महिला हिंसा रोक्न जाँडरक्सी र जुवातास नियन्त्रण अभियान


प्रकाशित मिति :2015-05-21 11:35:36

ईश्वरी जी.एम.
रोल्पा, जेठ ७। जाड रक्सी सेवन र जुवातासले महिला हिंसाका घटना बढेको भन्दै रोल्पा दुबिडाँडा गाविसका आमा समूहले जाड रक्सी सेवन र जुवातास बन्द गर्न बुधबारदेखि अभियान चलाएका छन्।

गाविसस्थित स्वास्थ्य आमा समूहले जाड रक्सी बनाउने र बेच्ने महिला नै बढी हुने भएकाले यसविरुद्ध महिला नै एकजुट भएर पूर्णरुपमा नियन्त्रण र बन्द गर्ने अभियान चलाएको आमा समूहकी अध्यक्ष शर्मिला थापाले बताउनुभयो। अध्यक्ष थापाका अनुसार बालविबाह, बहुविवाह, घरेलु हिंसा, यौन दुर्व्यवहार न्यूनिकरण गर्ने कार्यक्रम पनि अभियानसँगै जोडेर लगिने छ।

यो निर्णयविरुद्ध जाडरक्सी सेवन र वेचविखन गर्ने जो कोहीलाई सुरुमा ५ सयदेखि १० हजारसम्म जरिवाना गर्ने त्यो पनि नमाने कानुनी प्रक्रियाका लागि अघि बढ्ने नियम समेत समूहले बनाएको छ। अभियानलाई व्यापक बनाइ गाउँगाउँमा पुर्‍याउन प्ले कार्ड सहितको र्‍यालीले गाविसका विभिन्न वडामा परिक्रमा गरिएको छ। आमा समूहको यो अभियानलाई स्थानीय राजनीतिक दल, स्वास्थ्य संस्था, सुरक्षाकर्मी, शिक्षक, विद्यार्थी, बुद्धिजीवी सबैले सहयोग गर्ने प्रतिवद्धता समेत जनाएका छन्।

रोल्पा जिल्लामा अत्यधिक मात्रामा घरेलु मादक पदार्थको उत्पादन, बिक्री वितरण र सेवन गर्ने प्रचलनले जिल्लाका धेरै महिला श्रीमानबाट हिंसामा परेको र समाजमा अशान्ति बढेको भन्दै जिल्ला प्रहरी कार्यालय रोल्पाले पनि सोमबार सदरमुकाम लिबाङबाट करिब ४ सय लिटर घरेलु रक्सी विभिन्न होटेलबाट नियन्त्रणमा लिएर नष्ट गरेको थियो।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: