विपत्तीमा जिम्मेवार हुन सञ्चारमाध्यमलाई महासंघको आग्रह


प्रकाशित मिति :2015-05-03 14:59:48

महिला खवर
ललितपुर, वैशाख २०। नेपाल पत्रकार महासंघले नेपालमा आएको विनासकारी भूकम्पमा अन्तर्राष्ट्रिय  सञ्चार माध्यमले खेलेको भुमिकाको  सह्राना गरेको छ। विश्व प्रेस स्वतन्त्रता दिवसको अवसरमा महासंघले आज एक विज्ञप्ति जारी गरि नेपाल र नेपालीमा परेको यो महाविपत्तिमा अन्तर्राष्ट्रिय क्षेत्र र अन्तर्राष्ट्रिय मिडिया जगतले सक्दो सहयोग गरेको जनाएको छ।
तर,  यस्ता पीडामा कतिपय विदेशी मिडियाबाट भएको  भ्रामक समाचार सम्प्रेषणप्रति महासंघले  आपत्ति जनाएको छ। नेपालको सार्वभौमिकता, पत्रकारिताको धर्म र मानवीयताको खिल्ली उडाउँदै केही विदेशी पत्रकारले विपत्तीमा थप पीडा दिने काम गरेको भन्दै महासंघले खेद व्यक्त गरेको छ।
 ‘हामी त्यसबाट मर्माहत भएका छौ’—महासंघका अध्यक्ष महेन्द्र विष्टले जारी गरेको विज्ञप्तिमा भनिएको छ।
खासगरी केही भारतीय मिडियाको अफवाह, अतिरन्जना र संवेदनाहीन प्रस्तुतिप्रति आपत्ती जनाउदै महासंघले विज्ञप्ति मार्फत मुलुकका जिम्मेवार निकाय र अन्तर्राष्ट्रिय मिडिया जगतको गम्भिर ध्यानाकर्षण गराएको छ।
महासंघका अध्यक्ष महेन्द्र विष्टद्धारा जारी विज्ञप्तिमा वैशाख १२ गते गएको महाप्रलयकारी भूकम्पको पहिलो धक्कासँगै सुरु भएको विनास श्रृंखलाका कारण सम्पूर्ण नेपाल र नेपाली यतिबेला शोक र छटपटीमा रहेको र  एक जना होनहार युवा पत्रकार सुमन भोम्जनलाई गुमाउनु परेको उल्लेख छ।  महाभुकम्पका कारण सात हजार भन्दा धेरै जीवन गुमिसकेको छ भने हजारौं घाईते भएको यो दुखद समयमा नेपाली प्रेस जगत पनि शोकमा डुबेको विज्ञप्तीमा उल्लेख छ।
 विपत्तीबाट पत्रकार र पत्रकारको परिवारमा परेको क्षतिको विवरण उपलब्ध गराउन महासंघले अपिल समेत गरेको छ। कति पत्रकार घाईते भएको र  धेरै सन्चार संस्थाहरू कामै नलाग्ने गरी क्षतिग्रस्त भएको महासंघले जनाएको छ। महासंघका अनुसार कतिपय सञ्चार संस्था बन्द रहेको र कतिपयले अस्थायी शिविर खडा गरेर प्रकाशन तथा प्रसारणलाई निरन्तरता दिइरहेका छन्। नेपाल राष्ट्र,नेपाली जनता र नेपाली मिडिया जगतलाई सामान्य अवस्थामा फर्किन निकै लामो समय लाग्ने भन्दै अत्यन्तै जोखिमबीच पनि पत्रकार र सन्चार गृहहरूले आफ्नो दायित्व पूरा गरिरहेको महासंघद्वारा जारी विज्ञप्तिमा जनाइएको छ ।
अध्यक्ष विष्टले महाभूकम्पमा परी जीवन गुमाउने सबैमा हार्दिक श्रद्धान्जली व्यक्त गर्दै आमसन्चारकर्मी, विचार र अभिव्यक्ति स्वतन्त्रताका पक्षधर र आमनागरिकमा आपसमा मिलेर  विपत्तिको सामना गर्दै प्रेस स्वतन्त्रताको रक्षा र मुलुकको पुनर्निर्माणमा लाग्ने संकल्प गर्न हार्दिक अपील गर्नुभएको छ।
महासंघले यसपालीको प्रेस स्वतन्त्रता दिवस भूकम्प पीडितको राहत र उद्धारमा केन्द्रित गरेको जनाएको छ।
प्रकाशित मितिः २०७२ वैशाख  २० गते अाईतवार

 

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: