स्कुलमै स्यानिटरी प्याड बनाउने तालिम


प्रकाशित मिति :2015-05-30 13:10:23

ईश्वरी जी.एम.
sanitaryरोल्पा, जेठ १६ । रोल्पाका ८ वटा विद्यालयमा महिनावारी हुँदा छात्रालाई पर्ने समस्यालाई मध्यनजर गर्दै स्यानीटरी प्याड राखिने भएको छ ।

भौगोलिक विकटताका कारण घरदेखि २/३ घण्टा पैदल हिडेर विद्यालय जानुपर्ने हुँदा छात्रा महिनावारीका बेला स्कुल नजाने प्रवृत्तिलाई अन्त्य गर्न नेपाल रेडक्रस सोसाईटीले जिल्लाका ८ वटा निजी तथा सरकारी विद्यालयका २ छात्र, २ छात्रा, १ शिक्षक र १ शिक्षिकालाई स्यानीटरी प्याड बनाउने २ दिनको तालिम दिएको छ । तालिममा उनीहरूलाई फ्लाटिनको कपडाबाट पुन प्रयोग गर्न मिल्ने स्यानीटरी प्याड बनाउन सिकाइएको हो ।

तालिममा सहभागी छात्राले आफूहरूले  स्यानीटरी प्याड बनाउन पूर्ण रुपमा सिकेको र अरुलाई पनि सिकाउन सक्ने समेत भएको बताएका छन् ।

स्वास्थ्य प्रबर्द्धनका लागि सामुदायिक सशक्तिकरण नेपालगञ्जका जिल्ला संयोजक रेशम खड्काले शिक्षक तथा विद्यार्थीलाई एकै ठाउँमा राखेर प्याड तयार गर्ने तालिम दिनुभएको हो । तालिमपछि सम्बन्धित विद्यालयले अन्य छात्रछात्रालाई समेत सिकाएर विद्यालयमै प्याड राखि विद्यालय समयमा महिनावारी हुने छात्रालाई प्याड उपलब्ध गराउनेछ ।

छात्रालाई थप सहज होस् भन्ने उद्देश्यले विद्यालयमा एक जना शिक्षिकालाई फोकल पर्सनका रुपमा व्यवस्था गरिने छ।

शिक्षक, शिक्षिका र छात्र-छात्रालाई सँगै राखेर प्याड एवं रजस्वला सम्बन्धि तालिम दिँदा महिनावारीको कुरा बाहिर खुलेर गर्न हुन्न भन्ने संकोच समेत हटेर गएको प्रशिक्षक खड्काले बताउनुभयो ।

पूर्ण सरसफाईको एक महत्वपूर्ण पाटो व्यक्तिगत सरसफाई र त्यस भित्र पनि महिनावारीको समयमा महिलामा सरसफाईको बढी आवश्यकता पर्ने हुनाले छात्रालाई स्कुलदेखि नै यसको बानी बसाल्न सके पछिसम्म फाईदा पुग्ने सामुदायिक स्वास्थ्य खानेपानी सरसफाई तथा स्वच्छता कार्यक्रमका फिल्ड प्राविधिक बसन्त गौतमले बताउनुभयो ।

स्यानीटरी प्याड बनाउने तालिम लिन पाउँदा आफूहरू निकै खुशी भएको र यसले अब महिनावारीको समयमा आत्तिनु नपर्ने तथा विद्यालय छोड्नु पर्ने बाध्यतालाई समेत  हटाइदिएको तालिममा सहभागी छात्रा बसन्ती विष्टले बताउनुभयो ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: