मानव अधिकार राष्ट्रिय महाभेला मंसिर २३ गतेदेखि

प्रकाशित मिति :2017-12-06 12:03:25

-महिला खबर-

काठमाडौं । नवौं मानव अधिकार राष्ट्रिय महाभेला २०७४ यहि मंसिर २३ गतेदेखि सुरु हुने भएको छ ।

काठमाडौंमा मंगलबार पत्रकार सम्मेलनको आयोजना गरी ६९ औं अन्तर्राष्ट्रिय मानव अधिकार दिवसका अवसरमा महाभेलाको आयोजना गर्न लागिएको जानकारी दिइएको हो ।

डिल्लीबजारको नेपाल सांस्कृतिक संघमा हुने महाभेला २३ गतेदेखि २५ गतेसम्म चल्नेछ ।

महाभेलाको नारा ‘हाम्रो अधिकार, हाम्रो स्वतन्त्रताः सधैँका लागि’ भन्ने अन्तर्राष्ट्रिय नारा तथा ‘समृद्धि र विकासको आधारः युवा र महिलालाई समान अवसर’ भन्ने तय गरिएको छ । महाभेलाको राष्ट्रपति विद्यादेवी भण्डारीले उद्घाटन गर्ने कार्यक्रम रहेको छ ।

महाभेला आयोजक समितिका राष्ट्रिय संयोजक लिली थापाले तीन दिने महाभेलामा महिला र युवसंग जोडिएका विषयमा सरोकारवाला पक्षसँग गहन छलफल गरेर निकालिने निचोड सरकारलाई दिइने बताइन् । उनले मानव अधिकार संरक्षणका लागि राज्यको गंभिर ध्यानाकर्षण गराउन यस्ता सम्मेलन फलदायी हुने विश्वास पनि व्यक्त गरिन् ।

कार्यक्रममा गैरसरकारी संस्था महासंघ नेपालका अध्यक्ष गोपाल लम्सालले, संविधानले व्यवस्था गरेको मानव अधिकारसंग जोडिएका विषयलाई गाउंतहसम्म पु¥याउन महाभेला गर्नु परेको बताए ।

आठौँ मानव अधिकार राष्ट्रिय महाभेलाका संयोजक एवं अधिकारकर्मी सुनी लामाले देशमा परिवर्तन भएको राजनीतिक प्रणालीले समयसापेक्ष मानव अधिकारका क्षेत्रलाई सबै नागरिकको पहुँचमा पु¥याउन खोजे पनि केही प्राविधिक कारणले संविधानका यी प्रावधान प्रभावकारी कार्यान्वयन हुन नसकेकामा चिन्ता व्यक्त गरिन् ।

राष्ट्रिय मानव अधिकार आयोग र मानव अधिकार राष्ट्रिय महाभेला मूल आयोजक समितिले आठ वर्षदेखि संयुक्त रुपमा आयोजनामा गर्दै आएको महाभेला यस वर्ष न्याय र लोकतन्त्रका लागि समावेशी महिला सञ्जाल, संकल्प र युथ एडभोकेसी नेपालको संयोजकत्वमा हुन लागेको हो ।

भेलामा भूकम्पपछिको पुनर्निर्माण स्थलगत अध्ययन प्रतिवेदन, अपांगता भएका महिला माथि हुने हिंसा, दोलखा जिल्लामा स्थानीय तहमा निर्वाचित महिला नेताहरूको कार्य अनुभव, युवाहरूको लागि संयुक्त राष्ट्रसंघ सुरक्षा परिषदको प्रस्तावना २२५० कार्यान्वयन लगायतका विषयगत कार्यपत्र प्रस्तुत गरिनेछ ।

छलफलका आधारमा आएका निचोडलाई भेलाको अन्तिम दिन मानव अधिकार घोषणापत्र जारी गरी सरकारको गम्भीर ध्यानकर्षण गर्ने कार्यक्रम रहेको छ ।

    Comment Here!

Related NEWS
मुख्य खबर

बालअधिकार हननका घटना बढ्दै, बालिका बढी पीडित

–सन्दिप विक– नेपालले बालअधिकार सम्बन्धी महासन्धि र यसका दुईवटा ऐच्छिक सन्धि पत्रहरूमा निशर्त अनुमोदन गरेर बालअधिकार

विद्यालयमा छात्रामाथि कस्तो दुव्र्यवहार हुन्छ ?

–महिला खबर– शिक्षा विभागले बनाएको कार्यविधि अनुसार प्रत्येक विद्यालयले गुनासो सुन्ने अधिकारी तोक्नुपर्ने, उजुरी पेटिका राख्नुपर्ने

नवलपरासीका छोरीहरुलाई यसरी ढाडस दिइन्, रेखा थापाले (भिडियोसहित)

–सीता शर्मा– ‘तपाइहरु आफ्नो नामबाट बाच्नुस् । आफ्नो पहिचानका साथ बाच्नुस्’ कार्यक्रममा सहभागी किशोरीहरुलाई ढाडस दिदै

बालिका बलात्कार गरि हत्या गर्नेलाई जन्म कैद

–महिला खबर– ललितपुर । बालिकालाई बलात्कार गरि हत्या गर्ने दुई जनालाई जिल्ला अदालत बैतडीले जन्मकैदको

जवरजस्ती विवाह गर्न खोज्ने युवा तीन वर्ष पछि पक्राउ

–महिला खबर– अपहरण तथा शरीर बन्धक घटनामा संलग्न खत्री निर्दोष रहेको र मुद्दा दर्ता गराउन नहुने

Read more
ताजा अपडेट
© 2015.All rights reserved by mahilakhabar.com
%d bloggers like this: