‘कहिल्यै आउँदैन त्यो भोली’


प्रकाशित मिति :2015-05-17 14:43:29

प्रतिमा सिलवाल 
Shovaललितपुर, जेठ ३। धादिङ मुरलीभञ्ज्याङकी शोभा लम्साल वैशाख १२ पछि अझै राम्रोसँग बौरिएकी छैनन्। बेहोस जस्तै छिन्। भूकम्पले उनको परिवारको एकमात्रै आधार श्रीमान् विष्णुहरीलाई खोस्यो। एकातिर श्रीमान् गुमाउनुपर्दाको पीडा अर्कोतिर परिवार पाल्ने जिम्मेवारी थपिएको छ।
तर, अझै आफूलाई बलियो बनाउन भने सकेकी छैनन् उनले। उत्तरी धादिङको रि गाविसमा पर्ने देउराली प्राथमिक विद्यालयको प्रधानाध्यापक थिए शोभाका श्रीमान् विष्णुहरी। विद्यालयबाट एक दुई महिनामा घर आउँथे। धेरैजसो शुक्रबार बेलुका घर आइपुग्थे।
वैशाख १२ गते भने आइतबारको लागि घर आउने योजना बनाएका थिए विष्णुहरीले। ‘भोली बिहानै आउँछु, आज नुवाईधुवाई गर्नुछ भनेर फोन गर्नुभाथ्यो’ भावविह्वल शोभाले भनिन्, ‘त्यो भोली अब कहिल्यै आउँदैन।’
नयाँ शैक्षिक सत्रमा आवश्यक पर्ने पुस्तक किनेर लैजाने योजनासहित विष्णुहरीले परिवारलाई आईतबार मात्रै घर आउने बताएका थिए। तर, वैशाख १२ गतेको भूकम्पले विष्णुहरीलाई उनी बस्ने घरमा पुर्यो। उनीसँगै ४ जना शिक्षक पनि पुरिए।
विष्णुहरीका दाजु शिवहरी लम्सालले भने, ‘पुस्तक पसलमा किताबको लागि पैसा पनि तिरिसकेको थियो। किताब लैजानु त कहाँ, ज्यानै लग्यो भूकम्पले।’
विष्णुहरीका २ छोरा छन्। कक्षा २ र ७ मा पढ्ने छोराको कसरी पढाइ अघि बढाउने अझै सोच्न सकेकी छैनन् शोभाले। ‘उहाँ स्कूल पढाउनुहुन्थ्यो, म दुई छोरालाई स्कूल पठाउँथे, खेतीपाती गरेर बसेको थिएँ’ शोभाले थपिन्, ‘अब मैले यी चिचिला २ छोरा कसरी पढाउनु, हुर्काउनु?’
श्रीमान् मरेका मात्रै होइन भूकम्पले शोभा बस्ने २ कोठे माटोेको घर पनि भत्काइदिएको छ। हेर्दा घर ढलिसकेको छैन, तर भित्रभित्रै चिरिएर बस्न नमिल्ने भएको छ। तर, सरकारका तर्फबाट उनले कुनै राहत पाएकी छैनन्।
भूकम्पमा परि मृत्यु भएका परिवारलाई सरकारले काज किरियाको लागि ४० हजार रुपैयाँ दिने भनेपनि उनले पाएकी छैनन्। न त भूकम्प पीडितका लागि भनेर जाने राहत शोभाको परिवारसम्म पुगेको छ। शोभा भन्छिन्, …आफू नै सम्हालिन सकेकी छैन म कहाँ राहत खोज्न जाने?’
आईतबारसम्म धादिङमा मृत्यु हुनेको संख्या ७ सय २७ जना पुगेका छन्। ती मध्ये महिला २५३ र बालिका १३० जना छन्। मृत्यु भएकामध्ये सबैको परिवारलाई अझै राहत र किरियाखर्च पुगेको छैन।
धादिङका प्रमुख जिल्ला अधिकारी बासुदेव घिमिरे पहिलो चरणमा बाँडिएको किरिया खर्च अपुग भएकोले गृह मन्त्रालयबाट आएपछि पुन बाँडिने बताउँछन्। राहत भने सबैजसो स्थानमा पुगेको उनको भनाई छ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: