गर्भवती र सुत्केरीका लागि विशेष व्यवस्था मिलाउँछु : गृहमन्त्री गौतम


प्रकाशित मिति :2015-05-08 14:05:45

महिला खवर
bamललितपुर, वैशाख २५ । उपप्रधानमन्त्री तथा गृहमन्त्री बामदेव गौतमले भूकम्प प्रभावित सुत्केरी, गर्भवती तथा अशक्त महिलाका लागि विशेष व्यवस्था मिलाइएको दाबी गर्नुभएकाे छ । सञ्चारिका समूहको टेलिभिजन कार्यक्रम ‘समकोण’सँग शुक्रबार कुरा गर्दै उहाँले अप्ठ्यारो अवस्थामा रहेका महिलाको उपचार र पुनर्स्थापनामा विशेष जोड दिने प्रतिवद्धता व्यक्त गर्नुभयाे ।
‘गृहमन्त्रालय अन्तर्गतको आपतकालीन कार्यसंचालन केन्द्रमा खबर गरेर सहायता माग्न सकिन्छ। समस्यामा परेकालाई सघाउन हामी सँधै तयार छौं,’ कार्यक्रम प्रस्तोता निर्मला शर्मासँग कुरा गर्दै गृहमन्त्री गौतमले भने।
वैशाख १२ गतेपछि पटक–पटक गएको विनाशकारी भूकम्पमा परेकाहरूको उद्धारकार्य अन्तिम चरणमा पुगेको जानकारी दिंदै उहाँले राहत र पुनर्स्थाना कार्यक्रममा सरकार सक्रिय रहेको जानकारी दिनुभयाे।
‘बजारमा भएको टेन्टले पुगेन, त्यसैले विदेशबाट निरन्तर झिकाइरहेका छौं’ गौतमले भन्नुभयाे, ‘तत्कालका लागि टेन्ट उपयोगी भए पनि वर्षा धान्ने खालका जस्ता केही दिन भित्रै प्रभावित बस्तीमा पुर्‍याउँछौं।’
यी काममा केही अलमल र ढिलासुस्ती भएको स्वीकार्दै गृहमन्त्री गौतमले भन्नुभयाे, अब खाद्यान्नको समस्या छैन। सबै ठाउँमा चामल, चिनी, चिउरालागायत खाद्यान्न पुर्‍याइएको छ।’
सञ्चारिका समूहको प्रस्तुति स्वरुप कान्तिपुर टेलिभिजनमा हरेक शुक्रकार प्रसारण हुँदै आएको कार्यक्रम ‘समकोण’मा यसपटक भूकम्पका कारण समस्याग्रस्त जीवन बिताइरहेका सुत्केरी, गर्भवती, बृद्धा र घाइते महिलाको अवस्था समेटिएको स्थलगत रिपोर्ट प्रसारण गरिने छ।

 

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: