घाइतेलाई खाना खुवाउन महिला सक्रिय


प्रकाशित मिति :2015-05-06 12:46:44

महिला खवर
pokhara hospitalपोखरा, वैशाख  २३ । वैशाख १२ गतेको महाभुकम्पबाट घाइते भई अस्पतालमा उपचार गराइरहेकालाई खाना खुवाउन  महिला सक्रिय भएका छन्।
भूकम्पका कारण घाइतेको उपचारका लागि पश्चिमाञ्चल क्षेत्रीय अस्पतालका बेड पुरै भरिएका छन्। अस्पतालमा घाइते र तीनका आफन्तका लागि विभिन्न संघसस्था, महिला समूह तथा व्यक्तिगत रुपबाट घाइते र उनीहरूका आफन्तलाई खाना खुवाउन सक्रिय भएका हुन्।
गाँस, बास,आफन्त र घरबार गुमाएर निराश रहेका उनीहरूसँग बोल्ने सहास पनि छैन। उनीहरू घटना सम्झन  पनि चाहँदैनन्।
घाइते र उनीहरूका आफन्तलाई यतिबेला खाना र औषधि को समस्या छैन, छ त केवल आफ्नो बेपत्ता परिवार र तहसनहस भएको आफ्नो घरको र अंगभग भएका परिवारका सदस्यको।
अहिले पोखराका विभिन्न अस्पतालमा ४५२ जना घाइतेको उपचार भइरहेको छ। ती घाइते र आफन्तको खानापानको लागि विभिन्न संघ संस्था एवं व्यक्ति सक्रिय भएका छन्।
मणिपाल अस्पतालमा  मानव मिलन नारी जागरणले स्वयंसेवी भूमिका निभाइ रहेको छ। पीडितका लागि खाना खुवाउन चाहने धेरै भएपछि त्यसलाई व्यवस्थित तरीकाले आलोपालो र पीडितलागि चाहिने सामानको व्यवस्थाकालागि दातासँग समन्वय गरीरहेको नारी जागरणकी सदस्य रमा ढकालले बताउनुभयो।
त्यसैगरी पश्चिमाञ्चल क्षेत्रीय अस्पताल पोखरामा   वैशाख ३० गतेसम्म घाइतेलाई खाना खुवाउनहरू तयार भइसकेको छन् । खाना खुवाउने, दैनिक जसो पीडित भेट्न आउने र सहयोगको तत्परता देखाउने महिला समूह सक्रिय रहेको पश्चिमाञ्चल क्षेत्रिय अस्पताल सामाजिक सेवा इकाइ सुपरभाइरजर करुना ढकालले जानकारी दिनु भयो।
वडा समन्वय समिति वडा नं. १८ की अध्यक्ष इन्द्रमाया बाँनियाले महिला समूहले विशेष गरी महिलामैत्री सामानमा ध्यान दिएको बताउनु भयो। महिलाहरूले निकै सक्रियता देखाउनुभएको छ आफै खाना पकाएर खुवाउनेदेखि विभिन्न सहयोगमा महिला जुटिरहेको बाँनियाले बताउनुभयो।
पोखराको पश्चिमाञ्चल अस्पतालमा गण्डकी मेडिकल कलेज, मणिपाल र फेवा सिटी , मेटो सिटी, फिस्टेललगायतका अस्पतालमा भूकम्पका कारण  घाइतेहरूको उपचार भैरहेको छ।

 

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: