भूकम्पपछिको राहतमा महिला संगठन ‘वाच डग’


प्रकाशित मिति :2015-05-07 16:15:17

महिला खबर
11107727_907626769278932_5990214124175869424_n (1)ललितपुर, वैशाख २४ । भूकम्पले ल्याएको विपत्तिमा परेका पीडितका लागि भइरहेको राहत वितरण लैंगिक अनुकूल बनाउन राजनीतिक पार्टीका महिला संगठनहरु लागि परेको बताएका छन् ।
राहत वितरण कार्ययोजना बनाउँदा लैंगिक संवेदनशीलता अपनाइएको छ वा छैन्,  त्यसका लागि जिल्लाका महिला संगठनलाई ‘वाच डग’को रुपमा प्रयोग गरेको नेपाल महिला संघका अध्यक्ष डा. डिला संग्रौलाले बताउनु भयो ।
उहाँले आफ्नो संगठन भूकम्प पीडित महिला तथा बालिकाको डाटा संकलन र राहत वितरणमा लागेको समते जानकारी दिनु भयो ।
ठूला राजनीतिक दलका महिला संगठनहरुले आफ्ना सदस्यहरुलाई राहत वितरण तथा महिला, किशोरी र बालिकाहरुमाथि हिंसा नहोस् भन्नका लागि प्रत्येक क्याम्पमा महिला सुरक्षाकर्मीको व्यवस्था गर्न राज्यसंग माग गरेको नेता शशि श्रेष्ठले बताउनु भयो ।
 Untitled (2)
उहाँले राहत वितरण महिला मैत्री बनाउन सरकारलाई पटक—पटक दबाब दिदै आएको भए पनि यातायाताको सुविधा भएकोमा बाहेक अन्य ठाउँका पीडितले राहत नपाएको जानकारी दिनुभयो ।
यसैगरी अखिल नेपाल महिला संघका केन्द्रिय प्रवक्ता शान्ति अधिकारीले संघको छुट्टै   याेजना नभएको, तर पार्टीले खटाए अनुसार भूकम्प प्रभावित क्षेत्रमा उद्धारका लागि खटेको बताउनु भयाे ।
अधिकारीले भन्नुभयो ‘राज्य कहाँ छ, थाहा छैन्, पार्टीले महिला मैत्री योजना बनाउनको लागि पहल गरेको छ होला, तर मलाई जानकारी भएन । आफ्नो तर्फबाट महिला तथा बालबालिकालाई मनोसामाजिक परामर्श गर्नका लागि भूकम्प प्रभावित क्षेत्रमा खटेकीे छु ।’
 संगठनहरुले आ आफ्नो ढंगले सिन्धुपाल्चोक, गोरखा, धादिङ र नुवाकोटमा महिलाको विशेष अवस्थालाई ध्यानमा राखेर कपडा, स्यानिटेरी प्याड र सुत्केरीलाई पोषिलो खानेकुरा वितारण गरेका छन् ।
भूकम्प पीडितहरुको सहयोगका लागि आठ वटा संयुक्त महिला संघले महिला तथा बालिकालाई सहयोग गर्न भन्दै राहत संकलन गरिरहेको अनेमसंघ क्रान्तिकारीका संयोजक अमृता थापा मगरले बताउनु भयो । अनेमसंघले पनि भूकम्प पीडित महिलाको लागि तत्तकाल कुनै योजना बनाएको छैन ।
अन्तरपार्टी महिला सञ्जालले प्रधानमन्त्री शुशील कोइरालासंग महिलालाई   प्राथमिकतामा   राखेर राहतको योजना बताउन मौखिक रुपमा माग गरे पनि  कार्यान्वयन हुन नसकेको एमाओवादी निकट महिला संघका फ्याक्सन इन्चार्ज शशि श्रेष्ठले बताउनु भयो ।
अस्थायी शिविरमा रहेका महिला तथा बालिकामाथि बलात्कार भएको सुनेको बताउने महिला नेताहरु भूकम्प गएको १३ औं दिनसम्म पनि योजना विहिन जस्तै छन् । पार्टीको योजना अनुसार उद्धार र राहत कार्यमा खटेको  दाबी सबै महिला संगठनकाले गरे ।

 

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: