com
%d bloggers like this: