तालिमले बोल्न सक्ने बनायो


प्रकाशित मिति :2015-05-27 12:44:07

ईश्वरी जी.एम.

रोल्पा, जेठ १३। आफ्नो परिचय भन्नुपर्दा लाजले मुख छोप्ने कोर्चाबाङ गाविसका महिला अहिलेे भाषण गर्न सक्ने भएका छन्। गाविस कोर्चाबाङको सहयोगमा आयोजित गाविसस्तरीय महिला नेतृत्व तथा क्षमता विकास तालिम लिएपछि आफूहरूमा सवैका अगाडी अभिएर बोल्ने साहस बढेको बताएका हुन्।

गाउँ विकास समितिमा हुने कार्यक्रममा सहभागी भएर के नै पाईएला र भन्ने सोचाईका कारण आफूहरू पछि परेको तालिममा सहभागी अमृता घर्तीले बताईन्। गाउँमा हुने सभा समारोहमा जानुभन्दा घरधन्दामै रमाउँदा महिलाको क्षमता विकास हुन नसकेको मन कुमारी पुनले बताईन्। गाविसमा हुने महिला लक्षित कार्यक्रम बाहेक विकास निर्माणका काममा समेत महिला सहभागिता बढाउनुपर्ने पुनको धारणा छ।

गाविस परिषद हुनुअघि वडा नागरिक मञ्च हुँदै छानिने थुप्रै महत्वपूर्ण योजनामा समेत महिलालाई सहभागी गराउनुपर्ने आवाज महिलाले उठाएका छन्। तालिममा सहभागी प्रतिक्षा घर्तीले जिल्लाका राजनैतीक दलका महिला यी विषयमा बढी गम्भिर बनेर गाउँ तहका महिलालाई परिचालन तथा सचेत र सहभागी बनाउने कुरामा लाग्न ध्यानाकर्षण गराइन्।

प्रत्येक वडाका आमा समूह, स्वास्थ्य स्वयंसेविका, राजनीतिक दल सहभागी भएको तालिममा लैङ्गिक हिंसा र यसविरुद्ध कानूनी व्यवस्था, नेतृत्व र गुणहरू, नेतृत्वशैली, वकालत, प्रतिवेदन लेखन र प्रस्ताव लेखनलगायतका विषयमा तीन दिनसम्म तालिम दिईएको गाविस सचिव तिर्थ घर्ती मगरले बताए। तालिमका प्रशिक्षक पत्रकार तथा अधिकारकर्मी खेम बुढामगरले तालिममा सहभागी महिलाले केहि गर्छौ र गर्न सक्छौ भन्ने हिम्मत बढाएको बताए ।

प्रत्येक गाविसले लैङ्गिक बजेटलाई सदुपयोग गरि गाविसका हरेक गतिविधिमा महिलालाई सक्रिय सहभागी गराउन सकेमा महिलाको क्षमतामा विकास भई समाज रुपान्तरण र परिवर्तनमा त्यसले उल्लेखनीय भूमिका निभाउने प्रशिक्षक बुढामगरले बताए।
तालिममा सहभागी महिलाले गाउँमा हुने कार्यक्रम तथा कुनै सभा समारोहमा निर्धक्क बोल्न सक्ने क्षमता विकास आफूमा भएको बताए।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: