प्रसूती गृहमा रातो स्टीकरः सुत्केरी जति भूइँमा


प्रकाशित मिति :2015-05-05 16:30:05

महिला खवर
Joint picभूकम्पका कारण पुरानो भवन चर्किएर प्राविधिकहरुले रातो स्टिकर टाँसिदिएपछि मुलुकको पुरानो प्रसुतिगृह सुत्केरी महिलालाई भूइमा राखेर उपचार दिन बाध्य भएको छ।
ललितपुर, वैशाख २२। कपनकी दुर्गा गौतम अहिले थापाथलीको प्रसूती गृहको भुइँमा पल्टिरहेकी छन्। जेठ २ गते सुत्केरी हुने मिति डाक्टरले दिएपनि उनले वैशाख २१ गते नै बच्चा जन्माइन्। भनिन् ‘झण्डै भूकम्प मै परिन। त्यो वेला भएको भए यो भुइँ पनि नपाइने रहेछ।’
 news
दुर्गालाई भूकम्प आएपछि आफ्नो बच्चा खेर जान्छ की भन्ने भय थियो। उनी त्यो भयबाट मुक्त भएकी छन्। दुर्गा भन्छिन, ‘सुत्केरी पनि सामान्य नै भयो ढुक्क भयो, अव घर जान पाए राम्रो स्याहार पाइन्थ्यो।’ यस्तै समस्या झेलिरहेकी छन् लगन की रचना बलामीले। उनी भुइँमा कम्मल ओछयाएर सुतिरहेकी छन्। रचना भन्छिन्, ‘अप्ठयारो त भइरहेको छ तर धन्न यत्ति पनि पाईयो।’
 IMG_0313
थापाथलीको परोपकार प्रसूती गृहको पुरानो भवन वैशाख १२ गतेको महाभुकम्पले पुर्ण रुपमा क्षति भयो। नयाँ भवनमा व्यवस्थापन गर्दा सुत्केरीहरू भुइँमा बस्नुपर्ने अवस्था आएको अस्पताल की मेट्रोन मैया मानन्धरले बताउँछिन्। मानन्धरका भनाइमा, ‘शल्यक्रिया गर्न नपरेका सामान्य सुत्केरीलाई भुइँमा राखिएको छ।’
२५० वेडको पुरानो ‘ब्लक’ असुरक्षित रहेको भन्दै प्राविधिकहरूले रातो स्टीकर लगाइदिएका छन्। जम्मा ४१५  वेड रहेको परोपकार प्रसूती गृहमा दैनिक ४० जना सुत्केरी हुन आउने गरेको अस्पतालकी मेट्रोन मानन्धरले जानकारी दिइन। ४० मध्ये १० वटा जतिको शल्यक्रिया गर्नुपर्ने हुन्छ। भूकम्प आएको दिन र भोलीपल्ट सुत्केरी गराउने र शल्यक्रिया गर्ने  काम बाहिर गरे पनि अहिले यो काम भित्रै सुरु गरिएको छ।
 शल्यक्रिया गरेका सुत्केरीलाई ५ दिन अस्पताल मै राख्नुपर्नेलाई ३ दिनमै घर फर्काउन थालिएको छ भने २ दिन राख्नुपर्ने सामान्यलाई ८/९ घण्टा पछि डिस्चार्ज गर्ने गरिएको छ।

 

    Comment Here!

Related NEWS
मुख्य खबर

छोरी

-अन्शु खनाल- प्यारी छोरी जन्मनु आफैमा जित्नु हो यसमानेमा जिन्दगीको सुरुवात जित बाटै गरेकी हौ तिमीले पनि ।

थाहा थिएन

-अनिता महर्जन- थाहा थिएन आमा पराइ घरको जिवन शैली सोचेको थिएँ आफ्नै जस्तै हुन्छ कि भनेर

नारी सहास र सृजनाको स्रोत

-अञ्जना दास परियार- परोपकारी मन, भावना र कार्यले सुनौलो विश्व-इतिहास रच्न सफल मदर टेरेसा नारी तिनी ।

अधिकारीले दायर गरेको रिटमा सर्वोच्चको कारण देखाउ आदेश

-महिला खबर- ललितपुर । गोरखापत्र संस्थानको प्रधान सम्पादक नियुक्तिका विषयमा परेको रिट निवेदनमा सर्वोच्च अदालतले कारण

समाज सेवा र हाम्रो परिवेश

-हिरा दाहाल- बर्दियाकि बहिनी भात खान नपाएर देह त्याग गर्न विवश देशमा समाज सेवा गर्छु भन्न पनि लाज

Read more
© 2015.All rights reserved by mahilakhabar.com
%d bloggers like this: