अस्पतालमा विरामीको चाप बढ्दै, सुत्केरी महिलामा मानसिक चिन्ता


प्रकाशित मिति :2015-05-14 13:22:02

लमजुङ,वैशाख ३१। मङ्गलवार गएको भूकम्पले लमजुङ जिल्ला सामुदायिक अस्पताल बेशीसहरमा विरामीको चाप बढेकोे छ। हाल अस्पतालमा दैनिक २ देखि ३ सय भन्दा वढी विरामी अस्पताल आउने गरेको अस्पतालले जनाएको छ। भूकम्प गए लगतै  वढीमात्रामा आएका वृद्धावृद्धमा श्वास प्रश्वासको समस्या देखिनुका साथै पानीबाट सर्ने रोगहरू, झाडा पखाला, टाइफाइड वढी मात्रमा देखिए छ। वैशाख १२ पछि वढी सुत्केरी महिलामा मानसिक रुपमा चिन्ता वढेर जचाउँन आएको अस्पतालले जनाएको छ। अस्पतालका अनुसार भूकम्पले गर्दा गर्भवतीमा गर्भमा रहेको वच्चालाई असर पर्ने,  गर्भ तुहिने, अपाङगता हुने हो कि भन्ने मानसिक चिन्ता लिएर अस्पतालमा आउने गरेका छन्।
अधिकांश महिला नै प्रत्येक दिन अस्पतालमा स्वास्थ्यको बारेमा जानकारी लिन आउने गरेका छन्। भूकम्पले गर्भमा रहेको वच्चालाई कुनै असर नपार्ने  भन्दै महिलाहरूलाई ढुक्क हुन समेत अस्पताल प्रशासन प्रमुख डाक्टर विष्णु विष्टले आग्रह गरेकी छिन्। यतिवेला महिलालगायत सवैलाई स्वास्थ्य एंव खानपानमा ध्यान दिन समेत लमजुङका स्वास्थ्यकर्मीहरूले सुझाव दिएका छन्। खानपानमा र स्वास्थ्यमा ध्यान नदिदाँ झाडापखाला, टाइफाइडलगायतका समस्या देखिन सक्ने  स्वास्थ्य कर्मीको भनाइ  छ।
यसैवीच साथै बैशाख १२ गते गएको महाभूकम्पले चिरा परेेको अस्पतालको भवनमा  मङ्गलवारको भूकम्पले थप क्षति पुर्‍याएको अस्पतालका प्रशासन प्रमुख विष्टले बताइन्।  भूकम्पका कारण  अस्पतालको वालवालिका र सुत्केरी कक्ष सामान्य चर्केको र अन्य  कोठाहरूमा धेरै क्षति पुगेको अस्पतालले जनाएको छ।  भूकम्पले क्षति पुर्‍याएका भवनमा चेक जाँच गर्न आएको इन्जिनियरको टोलीले शल्यक्रिया  कक्षलगायत अन्य तीन वटा कोठामा नबस्न सल्लाह दिएको छ।
तर कोठाको अभावका कारण  सतर्कता अपनाउदै शल्यक्रिया गरिरहेको प्रमुख डाक्टर विष्टले वताइन्। भ्ाूकम्पले कर्मचारीहरूको क्वाटरमा समेत क्षति पुगेकोले पालमुनि वसिरहेका छन्।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: