एएफसी यु १४ क्षेत्रीय महिला च्याम्पियन्ससिपःनेपाल, भारत र श्रीलकां विजयी


प्रकाशित मिति :2015-04-20 17:10:25

महिला खवर

काठमाडौं, वैशाख ७ । राजधानीमा आजदेखि सुरु भएको १४ वर्षमुनिका महिला खेलाडी सम्मिलित एएफसी यु-१४ गर्ल्स रिजनल च्याम्पियनसिपमा नेपालले इरानलाई पराजित गरेकाे छ ।

त्रिपुरेश्वरस्थित दशरथ रङ्गशालामा भएको प्रतियोगितामा नेपाली महिला टोलीले इरानलाई ३-२ गोलअन्तरले हराएकाे हो ।

नेपालको जितमा सरु लिम्बु र रेखा पौडेलले गोल गरे । लिम्बुले खेलको २५ औँ मिनेटमा गोल गर्दै नेपाललाई पहिलो अग्रता दिलाइन् ।

लिम्बुले गोल गरेको दुई मिनेट पनि बित्न नपाउँदै इरानकी फतेमे अमिरीले एक गोल फर्काउँदै खेललाई एक एक गोलको बराबरीमा ल्याइन् । उनले खेलको पहिलो हाफको २७ औँ मिनेटमा गोल गरेकी थिइन् ।
नेपालकी पौडेलले खेलको ३२ र ४७ औँ मिनेटमा दुई गोल गरेपछि नेपालको जित सुनिश्चित भएको थियो । त्यस्तै इरानकी फतेमे घसेमीले खेलको दोस्रो हाफको अत्तिरिक्त समयमा एक गोल फर्काएकी थिइन्

नेपाल आर्मी क्लबको शारीरिक सुगठन तथा तालिम केन्द्र लगनखेलमा भएको अर्काे खेलमा श्रीलङ्काले माल्दिभ्सलाई ६-० को फराकिलो अन्तरले हराएको छ ।

श्रीलङ्काको जितमा सुरेनथिरान गोवारी, डिलिङ्का लोचनी, एकानायका, विजेसिङ्घा, महा मुथुकला र शिवनेस वरान थर्मिकाले गोल गरे । श्रीलङ्काले पहिलो हाफमा नै पाँच गोल गरेको थियो । एक गोल खेलको अन्तिम समयमा भयो ।

आजै भएको अर्काे खेलमा भारतले भुटानमाथि १२-० को फराकिलो अन्तरले जित हात पार्‍यो

पहिलो हाफमा नै ६ गोल गरेको भारतले भुटानमाथि दोस्रो हाफमा थप गोल ६ गोल गर्दै १२-० को सहज जित निकाल्यो ।

प्रतियोगिता अन्तर्गत मङ्गलबार तीन खेल हुँदैछ । नेपालले दिउँसो ४ बजे दशरथ रङ्गशालामा भुटानसँग खेल्दैछ । यस्तै दिनको पहिलो खेलमा त्रिपुरेश्वरस्थित रङ्गशालामा बङ्गलादेश र भारतबीच खेल हुनेछ । यस्तै आर्मी शारीरिक केन्द्र लगनखेलमा श्रीलङ्का र इरानी टोली भिड्नेछ

प्रकाशित मितिः २०७२ वैशाख ७ गते साेमवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: