मलाई बुर्का लगाउँन आग्रह गरेः सुशिला

प्रकाशित मिति :2017-12-24 14:44:16

मानवीय फोहोररहित विश्व बनाउने अभियान सुशिला र राजमान बंगलादेशमा

–खेमा बस्नेत–

काठमाडौं । मानवीय फोहोररहित विश्व बनाउने अभियान अन्तरगत सुशिला महर्जन र राजमान मानव बंगलादेश पुगेका छन् ।

वि.सं.२०७४ सालवाट विश्वको सबभन्दा फोहोर देश बंगलादेशबाट बाहिरी देशको सफाई अभियान सुरू गर्ने योजना अनुसार उनीहरू बंगलादेश पुगेका हुन् ।

२०६७ माघ ९ गतेबाट किर्तीपुरको ४० रोपनी जग्गामा फैलिएको ४० वर्ष पुरानो डम्पिङ्ग साइटको फोहोर फालेर विश्व सफाई अभियान सुरु गरेका उनीहरूले यो वर्ष साउथ एसियाका देशहरूमा सरसफाई गर्नेछन् ।

महिला खबरसँग टेलिफोनमा कुरा गर्दै सुुशीलाले बंगलादेशका विभिन्न शहरहरूमा २० दिनदेखि सरसफाई गरिरहेको बताइन् ।

‘हामी यहाँ आएको २० दिन भयो । सुरुमा सरसफाई गर्दा सबैले हामीलाई आश्चर्य चकित भएर हेर्नुभयो । तर पछि हाम्रो अभियान बुझेपछि सबैले साथ दिनुभएको छ’ सुशीलाले खुसी हुँदै भनिन् ।

बंगलादेशमा महिलालाई अनुहार देखाउने अनुमती नभएकाले खुला अनुहारका साथ हातमा झाडु बोकेर सडक बढार्न लागेकी सुशीलालाई सुरुमा भने केही समस्या भयो । ‘यहाँका महिलाहरूले बुर्का लगाउनुपर्ने रहेछ । मलाई पनि बुर्का लगाउँन र अनुहार नदेखाई काम गर्न आग्रह गरियो । तर मैले मेरो देशमा यस्तो चलन नभएकाले बुर्का नलगाउने भने’ सुशीलाले भनिन् ।

सुशीला र राजमान विहान ६ बजेदेखि साँझको ५ बजेसम्म बंगलादेशका विभिन्न शहरमा सरसफाई गर्छन् । यसरी नै उनीहरूको दैनिकी दुई महिनासम्म बंगलादेशमा बित्ने छ ।

राजमान भन्छन्, ‘यहाँ प्लास्टिक झोला व्याण्ड छ । तर यहाँ सरसफाई गर्नुपर्छ भन्ने सामान्य ज्ञानको अभाब रहेछ । हामीले काठमाडौं फोहोर शहर भन्छौ तर यहाँका शहरका तुलनामा काठमाडौं शहर धेरै सफा छ ।’

बंगलादेशपछि उनीहरू श्रीलंका, मालदिभ्स, भुटान र भारत जाने तयारीमा छन् । साउथ एशियामा सरसफाई गरेपछि उनीहरू नेपाल फर्किने छन् ।

उनीहरूले अहिलेसम्म नेपालका २६ जिल्लाका ५७ वटा नगरपालिकाको सरसफाई गरिसको छन् । यसक्रममा जनकपुर, नेपालगञ्ज, विराटनगर, विरगञ्ज, महेन्द्रनगर सबै भन्दा फोहोर शहर भएको पाइएको उनीहरूले बताए ।

नेपाललाई वि.सं.२०७७ सम्म मानवीय फोहोररहित देश बनाउने लक्ष्य रहेको उनी बताउँछन् ।

नेपाल वि.सं.२०७७ बाट मानविय फोहोररहित देश बनेपछि नौ वर्षमा ८० वटा देशका फोहोर शहरहरू निरन्तर सफाईमा लाग्नेछन् । यसरी विश्वलाई सन् २०२८ बाट मानवीय फोहोररहित बनाउने अभियानमा लागिरहेको शुशिला र राजमानले बताए ।

मान्छेका कारण हुने प्रदुषणको अन्त्य होस् । सफाइ अरुका लागि होइन, आफ्नै लागि गर्नुपर्छ भन्ने कुराको ज्ञान शुशिला र राजमानको अभियानले देओस्, हाम्रो पनि शुभकामना !

याे पनि हेर्नुहोस् :

जहाँ फोहोर हुन्छ, सफा गर्न म आउँनेछु

१० लाख मानिस उतारेर एकघण्टामा काठमाडौं सफा पार्छु : शुशीला महर्जन

    Comment Here!

Related NEWS
मुख्य खबर

अश्लील भिडियो बनाएर ब्ल्याकमेल गर्ने प्रेमीको हत्या

दुई वर्षको सम्बन्धमा राजुले दुई जनाबिचको शारीरिक सम्बन्धको भिडियो बनाएर धर्मालाई ‘ब्ल्याकमेल’ गर्दै आएका थिए

मेलुङमा बालमैत्री धारा

–सर्मिला बुढाथोकी– बालमैत्री धारा नहुँदा विद्यालयका बालबालिकाहरू विद्यालय समयमा पिउने पानीबाट बञ्चित हुने र सार्वजनिक स्थानमा

सञ्चारकर्मी रुपा कार्कीको निधन

–महिला खबर– रेडियो बाराहीको स्थापना कालदेखि पाँच वर्षसम्म ‘साँहिली आमा’ नामक कार्यक्रम सञ्चालन गरेकी थिइन् ।

जन्म र कर्म दिने आमाको नामका पुरस्कार वितरण

–महिला खबर– दोलखा । पत्रकार चिरञ्जीवी मास्केले आफूलाई जन्म दिने र कर्मदिने आमाहरूको नाममा स्थापना

अागलागिबाट महिलाको मृत्यु

-महिला खबर- वीरगंज महानगरपालिका–१४ श्रीपुर बस्ने ८० वर्षीया हकिमन खातुनको आगोलागिमा परी मृत्यु भएको छ

Read more
ताजा अपडेट
%d bloggers like this: