सिंहदरबारभित्रः जागिरसंगै सन्तानको स्याहार पनि

प्रकाशित मिति :2017-11-29 15:36:32

-महिला खबर-

काठमाडौं । सिंहदरबार परिसरभित्र निजामती कर्मचारीका शिशुहरुका लागि संचालित ‘दिवा शिशु स्याहार केन्द्र’ प्रभावकारी बन्दै गइरहेको छ ।

महिला, बालबालिका तथा समाज कल्याण मन्त्रालयको आर्थिक सहयोग र नेपाल निजामति कर्मचारी श्रीमती संघको व्यवस्थापनमा २०६८ सालदेखि सिंहदरबार परिसरमा दिवा शिशु स्याहार केन्द्र संचालन हुँदै आएको हो ।

केन्द्र सञ्चालनपछि जागिरे आमाहरुले आफ्ना सन्तानलाई समयसमयमा हेरचाह र स्तनपान समेत गराउन पाएका छन् ।

साना सन्तानलाई घरमै छाडेर कार्यालयमा काम गर्न जाने महिला कर्मचारीले नियमित स्तनपान गराउन प्राय सम्भव छैन । जागिरे आमाहरु बच्चालाई घरमै छाड्दा मानसिक तनाव पनि हुन्छ । यस्ता समस्या सामाधानका लागि सरकारले परिसरभित्रै यो व्यवस्था ल्याएपछि आमा र शिशु दुवैलाई फाइदा पुगेको छ ।

दिवा शिशु केन्द्रमा ३ महिना देखि ३ वर्षसम्मका शिशुलाई भर्ना गरिन्छ । जहाँ भर्ना हुनका लागि मासिक शुल्क तिर्नुपर्ने महिला बालबालिका तथा समाज कल्याण मन्त्रालयका सुचना अधिकारी डोरेन्द्र निरौलाले जानकारी दिए ।

उनका अनुसार यहाँ एक सय जना शिशु राख्न मिल्ने व्यवस्था छ । हालसम्म २५० शिशुहरुलाई यो सेवा दिइसकेको छ । ‘दिवा शिशु स्याहार केन्द्र’ अहिले अझ बढी प्रभावकारी हुँदै गएको छ । ‘यहाँ कर्मचारी महिलाहरु बढी हुनुहुन्छ । नयाँ भर्नामा अझ बढी नयाँ शिशु भर्नाका लागि निवेदन परेका छन्’– निरौलाले भने ।

‘सिहंदरबार परिसरभित्र निजामती कर्मचारीका शिशुहरुको लागि सञ्चालित दिवा शिशु स्याहार केन्द्र सञ्चालित कार्यविधि २०७१’ मार्फत सञ्चालमा रहेको पनि निरौलाले जानकारी दिए ।

यस दिवा केन्द्रमा शिशुहरुको हेरचाह र रेखदेख गरिन्छ । यहाँ शिक्षक महिला, आया, भान्सा सहयोगी लगायतका कर्मचारीहरुले बालबालिकाहरुको हेरचाह गर्ने गर्दछन् ।

दिवा केन्द्रभित्र शिशुहरुलाई बाल चिकित्सक र मनोचिकित्सले पनि समय–समयमा बालबालिकाहरुको स्वास्थ्य जाँच गर्ने गर्दछन् ।

हाल नेपालभरी १८ प्रतिशत निजामती कर्मचारी महिला छन् । सिंहदरबारमा शिशु स्याहार केन्द्रले धेरै जागिरे आमाहरुको समस्या सामाधान गरेको छ । तर नेपालमा सरकारी तथा गैरसरकारी कार्यालयमा काम गर्न जागिरे आमाहरुको समस्या भने अझै समाधान हुन सकेको छैन ।

सिंहदरबार बाहेकका ठाउँहरुमा सरकारले यस्तो सुविधाको व्यवस्था गर्न सकेको छैन ।

जागिरे आमाहरुले कार्यालयहरुमा ‘डे केयर सेन्टर’ स्थापना गर्न, बच्चा हेर्न स्याहारेकोे व्यवस्था गर्न, सेन्टरमा गएर दूध चुसाउँदै कार्यालयको काम गर्न पाउने सुविधा उपलब्ध गराइनुपर्ने आवाज उठाउदै आएका छन् ।

३ महिने सुत्केरी बिदापछि सन्तानलाई घरमै छाडेर अफिस जानुपर्ने वा जागिर नै छाड्नुपर्ने अझै धेरै जागिरे आमाहरुको समस्या छ ।

प्रसूती तथा स्त्रीरोग विशेषज्ञ डा.मधु श्रेष्ठका अनुसार शिशुलाई जन्मेको ६ महिना भन्दा बढी नियमित आमाको दुध चुसाउनुपर्ने हुन्छ । छ महिनासम्म दुई÷दुई घण्टाको फरकमा आमाले शिशुलाई दुध खुवाउनुपर्ने उनी बताउँछिन् ।

    Comment Here!

Related NEWS
मुख्य खबर

बालअधिकार हननका घटना बढ्दै, बालिका बढी पीडित

–सन्दिप विक– नेपालले बालअधिकार सम्बन्धी महासन्धि र यसका दुईवटा ऐच्छिक सन्धि पत्रहरूमा निशर्त अनुमोदन गरेर बालअधिकार

विद्यालयमा छात्रामाथि कस्तो दुव्र्यवहार हुन्छ ?

–महिला खबर– शिक्षा विभागले बनाएको कार्यविधि अनुसार प्रत्येक विद्यालयले गुनासो सुन्ने अधिकारी तोक्नुपर्ने, उजुरी पेटिका राख्नुपर्ने

नवलपरासीका छोरीहरुलाई यसरी ढाडस दिइन्, रेखा थापाले (भिडियोसहित)

–सीता शर्मा– ‘तपाइहरु आफ्नो नामबाट बाच्नुस् । आफ्नो पहिचानका साथ बाच्नुस्’ कार्यक्रममा सहभागी किशोरीहरुलाई ढाडस दिदै

बालिका बलात्कार गरि हत्या गर्नेलाई जन्म कैद

–महिला खबर– ललितपुर । बालिकालाई बलात्कार गरि हत्या गर्ने दुई जनालाई जिल्ला अदालत बैतडीले जन्मकैदको

जवरजस्ती विवाह गर्न खोज्ने युवा तीन वर्ष पछि पक्राउ

–महिला खबर– अपहरण तथा शरीर बन्धक घटनामा संलग्न खत्री निर्दोष रहेको र मुद्दा दर्ता गराउन नहुने

Read more
ताजा अपडेट
© 2015.All rights reserved by mahilakhabar.com
%d bloggers like this: