विवाह पूर्वको सम्बन्धमा लेख प्रकाशन हुँदा पत्रिका बन्द


प्रकाशित मिति :2015-05-21 14:24:45

एजेन्सी

Zanan-e Emrouzइरान, जेठ ७। इरानबाट प्रकाशित हुने महिला सम्बन्धि पत्रिका ‘जीनान ई इम्रोज ‘ प्रकाशनमा त्यहाँको सरकारले रोक लगाएको छ।

‘जीनान ई इम्रोज’ पत्रिकाले इरानको सामाजिक र धार्मिक कानुनविरुद्ध विवाह हुनुपूर्वको केटाकेटीको सम्बन्धलाई प्रोत्साहन दिएको सामग्री प्रकाशन गरेको भन्दै प्रकाशनमा रोक लगाएको इरानबाट प्रकाशन हुँदै आएको अलमोनिटर डट कमले जनाएको छ। तर, महिला पत्रकार जिला बानी यहवाले भनेकी छन् ‘पत्रिका बन्द गर्नुको कारण विवाह पूर्व केटाकेटी बीचको सम्बन्धका बारेमा प्रकाशित भएको लेखमात्र होइन, महिला अधिकार सम्बन्धि पत्रिकाले उठाउँदै आएका सबै विषयमा राज्यलाई आपत्ति थियो।’

सो पत्रिकालाई इरानी राष्ट्रपति मोहम्मद एहमदिनेजादकै प्रशासनले दोस्रो पटक प्रकाशन हुनबाट रोक लगाएको हो।
महिलाका मुद्दालाई उठाउने उद्देश्यले फेव्रुवरी १९९२ बाट प्रकाशित हुँदै आएको जीनान ई इम्रोज पत्रिकालाई इरान सरकारले पहिलो पटक २००६ मा रोक लगाएको थियो।

पत्रिकाले महिलाको समान अधिकार, छोडपत्रमा महिलाको अधिकार, राजनीतिमा महिला सहभागिता र महिलामाथि हुने हिसांविरुद्धका विभिन्न मुद्दामा आवाज उठाउँदै आएको थियो।

‘जीनान ई इम्रोज’ पत्रिकाका सम्पादक सहला सेरकतका अनुसार ‘पत्रिका प्रकाशन गर्नुको मुख्य उद्देश्य महिलालाई सचेत बनाउने र लैङिगक समानताका बारेमा राज्यको निर्णय तहसम्म महिला पुग्नुपर्छ भन्ने हो।’

    Comment Here!

Related NEWS
मुख्य खबर

महिला

-वसन्त आचार्य- गरेर परिवारको हेरचाह, राख्द छिन् ख्याल अरुको पनि, जहाँ देखिन्छन् चोटहरु, उहीँ पुग्दछिन् मलम बनी

सामाजिक सेवा र महिला अधिकार

-रुपा थापा- अघि बढ्नु पर्छ छोरी सधै तिमीले चम्किएर त्यो किरण सरि यो सामाजिक सेवामा सारा ती मौनतालाई तोडेर

सामाजिक सेवा र महिला अधिकार

-कल्पना नेपाल आचार्य- त्याग र समपर्णको भावमा रमाएर कति पीडा र व्यथा लुकाएर ओठमा मुस्कान छर्न तम्तयार

एक सडक बालक

-अप्सरा लावती लिम्बु- टोलाएर हेरी बसेको छ,फोहोरको डंगुरमाथी के के होलान है खानेकुरा भनेर कल्पनाले ऊ तरंगीत छ

पत्रकार मृत फेला

-महिला खबर- पत्रकार निर्मला पहराई शुक्रबार मृत फेला परेकी छिन् ।

Read more
© 2015.All rights reserved by mahilakhabar.com
%d bloggers like this: