पाँच वर्षीया बालिका र किशाेरी बलात्कार गर्ने पक्राउ


प्रकाशित मिति :2015-04-22 15:00:10

महिला खवर

पोखरा,वैशाख ९ । विभिन्न प्रलोभन देखाएर एक बालिका एक किशोरीलाई बलात्कार गर्ने दुई जनालाई प्रहरीले पक्राउ गरेको छ।
पाँच वर्षीया बालिका र १६ वर्षीया किशोरीलाई बलात्कार गर्ने  स्याङ्जा मनकामना–३ घर भई पोखरा बस्ने १८ वर्षीय कुमार गुरुङ र चितवन घर भई पोखरा बस्दै आएका जोवा चौधरीलाई प्रहरीले पक्राउ गरेको हो। गुरुङले बालिकालाई टिभी हेर्न आफ्नो कोठामा लगेर मिठाइ खान दिइ बलात्कार गरेको प्रारम्भिक अनुसन्धानले देखाएको प्रहरीले जनाएको छ।  चौधरीले किशोरीलाई किताव लिने बहानामा कोठामा बोलाई बलात्कार  प्रयास गरेका हुन्।
प्रहरीले बलात्कार गरेको उजुरीका आधारमा गुरुङलाई वैशाख ६ गते र चौधरीलाई ५ गते पक्राउ गरेर अनुसन्धान गरिरहेको कास्कीका प्रहरी प्रमुख हरी बहादुर पालले जानकारी दिनुभयो।
यसैवीच पछिल्लो समय बढ्दै गएको बलात्कारका घटनाप्रति सरोकारवालाहरुले चिन्ता व्यक्त गरेका छन्। बलात्कारको जोखिम कम गर्नु गम्भीर चुनौति रहेको भन्दै उनीहरुले चिन्ता व्यक्त गरे।  बलात्कार रोक्नका लागि केके गर्न सकिन्छ भन्ने विषयमा जिल्ला प्रहरी कार्यालयले सरोकारवालाहरूसँग अन्तक्रिया गरेको छ।
 जिल्ला प्रहरी कार्यालय कास्कीले थालेको तीनमहिने अल्पकालिन कार्ययोजना अन्तरर्गत जवरजस्ती करणी अपराध नियन्त्रण अर्न्तगत गरिएको छलफलका क्रममा सहभागीले जवरजस्ती करणी अपराध नियन्त्रणका लागि जनचेतनामूलक कार्यक्रम गर्नुपर्ने, अभिभावक सचेत हुनुपर्ने, पीडितमैत्री सामाजिक वातावरणकालागि सहयोगी निती ल्याईनुपर्नेलगायतका सुझाव दिएका छन्।
सामाजिक सोंच र कामलाई सकरात्मक बनाउन सके यस्ता घटनामा कमी आउने राष्ट्रिय मानव अधिकार आयोग क्षेत्रीय कार्यालयका प्रमुख टिकाराम पोख्रेलले बताउनुभयो। महिला तथा बालबालिकाको क्षेत्रमा काम गरेका सरकारी तथा गैरसरकारी संस्थाका प्रतिनिधिले महिला र बालबालिकालाई हेर्ने दृष्टिकोण र सामाजिक संस्कारले  बलात्कारलाई बढवा दिएको भनाई राखे।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: