किशोरी पढाउँदै किशोरी

प्रकाशित मिति :2017-12-01 11:47:25

-विदुर आचार्य-

सिन्धुपाल्चोक । हेलम्वु­ ६ की प्रमिला तामाङ हरेक हप्ताको दुई दिन गाउँभरीका किशोरी भएको घरमा पुग्छिन् । कक्षा ९ मा अध्ययनरत किशोरी प्रमिला साथी भेट्न मात्र सबै किशोरीको घरमा पुगेकी होईनन् । उनी गाउँभरीका किशोरीहरूलाई महिला हिंसा, बालविवाह र सुरक्षित वैदेशिक रोजगारी बारे जानकारी दिदै सचेत बनाउने अभियानमा लागेकी छिन् ।

प्रमिला जस्तै सोही ठाउँकी माया तामाङको पनि वार्षिक योजना नै छ । साविकको गाउँ विकास समितिको सबै घरमा किशोरी तथा महिलाको अवस्था बारे जानकारी राख्ने । प्रमिलासँगै कक्षा ९ मै पढिरहेकी माया पनि गाउँभरीका किशोरीलाई सचेतना बाड्ने काममा लागेकी छन् ।

प्रमिला र माया मात्र होईन इचोकका १६ जना किशोरीहरूले किशोरी समूह नै बनाएर अभियान सुरु गरेका हुन् । अहिले उनीहरूको समूह सशक्त छ ।

गाउँका सबै टोल समेटिने गरी समूह सदस्य छन् । ‘टोल टोलमा हुने समस्या टिपेर समूहमा छलफल गरी समाधानमा लाग्ने गरेका छौ’ समूहकी सदस्य मिङमार तामाङले भनिन् । ‘हाम्रो गाउँमा धेरै चेलीबेटी बेचिन्छन् भन्ने गरिन्छ तर अहिले पहिले जस्तो छैन,’ समूहकी अर्की सदस्य गंगा तामाङ भन्छिन्, ‘भूकम्पपछि बसाई सर्ने र विदेश जाने दिदी, दाइहरू धेरै भए, विदेश जाँदा धेरै कुरामा ध्यान पु¥याउन हामीले सिकायांै । अब हामी हाम्रो गाउँलाई नमूना बनाउनेछौ ।’ उनले विपद्मा अपनाउनुपर्ने सजगता, सुरक्षित वैदेशिक रोजगारी, बालविवाह, बेचबिखन, महिला हिंसा र बसाईसराई बारे गाउँमा जानकारी दिने गरेको बताइन् ।

किशोरीहरूको अभियानले गाउँमा धेरै परिवर्तन आएको स्थानीय नारायण आधारभूत विद्यालयका प्रध्यानाध्यापक पुर्णवहादुर पण्डितले बताए । ‘केही वर्ष अघिसम्म पाँच कक्षा पढ्ने बालिकाहरू विदेश पुगिसक्थे तर अहिले त्यो क्रम धेरै रोकिएको छ ।’ प्रअ पण्डितले भने, ‘कलिलै उमेरमा विदेश जानबाट रोक्न, घरेलु हिंसा रोक्न, बालविवाह र अन्य कुरीति बिरुद्ध लाग्न किशोरीहरू आफै लागेका छन् र उनीहरूले आ–आफ्नो घर हुँदै टोलटोलमा अभियान चलाएका छन् ।’ कुनैपनि टोलमा वा घरमा त्यस्ता घटना भएमा किशोरी समूह पुगेर रोकेका अनेकन घटना भएको उनले जानकारी दिए ।

छोरीको अभियानमा आमाहरू पनि

आफ्ना छोरीहरूले गाउँमा गरेको राम्रो कामको प्रभाव परेपछि हरेक टोलका आमा समूह पनि सक्रिय भएका छन् । अभियान चलाएका किशोरीका आमासँगै विदेशबाट फर्किएका महिला र अरु महिलाहरू पनि अभियान सफल पार्न सामुहिक रुपमा अघि बढेका छन् ।

किशोरी समूह जस्तै आमाहरू पनि आफ्नो ठाउँको समस्या पहिचान गरी समाधान गर्न नियमित बैठक बस्ने, सचेतना दिदै गाउँभरी जाने र समस्या भएको ठाउँमा पुगेर समस्या समाधान गर्ने गरेको तान्कु तामाङले बताइन् ।

‘इचोक जिल्लाको विकट क्षेत्र हो । चेलीबेटी बेचबिखनको सुरुवाती क्षेत्र समेत हो । यहाँ अनगिन्ति समस्या छन् । त्यसैले हामीले गाउँका किशोरीहरूको अभियानमा भरपुर सहयोगको प्रयत्न गरेका छौँ भन्छिन्, महिला आत्मनिर्भरता केन्द्रकी सहजकर्ता तारा पण्डित ।

समूहलाई आर्थिक, प्रविधिक सहयोग गरी सशक्त बनाउँन सहयोग गर्दै आएको महिला आत्मनिर्भरता केन्द्रका कार्यक्रम संयोजक राजन दुलाल बताउँछन् ।

    Comment Here!

Related NEWS
मुख्य खबर

बालअधिकार हननका घटना बढ्दै, बालिका बढी पीडित

–सन्दिप विक– नेपालले बालअधिकार सम्बन्धी महासन्धि र यसका दुईवटा ऐच्छिक सन्धि पत्रहरूमा निशर्त अनुमोदन गरेर बालअधिकार

विद्यालयमा छात्रामाथि कस्तो दुव्र्यवहार हुन्छ ?

–महिला खबर– शिक्षा विभागले बनाएको कार्यविधि अनुसार प्रत्येक विद्यालयले गुनासो सुन्ने अधिकारी तोक्नुपर्ने, उजुरी पेटिका राख्नुपर्ने

नवलपरासीका छोरीहरुलाई यसरी ढाडस दिइन्, रेखा थापाले (भिडियोसहित)

–सीता शर्मा– ‘तपाइहरु आफ्नो नामबाट बाच्नुस् । आफ्नो पहिचानका साथ बाच्नुस्’ कार्यक्रममा सहभागी किशोरीहरुलाई ढाडस दिदै

बालिका बलात्कार गरि हत्या गर्नेलाई जन्म कैद

–महिला खबर– ललितपुर । बालिकालाई बलात्कार गरि हत्या गर्ने दुई जनालाई जिल्ला अदालत बैतडीले जन्मकैदको

जवरजस्ती विवाह गर्न खोज्ने युवा तीन वर्ष पछि पक्राउ

–महिला खबर– अपहरण तथा शरीर बन्धक घटनामा संलग्न खत्री निर्दोष रहेको र मुद्दा दर्ता गराउन नहुने

Read more
ताजा अपडेट
© 2015.All rights reserved by mahilakhabar.com
%d bloggers like this: