सर्कसमा बेचिएका नेपाली बालबालिकाकाे उद्दारमा लण्डन म्याराथन


प्रकाशित मिति :2015-04-24 11:46:46

महिला खवरMatrahton11

ललितपुर¸वैशाख ११ । नेपालबाट भारतका विभिन्न सर्कसहरुमा बेचिएका बालबालिकाको उद्दारमा सक्रिय एस्थर बेञ्जामिन ट्रष्टलाई सहयोग जुटाउन १८ वर्षिया कल्पना लिम्बु लण्डन म्याराथन दौडँदै छिन् ।

युकेको एक्सिटर विश्वविद्यालयमा अर्थशास्त्र विषयमा अध्ययन गरिरहेकी लिम्बु सो म्याराथानमा भाग लिने सबैभन्दा कम उमेरका सहभागीमध्ये एक भएको लण्डनबाट वीनेपालीका नरेश खपांगीले जानकारी दिएका छन् ।

युकेको दौड क्षेत्रमा तेस्रो बृहत मानिने सो म्याराथनमा भाग लिन वर्षेनी करिब १ लाख ५० हजारले आवेदन दिने गर्छन् र ती मध्ये करिब ४० हजारमात्र म्याराथनमा सहभागी हुन पाउँछन् । धनकुटाको हात्तीखर्क गाविसमा जन्मेर ब्रिटिश सेनामा कार्यरत पिता विश्वासदीप तिगेला र आमा भोजकुमारीसँगै ब्रुनाइमा हुर्केकी कल्पनाको बाल्यकालदेखि नै दौडमा रुचि छ । उनले ब्रुनाइमै सन् २००५ मा बालबालिका तर्फको दौडमा प्रथम, २०११ मा महिलातर्फको दौडमा प्रथम र सन् २०१३ मा १७ वर्षकै उमेरमा १० किलोमिटर दौडमा सातौँ भएकी थिइन् ।

सधैँ ‘नेपालका लागि केही गरौँ’ भन्ने लाग्ने कल्पना बताउँछिन् । लण्डन म्याराथन नजिकिँदै गर्दा यस इभेन्टलाई जोडेर केही गर्न सकिन्छ कि भन्ने सोचाइ उनमा आयो । नेपालका लागि राम्रो काम गरिरहेका च्यारिटीहरू खोज्दै जाँदा उनले एस्थर बेञ्जामिन ट्रष्ट भेट्टाइन् । सो ट्रष्टले भारतका विभिन्न सर्कसहरुमा बेचिएका बालबालिकाको उद्दार गरेको डकुमेन्ट्री उनले यसअघि नै अलजजिरा टिभीमा हेरिसकेकी थिइन् । संस्थाको बारेमा बुझेपछि उनले एस्थर बेञ्जामिनकै लागि दौड्ने निर्णय गरेको वताइन् ।

उनी भन्छिन्, ‘दौडमा रुचि हुनेहरूका लागि लण्डन म्याराथन सपना जस्तै हो’, ‘हाम्रो च्यारिटीबाट दौड्ने म सबैभन्दा कान्छी हुँ नि’ उनले थपिन् । म्याराथन आउन दुई महिना बाँकी हुँदा उनी अहिले अभ्यासमा ब्यस्त छिन् । विश्वविद्यालयमै साथीहरुसित ५ किलोमिटर, १० किलोमिटर दौडिरहेकी छिन् ।

अहिलेसम्म म्याराथन नदौडेकी उनी ४२ किलोमिटर लामो लण्डन म्याराथन पूरा गर्न दृढ भएर लागिपरेकी छिन् । उनले म्याराथन दौडेर २ हजार पाउण्ड संकलन गर्ने लक्ष्य राखेकी छिन् । अहिलेसम्म उनले तयार पारेको डोनेसन पेजमा ६२६ पाउण्ड संकलन भइसकेको छ । दुई महिनाको अवधिमा बाँकी रकम पनि उठ्नेमा विश्वस्तमा छिन् उनी ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: