भूकम्पले बदलिएको मानसिकता


प्रकाशित मिति :2015-05-20 11:02:35

कमला चौधरी

काठमाडौं, जेठ ६। बुटवलकी चन्दा चौधरी वैशाख १२ मा आएको भूकम्पबाट निकै त्रसित भइन। डर र त्रासले छोरी र श्रीमानका साथ कोठामा भएको कपडा खानेकुरा पानीको बोतल झोला झाम्टी लिएर बाहिर खुला ठाँउमा बस्न हिँडिन्। चारदिन उनले सानेपास्थित मधेशी जनाधिकार फोरम लोकतान्त्रिकको आ‘गनमा पाल टाँगेर रात बिताइन्।
त्यसपछि माईतघर बुटवल गएर १५ दिन बसिन्। भूकम्पको त्राश विस्तारै शान्त हुदै गएपछि उनी काठमाडौं फर्किइन्। फर्केको २४ घण्टा नवित्दै १८ आै‌ दिन दोस्रो ६.८ रेक्टरको भूकम्पमा परिन्। त्यो भूकम्पको डरले भने उनको मन परिवर्तन भएको छ। उनी काठमाडौं छाड्ने तयारीमा छिन्।

उनी भन्छिन्, ‘केही दिनमै कोठाको सबै सामान लिएर बुटवल बसाई सर्ने योजना बनाएकी छु।’ तीन वर्षअघि विवाह गरेर जीवन गुजारा चलाउन उनीहरू राजधानी आएका ललितपुर सानेपामा बस्दै आएका थिए। तीन वर्षकी छोरी छन्। उनका लागि पनि यहाँ बस्न मन छैन’ उनी भन्छिन्। २०६९ सालमा बुटवलकै फर्साटिकरमा उनकाे विवाह भएको थियो।

विवाह भएपछि श्रीमानसँग राजधानी आईन्। पढाई सकाएपछि श्रीमानले वर्कसपमा काम गर्न थालेका थिए । श्रीमानसँगै ललितपुरको सानेपामा दम्पत्ति बस्दै आएका छन्।चौ‌थो तलामा कपडा सुकाउन गएकी चौधरी अचानक घर हल्लिदा दौडिँदै तल झर्ने क्रममा धन्नै लडिनन्। उनी भन्छिन् ,छोरी कोठामा थिईन्। आफनो पर्वाह भएन दिमागमा छोरीको झल्को आयो आत्तिदै छोरीलाई लिन दोस्रो तला कोठामा पुगेँ।’ अव काठमाडौं नबस्ने मनसाय बनाएकी छिन्।

चन्दाको जस्तै मनस्थिति बनाएका छन्–रुपन्देही रुद्रपुरका विदुर ढकालले पनि। पढाई र जागिर गर्ने शिलशिलामा उनी राजधानीमै थिए। भूकम्प आएदेखि उनी मानसिक रुपमा त्रसित छन्। उनी भन्छन्, ‘आँखै अगाडि घरले पुरिएर एक युवतीको मृत्यु भयो। स्कुटीमा आईरहेका एक जना लडे। धन्न मेरो ज्यान बच्यो।’
चन्दा र बिदुरमात्र होइन, पात्र अरु पनि उदाहरण छन्। सप्तरीकी भगवती विश्वास अध्ययनको शिलशिलामा राजधानी आएको १० वर्ष भयो। पढाई सकेर राजधानीमै दुरसञ्चार कार्यालयमा प्राविधिकमा नाम निस्कियो। उनी यही नै जागिर गर्न थालिन्। उनी पनि शनिबार आएको भूकम्पले निकै त्रसित भइन्। डराएर केही दिन बस्नलाई घर गईन्। लगभग १० दिनपछि उनी फर्किन्। फर्केको केही दिनमै फेरिपनि भूकम्पको अर्को धक्का खाईन्। ‘पहिलाको भूकम्पले सातो गयो,चोटपटक त लागेन। उनी भन्छिन्,’अब यहाँ बसिन्न ,जिल्लामै सरुवा मागेर जाने सोच बनाईसकेकी छु।’
दार्जिलिङकी सुस्मा राई राजधानीमा म्यानपावर कम्पनीमा काम गर्छिन्। कुपण्डोल ज्वागलमा बस्दै आएकी उनी मानसिक रुपमा पुरै तनावमै हुन्छिन्। ‘अव घर फर्किने हो,’ उनी भन्छिन्,’के भएको हो, नेपालमा, यहा‘ बसिन्न। घर गईन्छ ,भूकम्प आए घरमै मर्ने हो परिवारसँगै।’
भूकम्पविद्हरूले काठमाडाैं जोखिममा छ भनेको समाचार सुनेको थिए। अहिले आएर भोग्न पर्‍यो’ चितवनका विमल पाण्डेले भनेे। उनले भने, ‘सर्तक रहने नै हो तर कति दिन कुन बेला के हुन्छ थाहै हुँदैन। त्यसैले घर र्फकन लागेको हुँ।’

वैशाख १२ गते ११ः५६ मा ७.९ रेक्टर स्केल गोरखाको लारपाक र बारपाक केन्द्रविन्दु बनाई आएको भूकम्पले राजधानीमा रहेकाहरू त्रसित भएपछि घर फर्कनेहरूको संख्या बढ्न थालेको छ। भूकम्पले कति क्षति भएको हो त्यो हाल्ने। राजधानीसतिह देशैभर भूकम्प गयो। जनावरदेखि मानिस पुर्ण रुपमा प्रभावित भए। धेरै धनजनको क्षति भयो। बारम्बारको कम्पनका कारण टाढा टाढाबाट ठूलो सपना बोकेर आएकाहरू नफर्किने गरी गाउँ जाने मानसिकता बनाएका छन्।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: