योगेश भट्टराईको प्रतिवद्धताः हरेक विद्यालयमा एक वर्षभित्र महिला शौचालय

-महिला खबर- ताप्लेजुङ । प्रत्येक विद्यालयमा महिला शौचालय निर्माणका लागि आफ्नो पार्टीका कार्यकर्तालाई परिचालन गरिने

ताजा समाचार
  • डाक्टरको लापरवाहीले सुत्केरीको मृत्यु भएको भन्दै यसरी उर्लिए जनता
  • गच्छेदारले मतगणनामा धाँधली गरेको भन्दै भगवतीले भनिन्, ‘कानुनी न्याय खोज्छु’
  • नुवाकोटबाट प्रदेशसभामा राधिका तामाङ विजयी
  • भिडिओबाट जीवन बचाउनेहरु
  • उपप्रधान एवम् शिक्षा मन्त्रीलाई हराउँदै पद्मा विजयी
  • यौन दुर्व्यवहारको आरोप अस्वीकार
  • योगेश भट्टराईको प्रतिवद्धताः हरेक विद्यालयमा एक वर्षभित्र महिला शौचालय
  • हेलिकोप्टरबाट उद्दार गरिएकी सुत्केरीको मृत्यु
  • मानसिकताको छाउ गोठ हट्नुपर्नेमा जोड
  • यी हुन्, ‘मर्द’ हराउने हिम्मतदार महिला
  • नर्समाथि सेवाको बदला शोषण
  • बलात्कारका घटनामा आफन्तकै संलग्नता
  • प्रदेश सातमा दुई महिला निर्वाचित, उम्मेदवारी क–कसको थियो ? (हेर्नुहोस् नामसहित)
  • स्याङ्जा २ मा पद्मा कुमारी अर्यालको अग्रता
  • सुत्केरीको हेलिकोप्टरबाट उद्धार

    महिला मतदाताको अवस्था

    प्रकाशित मिति :2017-11-27 11:38:56

    -गौरी तमु-

     मंसिरको कान्तिपुर दैनिकमा बझाङबाट वसन्तप्रताप सिंहको ‘आफैं भोट हाल्न पाउँदैनन् महिला’ समाचारमा आँखा पर्‍यो । समाचारमा लेखिएको थियो, ‘जयपृथ्वी नगरपालिका–१ कैलाशकी सिद्धादेवी सिंहलाई सामान्य लेखपढ गर्न आउँछ, उनले कक्षा ६ सम्म अध्ययन पनि गरेकी छन् । उनी मोबाइल चलाउँछिन्, मतपत्रमा लेखिएको अक्षर पनि पढ्न सक्छिन् । चिह्न छुट्याउन सक्छिन्, तर विडम्बना उनले आफ्नै हातले अहिलेसम्म मतपत्रमा छाप भने लगाउन पाएकी छैनन् । हुम्लाको साविक लाली गाविसबाट २०५३ मा विवाह गरी बझाङ आएकी सिद्धाले अहिलेसम्म भएको ५ वटा चुनावमा आफै मतदान गर्न पाइनन् । भोट हाल्न घरमै बोलाउन आउँछन्, लाइन लगाउँछन्, अनि जब भोट हाल्ने बेला हुन्छ, तपाई बिगार्नु हुन्छ, हामी हालिदिन्छौं भनेर मतपत्र खोस्छन् । गाउँकै जान्ने–सुन्नेले त्यसो भनेपछि कसरी नाइँ भन्नु ? उनीहरूले मत हाल्छन्, हामी नङमा रङमात्रै लगाएर फर्किन्छौं । उनले आफूमात्रै होइन, गाउँका अधिकांश महिलाको मत दलका एजेन्ट, कार्यकर्ता, आफन्त र छिमेकीहरूले हालिदिने गरेको सुनाइन् ।’ यो समाचार पढ्दै गर्दा दुई वर्ष र केही महिना अघिका दुइटा प्रसङ्ग फ्ल्यासब्याक बनेर आए ।

     दुई वर्षअघि फागुनमा म मधेसतिर आफन्तको विवाहमा गएकी थिएँ । संयोगले त्यो वर्ष त्यस गाउँमा मंसिरदेखि फागुनसम्म ३ जना नयाँ बुहारी भित्रिएका रहेछन् । विवाहकै माहोलबीच कुराकानीकै सन्दर्भमा केही बुहारी गर्भवती भएको प्रसङ्गलाई जोड्दै एकजनाले भने, ‘अब दुई/तीन वर्षभित्र यो गाउँको बोर्डिङको व्यवसाय राम्रै हुने भयो ।’ अर्कोले थप्यो, ‘बोर्डिङ मात्रै होइन, फलानो पार्टीमा पनि ३ जना भोटर बढे ।’ त्यतिबेला ती कुरालाई मैले सामान्य रूपमा नै लिएँ, किनकि त्यतिबेला चुनावी माहोल थिएन । त्यसपछिको अर्को घटना हो, सँगै पढेकी र अहिले शिक्षण पेसामा आबद्ध तनहुँ जिल्लाकी साथीले केही महिनाअघि फेसबुक च्याटमा भन्दै थिइन्, ‘के गर्ने साथी, जति पढेलेखे पनि हामी महिलाको त राजनीतिक आस्था कतापट्टि हो ? के हो भन्ने निश्चित नहुने रहेछ । विवाहपूर्व माइतीमा बाबा र दाइहरूले जुन पार्टीमा भने त्यही पार्टीलाई भोट हालियो । विवाहपछि अहिले घरतिरबाटै भोट दिनुपर्ने भएकाले उहाँ (श्रीमान) सँगै गाउँमा नाम दर्ता गर्न पो आएकी छु ।’
    विवाहपूर्व र विवाहपश्चात ठ्याक्कै विपरीत आस्थाको राजनीतिक परिवारमा होमिएकी उनलाई मैले सोधेंँ, ‘त्यसोभए तिमीले अबको भोट कुन पार्टीलाई दिने त ?’ उनले भनिन्, ‘यता घरपट्टि नजिकैका आफन्त पनि उम्मेदवार छन्, तर उनी मेरो आस्था विपरीतको पार्टीका मान्छे हुन् । उहाँले (श्रीमान) पनि बेलाबेला अब त तिमीले यही पार्टीलाई भोट दिने हो, केही आर्थिक सहयोग पनि गर्नुपर्छ भन्नुहुन्छ । बारम्बार यहीँ कुरा सम्झाउँदा एकदिन मैले रिसाएर मेरो इच्छा हो, जता दिए पनि दिन्छु भन्दा झन्डै घरझगडा नै परेको । त्यसैले अब जता दिए पनि मेरो आस्थाको पार्टीलाई भोट हाल्छु । तर बाहिर खुलेर यो पार्टीलाई भोट दिएँ चाहिँ भन्दिन । किनकि म घरमा झगडा र अशान्ति चाहन्न ।’

    यहाँ माथि उल्लेखित दुवै प्रसङ्गलाई सम्झिरहँदा नेपालमा दुई प्रकारका त्यस्ता लाखौं सिद्धादेवीहरू छन् । एकथरी सिद्धादेवीहरू जो निरक्षर छन्, केही बुझ्दैनन्, पति, पिता र छोराले जहाँ भन्यो, जसलाई भन्यो त्यहीँ भोट हाल्छन् । अर्काथरी सिद्धादेवीहरू जो साक्षर छन्, सबै बुझ्छन्, तर घरमा शान्ति होस्, झगडा नहोस् भनेर खुलेर आफ्नो आस्थाको पार्टीमा भोट हालेको बताउन चाहँदैनन् । पछिल्लो समय स्थानीय तहको निर्वाचन नजिकिँदै गर्दा पार्टी एकीकरणदेखि कार्यकर्ताद्वारा पुरानो पार्टी त्याग र नयाँ पार्टी प्रवेशको जुन लहर चल्यो, यसमा अधिकांश पुरुष कार्यकर्ताको सहभागिताले पनि यो पुष्टि गर्छ कि नेपालमा धेरै महिलाले आफ्नै निर्णयको पार्टी र आस्था भएको पार्टी होइन, उहिलेदेखि आजसम्म पिता, पतिदेखि नातिसम्मको पार्टीलाई ल्याप्चे लाए र लाइरहेका छन् । जुन निकै सोचनीय र गम्भीर विषय हो । यद्यपिीइतिहासलाई फर्केर हेर्ने हो भने नालापानीको लडाइँदेखि प्रजातन्त्र प्राप्ति र २०६३ को दोस्रो जनआन्दोलनमा भएको महिलाको सक्रियता र १९७४ देखिको योगमाया न्यौपाने र २०१५ सालदेखिको द्धारिकादेवी ठकुरानीजस्ता महिलाको योगदानलाई नकार्न सकिँदैन । त्यो समयदेखि यो समयसम्म आइपुग्दा नेपाली महिलाले धेरै अधिकार पाएका छन्, महिलाहरू पनि पुरुषसरह हरेक क्षेत्रमा अगाडि आइरहेका छन् । देशमा राष्ट्रपतिदेखि सभामुख र प्रधानन्यायाधीशजस्ता उच्च ओहदामा महिलाले जिम्मेवारीपूर्वक भूमिका निर्वाह गरिसकेका छन् । तर बाहिरी रूपमा जसरी जुन सुन्दर आवरण महिलाका पक्षमा देखिन्छन्, अझै पनि महिला मतदाताको भित्री वास्तविकता र पीडा अर्कै छ ।

    साँच्चै नेपालका महिलाहरूले आफैले छानेको पार्टी र उम्मेदवारलाई विना रोकटोक, खुलस्त रूपमा भोट हाल्न पाउने समय कहिले आउला ? के महिलाहरूले बुथमा गएर छाप लगाएका सबै भोट उनकै स्वेच्छाको भोट हो त ? प्रश्न गम्भीर छ । यद्यपि निर्वाचनमा महिलाहरूले आफूलाई एक कदम अगाडि उभ्याउने सुनौलो समय आएको छ । विवेकपूर्ण र स्वच्छ किसिमले आफूलाई मनपरेको उम्मेदवारलाई भोट हाल्न पाउनु सम्पूर्ण महिला मतदाताको दायित्व र अधिकार हो ।

    साभार : कान्तिपुर दैनिक

      Comment Here!

    Related NEWS
    मुख्य खबर

    डाक्टरको लापरवाहीले सुत्केरीको मृत्यु भएको भन्दै यसरी उर्लिए जनता

    - महिला खबर - कालिकोट । खाँडाचक्र नगरपालिका–१ की चन्द्रा शाहीको डाक्टरहरूको लापरवाहीका कारणले मृत्यु भएको

    गच्छेदारले मतगणनामा धाँधली गरेको भन्दै भगवतीले भनिन्, ‘कानुनी न्याय खोज्छु’

    -महिला खबर- प्रतिनिधिसभा सदस्य उम्मेदवार भगवती चौधरीले नेपाली कांग्रेसका नेता विजयकुमार गच्छेदारले धाँधली गरेर निर्वाचन जितेको

    नुवाकोटबाट प्रदेशसभामा राधिका तामाङ विजयी

    –महिला खबर– काठमाडौं । नुवाकोटको प्रदेशसभा क्षेत्र नं. १ को प्रदेश क मा राधिका तामाङ

    उपप्रधान एवम् शिक्षा मन्त्रीलाई हराउँदै पद्मा विजयी

    -महिला खबर - काठमाडौं । स्याङ्जा क्षेत्र नं २ बाट प्रतिनिधिसभा तर्फ वाम गठबन्धनबाट नेकपा एमालेकी

    योगेश भट्टराईको प्रतिवद्धताः हरेक विद्यालयमा एक वर्षभित्र महिला शौचालय

    -महिला खबर- ताप्लेजुङ । प्रत्येक विद्यालयमा महिला शौचालय निर्माणका लागि आफ्नो पार्टीका कार्यकर्तालाई परिचालन गरिने

    Read more
    ताजा अपडेट
    %d bloggers like this: