महिला एएफसी यु १४ रिजनल च्याम्पियनसीपः नेपालको दोस्रो जित


प्रकाशित मिति :2015-04-21 21:48:28

महिला खवर

Football womens  Nepal vs Iran u14
काठमाडौँ, वैशाख ८। महिला एएफसी यु १४ रिजनल च्याम्पियनसीपमा नेपालले लगातार दोस्रो जित दर्ता गराएको छ ।

त्रिपुरेश्वरस्थित दशरथ रङ्गशालामा आज भएको प्रतियोगितामा नेपाली महिला टोलीले माल्दिभ्सलाई १०-० को फराकिलो गोल अन्तरले हराउँदै प्रतियोगितामा लगातार दोस्रो पटक विजयी भएको हो । यस जितसँगै नेपाल सेमिफाइनल नजिकसमेत पुगेको छ ।

यसअघि सोमबार भएको पहिलो खेलमा नेपालले इरानलाई ३-२ गोलले पराजित गरेको थियो ।

नेपालको जितमा रेखा पौडेल र निर्मला उपाध्यायले ह्याट्रिक गरे । यसैगरी मनिषा राउतले दुई गोल गरिन् भने मञ्जली कुमारी र सञ्जना लावतीले एक-एक गोल गरे ।

यसैगरी अाजै भएको अर्को खेलमा भारतले सेमिफाइनलमा ठाउँ सुरक्षित गरेको छ । दशरथ रङ्गशालामा आज भएको खेलमा बङ्गलादेशसँग एक एकको बराबरी खेलेपनि एक खेल अवागै समूह बीबाट भारत सेमिफाइनलमा पुगेको हो । सोमबार भुटानलाई १२-० ले हराएपछि भारतको यात्रा सहज बनेको थियो ।

लगनखेलस्थित नेपाली सेनाको तालिम केन्द्रको मैदानमा भएको अर्को खेलमा इरानले श्रीलङ्कालाई ११-१ को भारी अन्तरले हराएर सेमिफाइनलमा जाने आशा जीवितै राखेको छ । महिला एएफसी यु १४ रिजनल च्याम्पियनसीपमा इरानको यो पहिलो जित हो । यसअघि सोमवार इरान नेपालसँग हारेको थियो ।

प्रतियोगिताअन्तर्गत बुधबार नेपाल र श्रीलङ्का, भुटान र बङ्गलादेश तथा इरान र माल्दिभ्सबीच खेल हुनेछ ।

प्रकाशित मितिः २०७२ वैशाख ८ गते मङ्गलवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: