विपद्की साथी सरिता


प्रकाशित मिति :2015-05-04 14:09:39

महिला खवर

unnamedपाेखरा , वैशाख २१ । जब जब विपत्तिको अवस्था देखिन्छ त्यतिबेला देवि जस्तै भएर आउँछिन् ढिकुर पोखरी ६ पाउँदुर कि सरीता गुरुङ्ग । केहि वर्ष पहिले सेतीमा गएको बाढीका लागि उनले ५ लाख रकम सहयोग जुटाइन्, गत साल सिन्धुपाल्चोकमा बाढी पहिरो जाँदा राहत लिएर त्यहि पुगिन् ।    भाचोकी मृगौला पीडित बुद्धिमाया गुरुङ्गको उपचारमा पनि सरिता त्यत्तिकै सक्रिय बनिन् ।

घरबारविहिन गोर्खा आलम्पु गाविसका वृद्ध दम्पतिको सहयोगका लागि पनि खटिइन् । बाटो घाटोमा अलपत्र दिनदुखि देख्दा सहयोगको भाव जागिहाल्छ ।   बुङ्गमती अपाङ्ग सेवा समिति , एचआइभी सफलता शिक्षा सदन जस्ता संघ संस्थाकालागि उनले सहयोग जुटाएकी छिन् । जे सक्छिन् त्यो गरी हाल्छिन् । छोटै समयमा समाजसेवीबाट परिचित बनेकी यी युवती यतिबेला भने भुकम्प पीडितको चराइरहेको घाऊमा मलम लगाउन व्यस्त छिन् ।  unnamed (2)

त्यसो त महाभूकम्प जाँदा शनिबार  सरिता गुरुङ्ग धरहरा नजिकै थिइन् । उनकै अगाडि एउटा शानको इतिहास बोकेको धरोहर ढलेको  थियो । हेर्दा हेदै धेरैले ज्यान गुमाए उनकै अगाडी धेरै अंग भंग भए । क्षण भरमै कोलाहल मच्चियो । भागभाग भयो । त्यस दिन टुँडिखेलको चौरमा रात बिताइन् । चौरमा रात विताउँदा उनलाई आफू बाँचेकोमा धन्य ! भन्न मन लागेन उनको मनमा छटपटि चलिरह्यो । के गरौं र कसो गरौ भन्ने लागिरह्यो ।    उनी सोमबार बिहानै पोखरा आइन र सिधै जिल्ला प्रशासन कार्यालय पुगिन् । क्षेत्रिय प्रशासक दिनेश थपलियासँग आफूले पीडितलाई राहतको लागि सहयोग संकलन गर्ने चाहेको बताइन् । उनको सामाजिक छवि स्पष्ट बुझेपछि क्षेत्रीय प्रशासकले स्विकृति दिए ।  सामाजिक सञ्जाल फेसबुकबाट नेपालको भूकम्पको भयावह स्थिति र पीडितको अवस्थाको बारेमा उनले जानकारी गराइन् । सामाजिक सञ्जाललाई सामाजिक कामका लागि प्रयोग गरौं भन्ने उनको मान्यतामा उनी सफल भएकी छिन् ।

अनि शुरु भयो सहयोग आउने क्रम । शुरुमा युकेबाट १ लाख २० हजार रुपैयाँ सहयोग आयो । सहयोग आउने क्रम जारी छ । उनकै नेतृत्वमा सिक्किमबाट मात्रै २२ वटा साना र ठुला गाडीमा राहत सामग्री दोलखा र सिन्धुपाल्चोक पुगिसकेको छ  ।    झण्डै  १ लाखको राहात सामग्री सहित सरिता गोर्खाको थुमि मा पुगेकी छन् । पीडितको सहारा बनेर थुमीमै छिन् ।

पोखराबाट थप राहत सामग्री समेत झिकाएर राहत नपाएकालाई राहत पुर्याउने काममा व्यस्त छिन् ।   जापान, हंगकङ्ग, युके, अमेरीका, क्यानाडा लगायत देशका विभिन्न ठाउँबाट सहयोग आउने क्रम जारी रहेको र आवश्यकता अनुसार विभिन्न ठाउँमा राहत सामाग्री किन्दै पुर्याइरहेको सरिताले जानकारी दिइन् । उनले आएको सबै रकम पारदर्शी रुपमै पीडितकै लागि खर्च गरीने बताइन् ।

    Comment Here!

Related NEWS
मुख्य खबर

अधिकारीले दायर गरेको रिटमा सर्वोच्चको कारण देखाउ आदेश

-महिला खबर- ललितपुर । गोरखापत्र संस्थानको प्रधान सम्पादक नियुक्तिका विषयमा परेको रिट निवेदनमा सर्वोच्च अदालतले कारण

समाज सेवा र हाम्रो परिवेश

-हिरा दाहाल- बर्दियाकि बहिनी भात खान नपाएर देह त्याग गर्न विवश देशमा समाज सेवा गर्छु भन्न पनि लाज

महिला

-वसन्त आचार्य- गरेर परिवारको हेरचाह, राख्द छिन् ख्याल अरुको पनि, जहाँ देखिन्छन् चोटहरु, उहीँ पुग्दछिन् मलम बनी

सामाजिक सेवा र महिला अधिकार

-रुपा थापा- अघि बढ्नु पर्छ छोरी सधै तिमीले चम्किएर त्यो किरण सरि यो सामाजिक सेवामा सारा ती मौनतालाई तोडेर

सामाजिक सेवा र महिला अधिकार

-कल्पना नेपाल आचार्य- त्याग र समपर्णको भावमा रमाएर कति पीडा र व्यथा लुकाएर ओठमा मुस्कान छर्न तम्तयार

Read more
© 2015.All rights reserved by mahilakhabar.com
%d bloggers like this: