बलात्कारपछि हत्या गरिएकी बालिकाको शव आठ महिनादेखि टिचिङमा

प्रकाशित मिति :2018-01-12 14:09:18

-खेमा बस्नेत-

काठमाडौं । गत जेठ ५ गते बलात्कारपछि हत्या गरिएकी डल्लुकी १० वर्षीया बालिकाको शव आठ महिनादेखि टिचिङ अस्पतालमै राखिएको छ ।

डल्लुस्थित चाँगलमा डेरा गरी बस्ने १० बर्षीया अमृता नेपालीको जेठ ५ गते शुक्रबार बलात्कारपछि हत्या भएको थियो । पीडकलाई कारबार्ही नगरेसम्म परिवारले शव नबुझ्ने भनेपछि अमृताको शव ८ महिनादेखि टिचिङमै राखिएको हो ।

मेरो छोरीले न्याय नपाएसम्म हामी शव बुझ्दैनौं, आमा सन्तोषीले भनिन् । न्याय दिने सवै निकायले न्याय दिन आनाकानी गरिरहेको उनको आरोप छ ।

शुक्रबार विद्यालयमा अतिरिक्त क्रियाकलाप भएको र अमृतासँग ड्रेस नभएकाले त्यो दिन उनी घरमै बसेकी थिइन् । आमा सन्तोषी नेपाली काम गर्न कारखाना गएकी थिइन् । आठ वर्षीय कान्छो भाई पनि स्कूल गएका थिए ।

साँझ पाँच बजेतिर दिदी बोल्दैन भन्दै भाई, आमाकहाँ पुगेका थिए । उनी हतारहतार घर फर्किन् तर छोरी मृत अवस्थामा फेला परिन् ।

‘म कारखानामै थिए,स्कुलबाट छोरा मलाई बोलाउन आयो,मैले दिदी खोइ भन्दा दिदी त घाँटीमा सल बेरेर सुतेको छ भने । म कोठामा पुग्दा छोरीलाई झुण्ड्याए जस्तै अवस्थामा भेटे’सन्तोषीले भनिन् ।

                         अमृताकी आमा सन्तोषी नेपाली

हतारहतार छोरीलाई वीर अस्पताल पुर्याए । डाक्टरले अमृतालाई मृत घोषित गरे । ‘भित्र के के भए थाहा भएन, तर अस्पतालले बलात्कारको आशयले महानगरिय प्रहरी वृत स्वयंम्भुलाई कागज दिएका रैछन्’सन्तोषीले भनिन् ।

आफ्नो कोठासँगै डेरामा बस्ने छिमेकी दिनेश चौधरी भन्ने मोरङका विश्वराम रन पहेलीले नै छोरीको हत्या गरेको सन्तोषीको आरोप छ । विश्वरामले छोरी अमृता माथी पटक–पटक यौन दुव्र्यवहार गर्दै आएको समेत उनले बताइन् ।

‘मेरो छोरीलाई पटक पटक छोरी भन्दै अंगालो हाल्ने, शरीर छुने र मलाई पनि शरीरमा स्पर्श गर्ने गर्थे, नगर भन्दा धम्की दिन्थे, छोरीलाई केही दिनमा ठेगना लगाउछु भन्थे, सन्तोषीले भनिन् । हत्या भएको दिन पनि अस्पताल लैजान सहयोग माग्दा नमानेको उनले बताइन् ।

महानगरिय प्रहरी वृत स्वयंम्भुले विश्वरामलाई जेठ ५ गते राती नै हिरासतमा लिएको थियो । किटानी जाहेरी भने निकै सघर्षपछि जेठ ३० गते लिएको थियो । विश्वरामलाई र्पुपक्ष थुनामा राखिएको छ ।

अमृताको मुद्धा हेरिरहेका अधिवक्ता स्वागत नेपालले बालिकाको बलात्कारपछि हत्या भएको बताएका छन् । ‘अमृताको बलात्कार गरी हत्या भएको हो । उनको यौनीमा निलडाम छ । शरीरमा पनि घाउ छ । बालिकाले न्याय पाउनुपर्छ तर अहिलेसम्म न्याय पाउनमा ढिलाई भैरहेको छ,’उनले भने ।

    Comment Here!

Related NEWS
मुख्य खबर

अश्लील भिडियो बनाएर ब्ल्याकमेल गर्ने प्रेमीको हत्या

दुई वर्षको सम्बन्धमा राजुले दुई जनाबिचको शारीरिक सम्बन्धको भिडियो बनाएर धर्मालाई ‘ब्ल्याकमेल’ गर्दै आएका थिए

मेलुङमा बालमैत्री धारा

–सर्मिला बुढाथोकी– बालमैत्री धारा नहुँदा विद्यालयका बालबालिकाहरू विद्यालय समयमा पिउने पानीबाट बञ्चित हुने र सार्वजनिक स्थानमा

सञ्चारकर्मी रुपा कार्कीको निधन

–महिला खबर– रेडियो बाराहीको स्थापना कालदेखि पाँच वर्षसम्म ‘साँहिली आमा’ नामक कार्यक्रम सञ्चालन गरेकी थिइन् ।

जन्म र कर्म दिने आमाको नामका पुरस्कार वितरण

–महिला खबर– दोलखा । पत्रकार चिरञ्जीवी मास्केले आफूलाई जन्म दिने र कर्मदिने आमाहरूको नाममा स्थापना

अागलागिबाट महिलाको मृत्यु

-महिला खबर- वीरगंज महानगरपालिका–१४ श्रीपुर बस्ने ८० वर्षीया हकिमन खातुनको आगोलागिमा परी मृत्यु भएको छ

Read more
ताजा अपडेट
%d bloggers like this: