चिसोले महिला बिरामी बढे, कसरी बच्ने चिसोबाट ?

प्रकाशित मिति :2017-12-01 10:51:57

-सर्मिला बुढाथोकी-

दोलखा । भीमेश्वर नगरपालिका वडा नम्बर ३ तार्थलीकी सरिता थापा केहि दिनदेखि रुघा, खोकीको कारण बिरामी  परेकी छन् । चरिकोट अस्पतालमा उपचारको लागि पुगेकी सरिताले जस्ताको छाना भएको टहरामा बिहानी पख सित पर्ने भएकोले बिरामी परेको बताइन् ।

भुकम्पपछि टहरामै बस्दै आएकी सरिता हरेक बर्ष चिसो मौसममा समस्या हुने बताउँछिन् । ‘स्थायी आवास बनाउन आर्थिक समस्या छ’ सरिताले भनिन्, ‘टहरामा बस्नु परेकोले हरेक बर्ष चिसो मौसममा विरामी परिन्छ ।

भुकम्पपछि दोलखामा अहिले पनि धेरै मानिस टहरामै बस्ने भएकोले चिसो मौसम सुरु भएपछि रुघा, खोकी, जरो, दम र निमोनियाका बिरामी बढ्ने गरेको स्वास्थ्यकर्मीहरूको भनाई छ । त्यस्ता बिरामीहरूमा महिलाको संख्या बढी रहेको प्रस्तावित चरिकोट अस्पतालका डाक्टर अनमोल श्रेष्ठले बताए । त्यसपछि जेष्ठ नागरिक र बालबालिका यस्तो समस्याबाट पीडित हुने गरेको डाक्टर श्रेष्ठको भनाई छ ।

सदरमुकाम चरिकोटको प्राथमीक स्वास्थ्य केन्द्र (प्रस्तावित चरिकोट अस्पताल) मा कार्तिक महिनामा उपचारको लागि आएका बिरामीहरूमा दमका २२ जना थिए । जसमा १४ जना महिला रहेको अस्पतालका सिनियर अहेव एवं सूचना अधिकृत शान्तिप्रसाद न्यौपानेले बताए ।

त्यसैगरी उपचारको लागि आएका रुघा, खोकीका १ सय ५० जना विरामीमा ७७ जना महिला रहेको न्यौपानेले बताए । चिसोकै कारण कार्तिक महिनामा निमोनियाका ७ जना विरामी आएको र त्यसमा ३ जना महिला रहेको अस्पतालले जनाएको छ ।

प्रस्तावित चरिकोट अस्पतालमा आर्थिक बर्ष ०७४/०७५ को कार्तिक महिनासम्म दमका १ सय २४ जना बिरामी उपचारको लागि आएकोमा ७४ जना महिला रहेको सुचना अधिकृत न्यौपानेले बताए । निमोनियाका ५४ जना विरामीमा महिला २६ जना रहेका छन् । रुघा, खाकीका ८ सय १३ जना बिरामी उपचारको लागि आएकोमा ३ सय ९७ जना महिला रहेको न्यौपानेले बताए ।

अस्पतालमा केहि दिनदेखि उपचार गराई रहेका दोलखा मेलुङ गाँउपालिकाको भेड्पु निवासी दमका विरामी ८० बर्षिय तुलानारायण श्रेष्ठले भुकम्प पछि जस्ताको टहरामा बस्दै आएको र चिसोकै कारण दुई बर्ष देखि दमको समस्याबाट पीडित भएको गुनासो सुनाए । ‘घर बनाउन पैसा छैन, टहरामा बस्दा चिसो मौसममा दमले उठ्न बस्नै नसक्ने बनाउँछ’ दृष्टिविहिन समेत रहेका जेष्ठ नागरिक तुलानारायणले बताए ।

प्रस्तावित चरिकोट अस्पतालका डाक्टर अनमोल श्रेष्ठ अस्पतालमा दैनिक १५/२० जना दम, रुघा, खोकी जस्ता चिसोका कारण हुने रोगबाट पीडित विरामी आउने गरेको र त्यसमा महिला तथा जेष्ठ नागरिकनै बढी हुने बताउछन् ।

महिलाले घरमा बढी पानी प्रयोग हुने काम गर्ने भएकोले पनि चिसो मौसममा दम, रुघा, खोकी जस्ता रोगबाट उनीहरू बढी प्रभावित हुने डाक्टर श्रेष्ठ बताउँछन् ।

भुकम्पपछि जिल्लाका धेरै परिवार टहरामै भएकोले पनि यस्तो समस्या भएका विरामी धेरै हुने गरेको श्रेष्ठको भनाई छ । चिसो मौसममा जेष्ठ नागरिक, महिला, बालबालिका लगाएत सबैले तातो पानी पिउने, झोलिलो कुरा धेरै खाने, चिसो नलाग्ने गरी कपडा लगाउने जस्ता सर्तकता अपनाउन सके चिसोबाट बच्न सकिने डाक्टर श्रेष्ठ बताउछन् ।

जिल्ला स्वास्थ्य कार्यालय दोलखामा रहेको तथ्याङ्क अनुसार आर्थिक बर्ष ०७४/०७५ को असोजसम्म जिल्लामा दमका ४ सय ४२, निमोनियाका ५७ र रुघा खोकीका ६ सय ७२ जना विरामीले उपचार गराएका छन् । त्यसरी उपचारमा आउने विरामीहरूमा महिला तथा जेष्ठ नागरिक धेरै रहेको जिल्ला स्वास्थ्य कार्यालय दोलखाका तथ्याङ्क शाखाका भोजराज जोशीले बताए ।

    Comment Here!

Related NEWS
मुख्य खबर

बालअधिकार हननका घटना बढ्दै, बालिका बढी पीडित

–सन्दिप विक– नेपालले बालअधिकार सम्बन्धी महासन्धि र यसका दुईवटा ऐच्छिक सन्धि पत्रहरूमा निशर्त अनुमोदन गरेर बालअधिकार

विद्यालयमा छात्रामाथि कस्तो दुव्र्यवहार हुन्छ ?

–महिला खबर– शिक्षा विभागले बनाएको कार्यविधि अनुसार प्रत्येक विद्यालयले गुनासो सुन्ने अधिकारी तोक्नुपर्ने, उजुरी पेटिका राख्नुपर्ने

नवलपरासीका छोरीहरुलाई यसरी ढाडस दिइन्, रेखा थापाले (भिडियोसहित)

–सीता शर्मा– ‘तपाइहरु आफ्नो नामबाट बाच्नुस् । आफ्नो पहिचानका साथ बाच्नुस्’ कार्यक्रममा सहभागी किशोरीहरुलाई ढाडस दिदै

बालिका बलात्कार गरि हत्या गर्नेलाई जन्म कैद

–महिला खबर– ललितपुर । बालिकालाई बलात्कार गरि हत्या गर्ने दुई जनालाई जिल्ला अदालत बैतडीले जन्मकैदको

जवरजस्ती विवाह गर्न खोज्ने युवा तीन वर्ष पछि पक्राउ

–महिला खबर– अपहरण तथा शरीर बन्धक घटनामा संलग्न खत्री निर्दोष रहेको र मुद्दा दर्ता गराउन नहुने

Read more
ताजा अपडेट
© 2015.All rights reserved by mahilakhabar.com
%d bloggers like this: