बुढेसकालमा आँखा देख्न पाउँदा खुसी

प्रकाशित मिति :2018-01-10 14:49:05

शिविरमा आँखा उपचारको लागि पुगेका महिलाहरू

–महिला खबर–

दोलखा । दोलखा भीमेश्वर नगरपालिका वडा नम्बर ९ लाकुरीडाँडाकी ८३ वर्षीया ठुलीमाया भुजेल लामो समयदेखि आँखाको समस्याबाट पीडित थिईन् । मोतियाविन्दुको कारण राम्रोसँग आँखा देख्न नसक्ने समस्याले उनलाई सौचालय जान समेत समस्या थियो । तर अहिले मोतियाविन्दुको अप्रेशनपछि उनी आँखा राम्रोसँग देख्ने भएपछि निकै खुसी भएकी छन् ।

‘बुढेसकालमा आँखा नदेख्दा निक्कै समस्या थियो, सौचालय जान सँधै साथी नपाउने भएकोले पेटको समस्याबाट समेत पीडित भएको थिए । तर अहिले अप्रेशनपछि बुढेसकालमा आखा राम्रोसँग देख्ने भएकोले निक्कै खुसी भएको छु– ठुलीमायाले भनिन् ।

लाकुरीडाँडाकै ७० वर्षीया जेष्ठ नागरिक लालमाया थामीको समस्या पनि ठुलीमायाको जस्तै थियो । मोतियाविन्दुको कारण आँखा राम्रोसँग नदेख्दा उनलाई दैनिक गतिविधिमा निक्कै समस्या थियो । तर अहिले अप्रेशनपछि उनी निक्कै खुसी छन् । लालमाया भन्छिन्, ‘अब म हरेक काम आफै गर्न सक्छु । कसैको भर पर्नुपर्दैन । त्यसैले अप्रेशनपछि म खुसी छु ।’

तिलगंगा आँखा प्रतिष्ठान र दोलखा लायन्स आँखा केन्द्रको सहयोगमा लाकुरीडाँडा स्वास्थ्य चौकीले दोलखा भीमेश्वर नगरपालिका वडा नम्बर ९ लाकुरीडाँडामा सञ्चालन गरेकोे आँखा शिविरमा १ सय २३ महिलाले आँखाको उपचार गरेका थिए । शिविरमा आँखाको उपचार गराएका १ सय ७४ जना मध्य १ सय २३ जना महिला रहेको भीमेश्वर नगरपालिकाको स्वास्थ्य शाखाका हरिहर न्यौपानेले बताए ।

शिविरमा आँखाको उपचारको लागि आएका १ सय ७४ मध्य १४ जनाको आँखाको अप्रेशन गर्नुपर्ने अवस्था रहेको र त्यसमा ७ जना महिला रहेकोमा दुई जना महिला र दुई जना पुरुषले अप्रेशन गरेको न्यौपानेले बताए ।

    Comment Here!

Related NEWS
मुख्य खबर

अश्लील भिडियो बनाएर ब्ल्याकमेल गर्ने प्रेमीको हत्या

दुई वर्षको सम्बन्धमा राजुले दुई जनाबिचको शारीरिक सम्बन्धको भिडियो बनाएर धर्मालाई ‘ब्ल्याकमेल’ गर्दै आएका थिए

मेलुङमा बालमैत्री धारा

–सर्मिला बुढाथोकी– बालमैत्री धारा नहुँदा विद्यालयका बालबालिकाहरू विद्यालय समयमा पिउने पानीबाट बञ्चित हुने र सार्वजनिक स्थानमा

सञ्चारकर्मी रुपा कार्कीको निधन

–महिला खबर– रेडियो बाराहीको स्थापना कालदेखि पाँच वर्षसम्म ‘साँहिली आमा’ नामक कार्यक्रम सञ्चालन गरेकी थिइन् ।

जन्म र कर्म दिने आमाको नामका पुरस्कार वितरण

–महिला खबर– दोलखा । पत्रकार चिरञ्जीवी मास्केले आफूलाई जन्म दिने र कर्मदिने आमाहरूको नाममा स्थापना

अागलागिबाट महिलाको मृत्यु

-महिला खबर- वीरगंज महानगरपालिका–१४ श्रीपुर बस्ने ८० वर्षीया हकिमन खातुनको आगोलागिमा परी मृत्यु भएको छ

Read more
ताजा अपडेट
%d bloggers like this: