पुनर्निर्माणका लागि महिलाको छुट्टै दस्ता


प्रकाशित मिति :2015-05-25 11:10:53

महिला खवर 

ललितपुर,जेठ ११। अखिल नेपाल महिला संघले भूकम्प पीडितका लागि अस्थायी घर निर्माण गर्न थममाया थापाको नेतृत्वमा महिला स्वयंसेवी दस्ता निर्माण गरेको छ। पुनर्निर्माणका लागि तयार गरिएको स्वयंसेवी दस्तालाई एमाले अध्यक्ष केपी शर्मा ओलीले टहरा निर्माण गर्ने औजार सहित भृकुटी मण्डपबाट तोकिएको कार्यक्षेत्रमा जान निर्देशन सहित विदाई गर्नुभएको छ।

सय जना महिला स्वयंसेवी दस्ताले काठमाडौं क्षेत्र नम्बर ४ को ३ नम्बर गाविस चपलीमा २५ वटा अस्थायी घर निर्माण गर्ने योजना बनाएको संघका प्रवक्ता शान्ति अधिकारीले जानकारी दिनुभयो। स्वयंसेवी दस्ताले चपलीमा महिला मात्र भएका ८ र १२ वटा सुकुम्बासीका घर निर्माणलाई पहिलो प्राथमिकतामा राखेको अधिकारीले जानकारी दिनुभयो।

anemasang
दस्ताले भूकम्पबाट भत्केका घरका सामान निकाल्ने र पीडित परिवारलाई सुरक्षित ठाउँमा राख्न अस्थायी टहरा निर्माण गर्नेछ। संघले दुईवटा समूह बनाई आजबाट पुनर्निर्माणको काम शुरु गरेको छ। एउटा समूहमा ५० जना महिला छन्। समूहमा डाक्टरदेखि इन्जिनियरसमेत सहभागी छन्। उनीहरूले विहान ६ देखि ११ बजेसम्म र २ देखि ६ बजेसम्म काम गर्ने तालिका बनाएका छन्।

यो अभियानमा सहभागी हुन भूकम्पबाट कम प्रभाव पारेका जिल्लाका संघका प्रतिनिधि काठमाडौंको आएको अधिकारीले जानकारी दिनुभयो। पुनर्निर्माणमा महिला सक्षम छन् भन्ने सन्देश दिन महिलाको मात्र स्वयंसेवी दस्ता खडा गरेको प्रवक्ता अधिकारीले बताउनु भयो।

    Comment Here!

Related NEWS
मुख्य खबर

उर्मिलाको प्रश्न

-सृजना शर्मा- म उर्मिला तिम्री तिम्रो भागको निद्रा लिएर सुतेकी छु युगौँ युग ए राम अनुज, तिम्रै खातिर मैले

गैर सरकारी एकान्तबास

-मिश्र वैजयन्ती- सबभन्दा मायालाग्दो देखिएको छ भर्खरै किनेको बुट्टेदार सिरानीको खोल ।

गांधारी

-रञ्जना लिम्बू- ए गांधारी! चढेर युगहरुको अक्कर भीरहरु नाघेर सभ्यताका अग्ला पहाडहरु यहाँसम्म आइपुगेर टक्क अडिएका छन मेरा पाइलाहरु मलाई तिम्रो

युद्ध बिरामको घोषणा

-जानु काम्बाङ्ग लिम्बू- न तिमीलाई बुझ्न सकेँ मलाई बुझ्न सक्यौ तिमीले तेसै तेसै मोडीए हाम्रा पाइलाहरू उचालेर शंकाको

म पूरा , तिमी आधा

-मन्जु काँचुली- तिमी– मेरो आकाशको घडामा तैरिने एक टुक्रा अस्थिर बादल मेरो चन्द्रमाको प्रकाशले पानीमा छचल्किने एउटा

Read more
© 2015.All rights reserved by mahilakhabar.com
%d bloggers like this: