भुकम्प पीडित महिलालाई सिलाई कटाई तालिम


प्रकाशित मिति :2015-05-14 11:54:31

 
 5
काठमाडौ ,वैशाख  ३० । ललितपुरकी ललिता के सी ले तरकारी बेच्ने काम थालेको धेरै वर्ष भयो । वैशाख १२ गते केसी सधै जस्तो तरकारी बेच्न घरबाट निस्केकी थिईन । शनिवार तरकारीकोे राम्रै माँग हुन्थ्यो ।
एक्कासी जमिन बेसरी हल्लीयो । पसलमा राखीएका सबै वस्तु हल्लीन थाले । उनलाई के भयो भन्ने थाहा भएन । एक छिन पछि वरीपरीका घरहरु भत्कीएर ढल्न थाले ।
चारै तिर कोलाहल मच्चीयो । कोई मान्छे रुने, कराउन गर्न थाले । ,कोई खुल्ला चौर र सुरक्षित स्थान तर्फ दौडि रहेका थिए । भुकम्प आएको थाहा भएपछि उनीहरु ज्यान बचाउन भागेका थिए । ललिताले पनि भागेर ज्यान बचाइन । त्यस दिन छिन छिनमा पराकम्पन आइरहेकाले घरमा जाने आँटै गरीनन । दोस्रो दिन पनि त्रासले घर गइनन ।
तेस्रो दिन भूकम्प आउन कम भएपछि उनी घर तर्फ लागीन ।  घर पुरै भत्कीएको थियो । घर भित्रका लत्ता कपडा, अन्नपात ,अरु माल समान सबै नष्ट भएका  थिए । घरनै नरहे पछि उनको परिवार विस्थापित भयो ।
भुकम्प गए देखि उनी टुडिखेलमा पाल मुनि दुख कष्टका साथ दिन रात गुजारा गरिरहेकी छिन । विदेशी सस्स्थाले राहत बाँडे पनि नेपाल सरकारले भने भुकम्प पिडितहरुका लागी केहि गर्न नसकेको गुनासो उनको छ ।
विदेशीहरुले भुकम्प गए देखि सहयोग गरी रहेका छन तर हाम्रो सरकारले भने एउटा चाउचाउ सम्म दिएको छैन, उनले भनिन । हामीलाई त सरकारनै नभए जस्तो लाग्दैछ ।
अहिले के सी टुडिखेलमै सिलाई कटाई तालिम लिइरहेकी छन । उनले तालिम सिक्न लागेको दुई दिन भयो । तालिम सीकेर कपडा सिलाउने पसल राख्ने उनको उदेश्य छ ।
अर्की भुकम्प पिडित ललितपुरकै रेश्मा के सी भुकम्प जाँदा बारीमा काम गरी रहेकी थिईन । उनलाई रीँगाडा लागे जस्तै भयो । थरथर जमिन काप्न लाग्यो । घरहरु ढलेको आवाज निसक्दा हेलिकप्टर आए जस्तै लाग्यो रे उनलाई ।
भुकम्प आएको भन्ने थाहा पाए पछि ज्यान बचाउन त सफल भईन तर घर भने बचाउन सकिनन  । रेश्मा पनि परिवार सँगै टुडिखेलमै पाल मुनी बस्दै आएकी छन । साथमा कपडा सीलाउने तालीम पनि सिकी रहेकी छन ।
रेश्माले केही महिना अगाडी टेलरमा अलिकति च्यातिएको कपडा सीलाउन जाँदा पनि १५० रुपया तिरेको कुरा सम्झदै भनिन, सिलाई कटाई तालीम सीकेर अरु न भए पनि आफनै परीवारको मात्रै कपडा सीलाउन पाए पनि धेरै पैसाको बचत हुन्थ्यो ।
यसले आँफुलाई स्वरोजगार बन्न सहयोग पुग्ने पनि उनले बताईन । तालिम लिईसकेपछि सहज रुपमा थोरै लगानीमा व्यवसाय सञ्चालन गरी उद्यमी बन्न सकिने भएकाले ताीलम लिई रहेको उनको धारणा छ ।
ललिता र रेश्मा मात्र होईन अहिले काठमाडौंको टुडिखेलमा पाल टाँगेर बसी रहेका प्राय भुकम्प पिडित महिलाले सिलाई कटाई तालिम लिइरहेका छन् । एक गैर सरकारी सँस्थाले आयोजना गरेको सिलाई कटाई तालिममा करीब ५९ जना भुकम्प पिडित महिला सहभागी भएको तालिम प्रशिक्षक लक्ष्मी कुमारी राईले जानकारी दिनुभयो ।
तालिममा सहभागी महिलाले बिहान दस बजे देखी बेलुका चार बजे सम्म एक एक घण्टाका दरले तालिम लि रहेको उहाले बताउनुभयो । पहिलेनै सिलाई कटाई तालिम सिकेका महिलाले भने तालिम लिन नपाउने व्यवस्था छ ।
तालिमले समाजमा रहेका पुराना मान्यतालाई चिर्ने बिश्वास प्रशिक्षक राईले राख्नुभयो । राम्रो आम्दानीको स्रोतको रुपमा परिचय बनाउदै आएको सिलाई कडाई व्यवसायले भुकम्प पिडित महिलालाई आत्मनिर्भर हुन सहयोग पुरयाउने उदेश्यले राखेको छ ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: