राहतका लागि पोखराका महिला सक्रिय


प्रकाशित मिति :2015-05-15 12:59:25

jamuna pokh
कास्की, जेठ १। विनाशकारी भूकम्प  प्रभावित बनेकाहरूको राहतका लागि पोखराका महिलाहरू सक्रिया बनेका छन्।
पीडित, घाइते तथा प्रभावित क्षेत्रमा पुगेर राहत बाड्ने, खाना खुवाउने तथा विभिन्न संघ संस्थासँग समन्वय गरेर राहत वितरणलाई व्यवस्थापन गर्ने काममा महिला समूहहरू सक्रिय देखिएका छन्।
वैशाख १२ गते पछि भूकम्प पीडितको मानवीय सेवामा  मानव मिलन नारी जागरण नेपाल निकै सक्रिय बनेको छ। मनिपाल अस्पतालमा भूकम्प पीडित राहत कोषमा समेत सक्रिय भएका थिए भने यस संस्थाले धादिङका चार गाउँमा राहत वितरण गरिसकेको छ। विहीबार मात्रै निलकण्ठ नगरपालिकाको सुनौलाबजार क्षेत्रका दुईसय घर परिवारलाई राहत वितरण गरेको छ। दुई सय घरपरिवारलाई त्रिपाल, कम्बल, डोरी, म्याट्रेस, चामल, चाउचाउ, बिस्कुटलगायत लत्ताकपडा वितरण गरिएको हो मानव मिलन नारी जागरणका अध्यक्ष सावित्री शर्माले बताउनुभयो।
त्यसैगरी पोखरा उद्योग बाणिज्य महिला उद्यम विकास समितिले पनि भूकम्प पीडितका लागि राहत वितरणमा सक्रियता देखाएको छ। राहतमा साथ दिने धेरै महिला तथा आमासमूह, संघ संस्थाहरू क्रियाशिल भएका छन्।
त्यसैगरी अस्पतालमा उपचाररत घाइतेको डिष्चार्जपछि आश्रयको प्रबन्धकालागि संचारकर्मी एवं तमुधिं कास्कीले पनि सक्रिय भएको छ।
पीडितलाई थप मानिसक पीडा नहोस् भनेर उनीहरूको मनोसामाजिक परामर्शका साथै बालबालिकालाई भुकम्पको त्रासबाट मुक्त गर्न उनीहरूका लागि घुम्ने र खेल्ने वातावरण बनाउन समेत तमुधि कास्कीका सरस्वती गुरुङ्गले पहल गरिरहनुभएको छ।
पत्रकार महासंघका केन्द्रिय सदस्य सुस्मा पौडेलले विभिन्न संघसंस्थासँग समन्वय गरी राहत, उद्धार, पुननिर्माण र मनोसामाजिक परामर्शका सक्रिय बनिरहनु भएको। महिला मानव अधिकार रक्षक संजालका अध्यक्ष सरलाकुमारी पाण्डे, नगरस्तरिय महिला समन्वय समिति, आमा समूह र महिलासँग सम्बन्धित अन्य संघसंस्थालगायत दर्जन भन्दा बढि संघ संस्था तथा व्यक्तिगत रुपमा समेत महिलाहरू राहत र भोजन दानमा सक्रिय बनेका छन्।

    Comment Here!

Related NEWS
मुख्य खबर

उर्मिलाको प्रश्न

-सृजना शर्मा- म उर्मिला तिम्री तिम्रो भागको निद्रा लिएर सुतेकी छु युगौँ युग ए राम अनुज, तिम्रै खातिर मैले

गैर सरकारी एकान्तबास

-मिश्र वैजयन्ती- सबभन्दा मायालाग्दो देखिएको छ भर्खरै किनेको बुट्टेदार सिरानीको खोल ।

गांधारी

-रञ्जना लिम्बू- ए गांधारी! चढेर युगहरुको अक्कर भीरहरु नाघेर सभ्यताका अग्ला पहाडहरु यहाँसम्म आइपुगेर टक्क अडिएका छन मेरा पाइलाहरु मलाई तिम्रो

युद्ध बिरामको घोषणा

-जानु काम्बाङ्ग लिम्बू- न तिमीलाई बुझ्न सकेँ मलाई बुझ्न सक्यौ तिमीले तेसै तेसै मोडीए हाम्रा पाइलाहरू उचालेर शंकाको

म पूरा , तिमी आधा

-मन्जु काँचुली- तिमी– मेरो आकाशको घडामा तैरिने एक टुक्रा अस्थिर बादल मेरो चन्द्रमाको प्रकाशले पानीमा छचल्किने एउटा

Read more
© 2015.All rights reserved by mahilakhabar.com
%d bloggers like this: