भूकम्पपछि नाकाहरूमा चहलपहल बढ्यो


प्रकाशित मिति :2015-05-24 13:14:21

महिला खवर

नेपालगन्ज, जेठ १०। महाभूकम्प प्रभावित क्षेत्रका महिला वेचविखनको जोखिममा रहेका भन्दै नेपालगन्जका नागरिक समाजले चिन्ता गरेका छन्। भूकम्प प्रभावित जिल्लाका महिला रोजगारको प्रलोभनमा नेपालगन्ज नाका हुँदै भारत जानेक्रम बढेको उनीहरूले बताएका छन्।

वैशाख १२ गतेको महाभूकम्प यता जोखिमपूर्ण यात्रामा रहेका ६८ जना महिलालाई नेपालगन्जस्थित जमुनाह नाकाबाट फर्काईएको छ। ६८ जनामध्ये १७ जना महिला भूकम्प प्रभावित जिल्ला सिन्धुपाल्चोक, नुवाकोट र मकवानपुरका रहेको माईती नेपाल नेपालगन्जका संयोजक केशव कोईरालाले जानकारी दिनुभयो। १७ जना मध्ये १५ जनालाई घरपरिवारसँग सम्पर्क गरी पारिवारिक पुनर्मिलन गराएको र २ जना अहिले पनि आवधिक गृहमा रहेको कोईरालाले बताउनु भयो।

नेपालगन्ज नाकालाई पछिल्लो पटक दलालले प्रयोग गर्ने गरेको भन्दै मानव वेचविखनको उच्च जोखिममा रहेका बाँकेको ग्रामिण क्षेत्रमा मानव वेचविखनविरुद्ध युवा परिचालन अभियान गरिएको छ।

मानव बेचविखनविरुद्ध जिल्लामा क्रियाशिल संघ–संस्था र मानव बेचविखन तथा ओसारपसार विरुद्धको जिल्लास्तरीय समितिको अग्रसरतामा यस्तो अभियान सञ्चालन गरिएको हो। ग्रामिण क्षेत्रका युवालाई मानव बेचविखनविरुद्ध महिला बालबालिकामा आधारित मानवअधिकारमुखी क्रियाकलापहरू युवामार्फत प्रभावकारी रुपमा संचालन गरिएको महिला तथा बालबालिका कार्यालय बाँकेकी फोकल पर्सन बिन्दु कुँवरले जानकारी दिनुभयो।

युवाहरूलाई श्रव्यदृश्य सामग्रीमार्फत मानव बेचविखनको अवस्था, वेचविखनका लागि दलालले अपनाउने तरिका, सम्पर्क स्थानहरू, कानुनी व्यवस्था, बैदेशिक रोजगार , सुरक्षित वसाईसराई र मानव बेचविखनविरुद्ध युवाहरूको भूमिकालगायतको वारेमा पूर्णरुपमा प्रशिक्षण दिएर अभियान सञ्चालन गरिएको उहाँले बताउनुभयो।

युवाहरूले मानव बेचबिखनविरुद्ध सक्रिय भई व्यक्तिगत र सामूहिक रुपमा गर्न सकिने काम र कार्ययोजनासहित अभियानमा लागेको माईती नेपालका संयोजक कोईरालाले जानकारी दिनुभयो।

व्यक्तिगत तवरबाट गर्न सकिने काममा आफू सचेत रहि परिवार र साथीहरूलाई सचेतना फैलाउने, शंकास्पद व्यक्ति र जोखिममा रहेका व्यक्तिको वारेमा निगरानी राख्ने परामर्श दिने र आवश्यकता अनुसार सम्वन्धित निकायसँग समन्वय गर्ने, चोक, चौतारा पसल समेतमा मानव बेचविखनविरुद्ध छलफल एवं वहस संचालन गर्नेलगायतका कार्यहरु युवाले गाउँ क्षेत्रमा गर्दै आएको उहाँले बताउनु भयो।मानव बेचविखनको जोखिममा रहेका समूदाय र क्षेत्र पहिचान गरी यसको रोकथामका लागि अन्तरक्रिया, सडक नाटक, र्‍याली, घरदैलो जस्ता कार्यक्रम युवाले सामूहिक रुपमा सञ्चालन गर्दै आएको वनकटवाकी धनसरा बुढा क्षेत्रीले जानकारी दिनुभयो।

‘मानव बेचविखनको समस्या बहिर सुनिएको र सोचेको भन्दा भयानक रहेका पाईएको छ’–महादेवपुरीका छक्कबहादुर वि.क.ले भन्नुभयो, ‘महिला बालबालिका प्रतिकोे समाजको सोच र दृष्टिकोणमा परिवर्तन ल्याई मानव बेचविखनविरुद्ध युवाहरू जिम्मेवार र व्यवहारिक रुपमा क्रियाशिल रहेका छौँ।’

    Comment Here!

Related NEWS
मुख्य खबर

नारी सहास र सृजनाको स्रोत

-अञ्जना दास परियार- परोपकारी मन, भावना र कार्यले सुनौलो विश्व-इतिहास रच्न सफल मदर टेरेसा नारी तिनी ।

अधिकारीले दायर गरेको रिटमा सर्वोच्चको कारण देखाउ आदेश

-महिला खबर- ललितपुर । गोरखापत्र संस्थानको प्रधान सम्पादक नियुक्तिका विषयमा परेको रिट निवेदनमा सर्वोच्च अदालतले कारण

समाज सेवा र हाम्रो परिवेश

-हिरा दाहाल- बर्दियाकि बहिनी भात खान नपाएर देह त्याग गर्न विवश देशमा समाज सेवा गर्छु भन्न पनि लाज

महिला

-वसन्त आचार्य- गरेर परिवारको हेरचाह, राख्द छिन् ख्याल अरुको पनि, जहाँ देखिन्छन् चोटहरु, उहीँ पुग्दछिन् मलम बनी

सामाजिक सेवा र महिला अधिकार

-रुपा थापा- अघि बढ्नु पर्छ छोरी सधै तिमीले चम्किएर त्यो किरण सरि यो सामाजिक सेवामा सारा ती मौनतालाई तोडेर

Read more
© 2015.All rights reserved by mahilakhabar.com
%d bloggers like this: