मेलुङमा बालमैत्री धारा

प्रकाशित मिति :2018-01-16 12:26:03

–सर्मिला बुढाथोकी–

दोलखा । दोलखाको मेलुङ गाउँपालिकाका विभिन्न विद्यालय र सार्वजनिक स्थानमा ६१ वटा बालमैत्री धारा निर्माण भएका छन् । बालमैत्री धारा नहुँदा विद्यालयका बालबालिकाहरू विद्यालय समयमा पिउने पानीबाट बञ्चित हुने र सार्वजनिक स्थानमा समेत बालबालिकालाई समस्या हुने अवस्था भएपछि बालमैत्री धारा निर्माण गरिएका हुन् ।

दोलखाको मेलुङ गाउँपालिका वडा न ७ मेलुङमा ६१ वटा बालमैत्री धारा निर्माण गरिएको छ र यसले बालबालिकासहित स्थानीय सबैलाई पिउने पानीको लागि सहजता हुने वडा नम्बर ७ का वडा अध्यक्ष नवराज खड्काले बताए ।

बाल मैत्री खानेपानी योजना पुरा भएपछि विद्यालयका बालबालिकालाई पानी पिउने समस्या नरहेको र गाउँमा समेत खानेपानीको समस्या समाधान भएको कर्नले आधारभूत विद्यालयका प्रधानाध्यापक रामचन्द्र चापागाईले जानकारी दिए ।

सामुदायिक खानेपानी आपूर्ति, विद्यालय खानेपानी, सरसफाई तथा स्वच्छता प्रवद्र्घन परियोजना मेलुङमा ८८ लाख ७४ हजार ९ सय २० रुपौयाँको लागतमा सो खानेपानी आयोजना निर्माण भएको हो । खानेपानी योजनाका लागि ईन्टेक २ वटा, पानी वितरण ट्यांकी १ वटा, फोरोसिमेन्ट ट्टयांकी १४ घनमिटर. र १६ घनमिटरकोे २ वटा ट्याँकी, धारा ६१ वटा निर्माण भएको दीपज्योजी समाज सुधार संघका कार्यकारी निर्देशक मुकुन्द शिवाकोटीले जानकारी दिए ।

खानेपानी योजना अन्र्तगत एउटा विद्यालयमा खानेपानी धारा निर्माण र हात धुने ठाउँ समेत तयार गरेको छ । साथै कर्नले आधारभूत विद्यालयको चर्पी पुनःस्थापना तथा मर्मत सम्भार समेत गरेको शिवाकोटीले बताए । खानेपानी आयोजनाबाट कर्नकाली आधारभुत बिद्यालयका बिधार्थी सहित १ सय ८६ घर धुरीको १३ सय ५७ जना प्रत्यक्ष रुपमा लाभान्वित भएका छन् ।

मेलुङ गाउँपालिकाका प्रमुख नर बहादुर श्रेष्ठले गाउँको विकास पूर्वाधार तयारीका लागि गाउँपालिकाले सबैसँग सहकार्य गर्ने र विकासका हरेक योजना, बालबालिका, महिला, फरक क्षमता भएका व्यक्ति तथा जेष्ठ नागरिक मैत्री हुने बताए ।

खानेपानी आयोजना समुदायमा हस्तान्तरण गर्दै जिल्ला समन्वय समिती दोलखाका प्रमुख डबल पाण्डेले बालबालिका, महिला, फरक क्षमता भएका व्यक्ति तथा जेष्ठ नागरिक मैत्री बनाउनु पर्नेमा जोड दिए ।

तस्बिरः धारा समुदायमा हस्तान्तरण गर्ने कार्यक्रममा सहभागि जिल्ला समन्वय समितिका प्रमुख डबल पाण्डे र एक बालिका ।

    Comment Here!

Related NEWS
मुख्य खबर

सर्वोच्चद्वारा नाङ्गा बाबालाई रोक नलगाउनुको कारण माग

–महिला खबर– काठमाडौं । सर्वोच्च अदातलले पशुपति क्षेत्रमा शिवरात्रि लगायत अन्य पर्वमा नाङ्गा बाबा र

१० युवती विमानस्थलबाट पक्राउ

–महिला खबर– काठमाडौ । त्रिभुवन अन्तर्राष्ट्रिय विमानस्थलबाट नक्कली भीसा प्रयोग गरी कुवेत जान लागेका १०

कम्युनिष्टलाई छोइ छिटो गर्ने समयमा कम्युनिष्ट बनाउदै हिँड्ने माया बनिन् मन्त्री

–महिला खबर– कम्युनिष्ट सिद्धान्तमा विश्वास गर्ने व्यक्ति मान्छेको पनि मासु खान्छन्, जात, धर्म केही मान्दैनन् भन्दै

बलात्कारको आरोपमा पक्राउ

–महिला खबर– काठमाडौं । उदयपुर कटारी नगरपालिका घर भई हाल काठमाडौं कागेश्वरी मनोहरा नगरपालिका–८ शिवचौक

बेपत्ता बालक मृत अवस्थामा फेला

–महिला खवर– कपिलवस्तु । कपिलवस्तुको मायादेवी गाउँपालिका–४, पिपराका वडा अध्यक्ष फत्ते मोहम्मदका ७ वर्षका छोरा

Read more
ताजा अपडेट
© 2015.All rights reserved by mahilakhabar.com
%d bloggers like this: