नौ वर्ष ओढारमा बसेका आमाछोरीको उद्धार, भावुक बने छिमेकी, आँसु खसाइन् दयावतीले

प्रकाशित मिति :2017-12-06 12:45:31

-इन्दिरा भट्टराई-

विराटनगर । नौ बर्ष यता मोरङको कानेपोखरी ५ चिसाङ खोलाको पुल मुनी बसोवास गर्दै आएका आमाछोरीलाई उद्धार गरी विराटनगर ल्याइएको छ । महिला तथा वालवालिका कार्यालय मोरङ, ओरेक नेपाल, इन्सेक र सञ्चारकर्मीको सहकार्यमा उद्धार गरी सोमबार विराटनगर ल्याइएको हो ।

आफ्नो घर नभएका ६० बर्षीया कुस्मी उराव र ३० बर्षीया छोरी दयावतीलाई विराटनगरस्थित ओरेकको सेफ हाउसमा राखिएको छ । विभिन्न दाताहरूको सहयोगमा सोही गाउँमा घर बनाउने तयारी भइरहेकोले घर निर्माण पुरा नहुञ्जेल विराटनगरमा राखिने महिला तथा वालवालिका कार्यालय मोरङ प्रमुख दुर्गा बरालले जानकारी दिइन् ।

आमाछोरीलाई ओढारबाट सेफ हाउसतिर लगिदै ।

घर निर्माण नहुञ्जेलसम्मको लागि दुबैजनालाई खान, बस्न, लत्ताकपडाको व्यवस्था गर्ने ओरेक विराटनगर प्रमुख मौसम राइले बताइन् ।
आफ्नो घर नभएको उराव परिवार सुन्दरहरैचामा अर्काको जमिनमा बस्दै आएको थियो । तर दश बर्ष अधि श्रीमानको मृत्युपछी बेसहारा भएका आमाछोरीले ओतको रुपमा पुलमुनीको ओढार भेट्टाए । कुस्मी र अपाङगता भएकी (बोल्न नसक्ने) दयावतीको घर पुलमुनीको ओढार र पेसा सालको पात र निगुरो व्यापार भयो ।

दैनिक साथिहरूसँग जंगल जाने, पात र निगुरो टिपेर ल्याउने व्यापार गर्ने उनीहरूको दिनचर्या हो । त्यही आम्दानीबाट उनीहरूले छाक टार्दै आएका थिए । अपाङगता भएकी छोरीसँगै कष्टकर जीवन बिताउदै आएकी कुस्मीको घर(ओढार)मा नत घेरावार छ, नत पानी विजुली नै ।
पतिको मृत्युपछि धेरै समय मागेरै आफ्नो जीवन विताएका उनीहरू त्यहा आएपछि भने पात र निगुरो टिपेर गुजारा गर्दै आएको छिमेकी दिलमाया राइले बताइन् ।

मोरङको कानेपोखरी ५ चिसाङ खोलाको पुल मुनी आमाछोरी बस्ने ओढार ।

कुस्मीसँग आफ्नो नागरीकता छ । तर छोरीको नागरीकता बनाउन सकेकी छैनन् । कानेपोखरी ५ का बडा अध्यक्ष चरण गुरुङले दाताको सहयोगमा महिला वालवालिका कार्यालय मोरङले घर बनाएपछि सम्पुर्ण व्यवस्था गरेर राखिने बताए ।

घर निर्माणका लागि सोही गाउँमा जमिनको व्यवस्था गरेर चाडै निर्माण कार्य सुरु गरिने समेत बडा अध्यक्ष गुरुङले बताए ।
पुलको छानोमै कठ्यांग्रिने चिसो र उखरमाउलो गर्मी झेल्दै आएका आमाछोरी सरकारी था गैर सरकारी निकायबाट सहयोग पाएपछि निकै खुसी भए ।

भावुक बने छिमेकी

विराटनगर ल्याउनका लागि टोली गाडी लिएर विहानै त्यहाँ पुग्दा आमाछोरी ओछ्यान मिलाउँदै खाने व्यवस्थापनमा लाग्न खोज्दै थिए । अब विराटनगर जाने र घर बनेपछि मात्र आउने भन्ने बुझेकी दयावतीले छिमेकी महिलाहरूलाई हातको इसाराले ‘म जाने राम्ररी बस्नु’ भनिन् ।

निकै खुसी मुद्रामा देखिएकी उनले आफ्नो लुगा कपडा र चप्पल तयार पारिन् । त्यहाँबाट विदा हुँदै गर्दा गाउँका सबैलाई हात हल्लाएर विदा मागिन् । उनको विदाईमा आएका गाउँले पनि निकै भावुक बने ।

धेरै बर्षसँगै बिताएका उनीहरू हिड्दा छिमेकी दिलमाया राइले ‘अब सुन्ने हुने भो, दुख पाएका थिए अब दिन फर्किए’ भनेर विदा गरिन् ।
गाउलेहरूसँग मिलेर बसेका आमाछोरीलाई गाउँलेहरूले धेरै सहयोग गरेका रहेछन् । वर्षातमा वाढी आउँदा समस्या हुने भएकोले उनीहरू गाउँलेकै घरमा वास बस्ने गर्दथे ।

गाडी चढेपछि रोइन दयावती

विराटनगर तर्फ आउन गाडी चढेपछि दयावतीले झ्यालबाट हात हल्लाइन् । गाउँले धनबहादुर राइले तिनसय रुपैया निकालेर चिया खानु भन्दै दिए । अनि अन्य गाउँलेले पनि पैसा दिए । त्यसबेला गाउँ छोड्नुपरेको भन्दै दयावती रोइन् । उनी आमाको टाउकोमा बाधेको रुमालले आखा छोपेर धेरैबेर रोइरहिन् ।

सबैले घर बनेपछि आउनु, हामी भेट्न आउँछौ भनेर विदा गरे । इमान्दार आमाछोरी भनेर चिनिएका उनीहरू हिड्नै लाग्दा कुस्मीले पसलको पाँच सय रुपैया उधारो सम्झिइन् । वडा अध्यक्ष गुरुङले उधारो तिरिदिने बचन दिएपछि उनी ढुक्क भइन् ।

    Comment Here!

Related NEWS
मुख्य खबर

बालअधिकार हननका घटना बढ्दै, बालिका बढी पीडित

–सन्दिप विक– नेपालले बालअधिकार सम्बन्धी महासन्धि र यसका दुईवटा ऐच्छिक सन्धि पत्रहरूमा निशर्त अनुमोदन गरेर बालअधिकार

विद्यालयमा छात्रामाथि कस्तो दुव्र्यवहार हुन्छ ?

–महिला खबर– शिक्षा विभागले बनाएको कार्यविधि अनुसार प्रत्येक विद्यालयले गुनासो सुन्ने अधिकारी तोक्नुपर्ने, उजुरी पेटिका राख्नुपर्ने

नवलपरासीका छोरीहरुलाई यसरी ढाडस दिइन्, रेखा थापाले (भिडियोसहित)

–सीता शर्मा– ‘तपाइहरु आफ्नो नामबाट बाच्नुस् । आफ्नो पहिचानका साथ बाच्नुस्’ कार्यक्रममा सहभागी किशोरीहरुलाई ढाडस दिदै

बालिका बलात्कार गरि हत्या गर्नेलाई जन्म कैद

–महिला खबर– ललितपुर । बालिकालाई बलात्कार गरि हत्या गर्ने दुई जनालाई जिल्ला अदालत बैतडीले जन्मकैदको

जवरजस्ती विवाह गर्न खोज्ने युवा तीन वर्ष पछि पक्राउ

–महिला खबर– अपहरण तथा शरीर बन्धक घटनामा संलग्न खत्री निर्दोष रहेको र मुद्दा दर्ता गराउन नहुने

Read more
ताजा अपडेट
© 2015.All rights reserved by mahilakhabar.com
%d bloggers like this: